استقيظت باكرااا جلست علي سريرهااا وضعت قدماها علي الارض الباردة نهضت من عليه وتحركت باتجاة المراة بدات في تمشيط شعرهااا ببطء اخذت احمر الشفاة لترسم قلب واسهم مجهولة الاحرف علي المرآة وفجاة..اذا بها تجد عجوز امامها تحمل نفس ملامحهااا... سالتها من انتي؟؟ اجابت.. الم تعرفيني ...اناااا انتي انا روحك انا ما هو بداخللك اتدارين ملامحك وانحناءات جسدك.. وتجاعيد وجهك بهذة الملابس الملونة والمزركشة وهذا احمر الشفاة الصارخ!! لقد مضي عليكي الزمن لم تعدي الطفلة الصغيرة ذات الجدائل الطويلة لم تعدي هذة الطفلة ذو الفستان القصير لن تستطيعي ان ترتدية الان حتي لا يظهر تقدم العمر في ساقيكي من كثرة العروق الزرقاء.. الذي اذا قام احد بعدها سيعرف حقيقة عمرك احمرت عيناهااا واقتحنت بلدموع نظرت الي نفسهااا وأمسكت فستانهااا ونظرت الي ساقيها تفحصت جسدهااا وضعت يداهاا علي وجهااا نظرت الي يداهااا ولكنها لم تجد تجاعيد ومازال ساقيها راعئتين كما يصفها الاخرين عادت للنظر في المرآة وقالت اين كل هذااا قالت بداخلك فقد شاب قلبك قبل الاوان
اتذكرين اول قضمة تذوقتيهاا من الكراز وانطبع لونة الاحمر علي شفتاكي وكانك اخذتي قُبلة الحياةةة فلقد اخذت الحياة منكي قُبلة الحياة واصبحتي بدونهاااا الم تري هذة الشعرة البيضاء !!! فتاتي لقد شاب قلبك قبل الاوان.......
صارو العمر الماضي صارو دهب النسيان يا ورق الاصفر عم تكبر عم تكبر الطرقات البيوت عم تكبر عم تكبر
كان يحتضنها بقوة وكأنها ستفر منة وكأنهما مودعان الحياةة
اعطاها قُبلة باردة
لم يكن السبب برودة مشاعرة ولكن برودة الجو الذي ملء كل أركان المكان وغير الاناس غير الحوائط والجدران التي عزلت المكان عن باقي الاماكن
حولت كل الاشياء الي تماثيل بلا طعم بلا لمسة فنان
اعطتة هي ُقبلة
كانت تضع علي شفتاها احمر شفاة طبع اللون علي خدة وعلي شفتاة هذا اللون ليرسم خطوطا وحواجز لتصنع الم وجروح في نفسها في كل قُبلة كانت عيناها تدمع وكانها تقُبلة دون إرادة منها
ولكنها كانت دافئة ليس لان حبها اكثر منة فهي لم تكن تعرفة مسبقا
ولكن بسبب دفء قلبها مازالت هناك ذكريات دافئة بقلبها
مسكت يداة واخذا يرقصان علي انغام تأتي من بعيد قد تكون من اللا شيء قد تكون تمتمتهما سويا لاغنية
ما تذكراها سويا... اخذت تبكي وعيناها في السماء حتي لا تهرب دموعها من حواجزهم حتي لا يراهم
اطفئت الانوار انتشر الصمت
دخلا غرفة النوم
وكل منهما نام علي اطرف السرير واعطيا ظهرهما لبعض وكأنهما متخاصمان
وكانهما شخصان تقابلا في محطة قطار لا يعرفا بعضهما ومدة معرفتهم المسافة التي يسير بها القطار ليصل الي محطة اخري
فقد كانت فتاة رخيصة
ُقبلتة لها لم تشبعها ولم تكن لها طعم علي شفتيها وتتمني ان تقتلع شفتيها بل فمها كلة حتي يضيع رائحة فهمه الباردة التي تكاد تصل الي قلبها ويتجمد مثلة
ولكن ُقبلتها لة غيرت الكثير بة وتذكر قبلتلة لأول فتاة احبها بصدق وكانت حبة الحقيقي
وتساوت القبلة الرخيصة بُقبلة غالية
ولكن جزء في قلبة اضيء مرة ثانية واصبح دافيء ولم يصبح بارداً كما كان
