هـــــ . . ــي

الجمعة، 5 فبراير، 2010




كانت هادئة خجول دائما تجلس بمفردهااا حابسه غضبهاا حتي كبر الغضب واصبح وحشاَ يكاد يخرج من جلدها ويعلن عن وجودة

كان الاخرون متجاهلون لها ....وكانت هي متجاهله للوحش الذي كبر بداخلهاا وكاد يخترق مسام جسدها
وقفت امام المراَة وقررت ان تطلق براحا لهذا الوحش.. ليتكلم حتي يتقلص حجمة ويعود كما كان مجرد صوتاا بداخلها يحثها علي جلد مشاعرها وكانها تصلب هذة المشاعر كل ليلة وتتركها لتموت مع العوامل القاتلة من تجاهل وايذاء وجرح وظلم وكانها ليست هنا
كان يحثها علي اخفاء ومحي هذة الابتسامة البلهاء علي وجهها لكل من اذاها...

حان الوقت لتخرج المارد من حبسة فتحت له ذللك الباب ...وحينها خرج ليتشاجر معها ويتجاذبها ويدفعها وحينما رمقت له وجدتته هي

18 comments:

Hager Za3bal يقول...

للأسف هي اللي خلت المارد ده يتولد .. هي اللي وجعت نفسها باءيديها ..
هي اللي كانت بتكبت الغضب وتسمح له انه يكبر يكبر يكبر ..

عبرتي عن ده باءسلوب جميل جدا .. فعلا البوست عجبني :)

تسلم ايديكي :)

Hannoda يقول...

احساسك عالي فيها قوي.. الاحساس بالألم ناحية مهما كان .. لازم مايتحبسش.. لازم يخرج .. ادام الناس او قدام نفسك
فصورة كتابة او دموع او صارخ اوو نقاش
لاااازم يخرج و الا استحال وحش

thunder يقول...

ممممممممممممممممم
ايه دا ايه دا
مش بقولك هو الالهام اتربط فى كرسى عندك ومش عاوز يهرب لكن تعالى هنا هو انتى التفكير جواكى اصبح وحش ولا دا مشاعر شبه مخنوقة تطرف من سعادة الاخرين .. بجد ياحروف انا نفس الاشكالية .. بهنئك على البوست بكل ما فيه من مشاعر واحاسيس
اختى العزيزة دمتِ يارب بكل حب و ود وفى رعاية وحفظ الله دائما يااااااااااارب

العيسوى الصغير يقول...

وحش وحش اهوه تبقى جامدة احسن من الصدمة اللى ممكن تقضى علكيى

شمس النهار يقول...

ساعات اللي بيجرحونا ناس بنحبهم اوي لدرجة اننا مش عايزين نظهر غضبهم تجاهم علشان مانجرحهمش
لحد مابيفيض الكيل
وبيخرج بركان

وزي الست ماقالت (هو حناني عليك قساك حتي علي)

سلامي

sookra يقول...

اللى يزعل من حد احسن للطرفين انهم يتواجهوا بدال ماواحد منهم يروح يعمل فيه مقالب رخيصه جدا
وبدال ماالتانى اللى بيحبس الغضب جواه ويسيبه لغايه اما يتحول لمارد ممكن اول مايقتل يقتله هو
صح ولاانا بتكلم غلط ياانسه حروووف

ستيته حسب الله الحمش يقول...

الوحش ده لو لم يتم التعامل معاه فوريا
واخراجه من حين لحين
بتكبر علشان تلاقي ناس مش طايقة تبص في وشهم
ولازم تبص في وشهم
واجباري ترضيهم
ومع هذا بتتعمد تجرحهم
هي مش بتجرحهم
ده الوحش المجروح
المختفي هناك
خلف المرآة


رائعة
كالعادة

Timo.. يقول...

"الطفلة البريئة المغمضة بقت من النهاردة مش كده
بقت واحدة تانية متمردة"

مش عارف ليه حسيت الكوبلية ده وكأني باسمع الاغنية وانا عندك هنا..

Timo.. يقول...

آآآ....نسيت اقولك..ديما بتختاري موسيقى حلوة :)

Just Smile يقول...

أوقات بحس اننا كبشر كلنا
عندنا سكتزوفرينيا
جوانا المارد بس مستخبي..
بيطلع لحظات ويختفي كتير
وده بيبينا كتلة من التناقضات
الموضوع مش بس المارد
الموضوع اكبر بكتير من كده
بس ببساطة اننا بشر..ولازم نكون كده!!

تحياتي

I'm The CraZy One يقول...

بجد بجد انتي كتبتي عن الموضوع ده حلووو اوي :]

sun of free dom يقول...

أيه الاحساس دا
ميا ميا

مستخلص افندى يقول...

الوحش والمارد بداخلنا كلنا ويمكن فى بعض الاحيان يخرج ويسيطر علينا وينسينا أنفسنا من كثره الغضب والكبت الموجود بداخلنا وقت الحزن والغضب

احساس جميل اوى تسلم ايدك.

Tears يقول...

اسلوبك مميز و سلس

دمتى بخير
:)

فشكووول يقول...

ازيك يا حروف
الواحد بقى يخاف احسن الوحش يطلع له فى الليل وما يقدرش عليه

الدنيا كلها بتكبر والصغير بيكبر وبيطلع له انياب واظافر (معنويه يعنى)والانتقال من مرحله الطفوله الى مرحلة الكبر فى حد ذاته فتره حرجه فى حياة الانسان

تقبلى تحياتى

الشاعر الفنان أحمد فتحى فؤاد يقول...

كل واحد لازم يخرج الوحش ... مرة كل حين
ده أكثر فائدة من ضرره
بوست جميل ... لإحساس أجمل
دمتى بخير

yasmina يقول...

هاااااااااى

الله اد ايه كلمات البوست دة رائع انا حقيقى حظى حلو جدا انى دخلت هنا وقريته
بجد عجبنى اوى وخصوصا انى قريت حقيقى للاخر
بجد رائع وجميييييييل بجد
احيى حضرتك عليه كتييييييير

تحياتى
حقيقى رااائع بكل معنى فيه وبكل حاجة فيه حتى الصورة والاسلوب والتنسيق ... بجد كل حاجة فيه
تحياتى سلام

عايش... ولكن !!!! يقول...

احيانا بيبقى الوحش ده لازم يخرج حقيقى لانه لو مخرجش هنتخنق ونموت كمدااا
بجد البوست عجبنى جدا