الزواج قديما كان يعتمد علي الخاطبة او اقارب العروسة او اقارب العريس يتوسطون في الموضوع ليوفقوا راسين في الحلال وكانت الناس معمرة 20 سنة زواج و 40 سنة زواج والحياة مستمرةةة الزوج بيرجع من الشغل في الاتوبيس حامل الجرايد في يد والبطيخة في اليد الاخري ثم ظهر الزواج عن طريق اعلان بلجرايد وكان يسمي بزواج عن طريق المراسلة وكان مرفوضا من جانب ناس كتير ولكن كان مقبول بلنسبة من تخطوا السن المقبول لزواج الدنيا كانت بسيطة والناس ابسط ياتري اية اللي حصل اياميها كانوا عندهم ضغوط حياة من وجة نظرهم زي فيلم ام العروسة بس الدنيا كانت ماشية وبيروحوا المسرح وبيتثقفوا وبيتعلموا ومتانقين وبيقلدوا الممثلات لدرجة لما تتفرج علي الصور القديمة تحسهم نجوم سنمائيين كان في هند رستم ملكة الاغراء وكان في سعاد حسني فاتن حمامة كانت الستات بتقلدهم وكان الشباب بيقلدوا احمد رمزي يوسف شعبان وتظهر موضة الشعر الكنيش البنطلونات الشيلستون والميني جيب والكل ماشي في اتجاه والكل يتحلي باالاخلاق والمبادئي حتي الحرامي مكنش في سرقة الاحذية من المساجد مكنش لما تحصل حادثة يتسرق التليفون والبطاقة والمحفظة لو بنت اتعاكست بيتلموا عليه الرجاله ويوضبوة ولو حرامي بيضربوةة دلوقتي بيسبوة ويخافوا ليضربهم صور للعرايس زمان اللي يتشاف في الصور دية الشياكة والاناقة والذوق وانهم كانهم باشوات او نجوم سينمائيين
امثال شعبيه عن الزواج
بعد الصبر وطول العزوبة راح اتجوز كركوبة
اللي فقد حنان امه يروح يدور علي عروسه تلمه
بعد ماتمت الجوازة الخاطبه مابقلهاش عازة
اللي تتجوز حبيبها ياسعدها وطيبها
اللي تتجوز معشوقها طول الزمن يعوقها
اللي تتجوز ديب بيتها من الغابه قريب
خطبوها اتعززت تركوها اتندمت
المغنيه مبسوطة وبتغني والعريس قاعد علي نار مستني
الزواج اولة تدليل واخرة تذليل
الخطاب الف والمتجوز واحد
وعن الطلاق
اللي يطول شرة مع مراتة يتركها ويامن حياتة
اللي مااتوفي من عشيرها الطلاق مصيرها
جوزتها عشان اخلص من بلاها جاتني باربعه وراها
طلق الخايبة لو تاخد شايبة
طليقك لا تردية وعشيقك لا تاخدية
من مات زوجها تكره مكياجها وروجهاا
100 سنة سينماا لالا اقصد كل سنة ومدونتي طيبة عدي سنة علي اني ابقا هناا بظبط يوم 18-11-2008 والمدونة بقا عندها سنة هييييييييية عقبال مشوفك عروسة يارب وبلمناسبة دية حسيبكم مع تاج دة ويارب يعجبك دوقوا كدة
جالي تاج من اوراق الخريف(يوسف) وعدته اني احله في عيد ميلاد المدونة اسمك ؟
سالي
سنك ؟
21
اسم مدونتك ؟
حروووف في عالم خيالي
مجال دراستك ؟
تجارة
هل فكرت في اغلاق مدونتك ؟؟ والسبب ؟؟
سبق غلقهااا اكثر من مرة واغلقت مدونتي الاخرة والسبب اني بعاقب نفسي بان اكتر مكان مرتاحه فيه مبقاش فيه
ايه رد فعلك لو حد قل أدبه عليك في المدونه ؟
ولا كان حاجة حصلت
أسوأ مدونه دخلتها ؟؟
كتير
هايحصل ايه لأيميلك بعد ما تموت ؟؟
حيموت هو كمان ويمكن اسيبة لشخص اللي بحبه دة لو كاني في وقتها حد بحبه
اجلس علي كرسي خشبي في دكان قديم تمطر السماء وكان قلبها قد جرح جرحا عميقاااا اقرا بضعه كلمات تقول
لا تشعرينى ان عمرى كان عندك ليلة ومضت كما يمضى الزمن
وتتوة السطور من بين عيناي وتقع عيناي علي
لا تشعرينى اننى اصبحت يوما عابرا وطويته انا لا ابيع العمر يا عمرى ولا ارضى الثمن
فاسقط الكتاب من يدي واشعر كم كان جرحة اعمق من ان يتداوي باي دواء
لا تشعرينى اننى اخطأت حين اتيت اليك التمس الأمان فوجدت خلف الجنة الخضراء أنقاضا وأطلالاً وخوفاً وامتهان
فاتذكرة كم وجدت اماناا في عينية وكان اماناا مزيف ام انة نابع من قلبي لانني احببتة بصدق
كم تمنيت ارتمي بين بحور عينينة وان يكون هو شط اماني
ارا امامي الطريق مبتل وغريق وبحيرات من الامطار اري الاحباء منتظرين من احبوا وبينهم ميعاد للقاء
كم اتمني ان القاةةة وان يكون بيننا ميعاد
سيارات تعبر الطرق لتصنع شلالات مياة من سرعتها علي الارض واري مساحات تمسح المطرة من زجاج السيارة واري اناس يعبرون الطرقات تائهون هائمون وتبللت ملابسهم من المطرة ولكنهم يحتمون ببعض الحوائط وجدران الحي
كم سئمت وحدتتي وكم سئم مني الكرسي الخاص بي كم سئم المكان مني وسئمت الجدران ان اشكي لها همي
كم سئم مني كتابي ان اتصفحة باصابعي كم سئم دموعي وهي تنزل علي صفحاتة وتبللها وتصنع جروحا وعلامات بها لا تمحية الايام ولا السنين
وعيناي تتوة وتقع علي هذة العبارات
قولى سئمنا ربما قولى كرهنا ربما قولى بأنى كنت وهما او خيالا فى حياتك لكن بربك لا تقولى ان عمرى كان عندك ليلة من أمنياتك ماعدت املك من زمانى غير ما عشنا معا
ولكني اقول لا انا لن اتحمل ان اكون خيالااا او ان اكون وهمااا لست امللك عمرا اخر من زماني ولكني لا امللك قلبا لينجرح لا امللك قلبا ليتألم لا امللك قلبا حتي اسامح واغفر
قد استطيع ان ارسم النهايات لقصة حبي بيدي واكتب باحرف موجوعه في مدينة بها احرف ضائعه
انها النهاية
وارسل مراسيل لكل الاحبة هذة نهاية قلب احب فجرح لانة احب من كل قلبة
وما اقساها نهاية
ومن اليوم لن ابيع عمري
وكل هذا تذكرتة من شتاء وشمسية يحملها ناس في انتظار حبيب قادم ووردة علي الطريق لا تجد من يحملها
ولا تجد قلبا يحفرها بداخلةة كقلبي الوحيد نهايتة في مفترق الطرقاات
وسابقي لوحدي لسنين كثير قادمةةة ولا اجد من يتذكرني ولكني اتذكر الكثير من الذكريات والناس باتت تطاردني في مخيلتي وكم تمنيت الرجوع لها
واعدت الطرقات وكل مافيها ان القاها انا وحبيبي في يوما مااا وها انا قابلتلة لاول واخر مرة لاضع نقطة في اول السطر وتنتهي قصتنا
وكأن حبة كان يصنع غيوما في سمائي لا اري شمسي فهي لم تشرق ابدا في وجودة
وكأنة قمرااا ينقل اشعتها فقط لاراه مضيء
اظل انظر بساعتي اترقب هاتفي اذ ربما احدا يتذكرني ويتصل بي ليكسر وحدتتي
اتذكر اُناس كثر وافتح اجندتتي واري ارقام هواتف كثيرة معظمهم لا اتذكر اصحابهاااا اقفلهااا حتي اتذكر بضعه ذكريات قديمةة
ولكن لا احد يتذكرني
اديش كان في ناس عل المفرق تنطر ناس وتشتي الدني ، ويحملوا شمسية وانا بايام الصحو ما حدا نطرني اديش كان في ناس عل المفرق تنطر ناس وتشتي الدني ، ويحملوا شمسية وانا بايام الصحو ما حدا نطرني
بفتكر زماان زماان اوي والحاجات اللي كانت بتفرحني وتزعلني
انا فاكرة لما كنت بلعب مع ضلي علي الارض واحرك ايدي ولما ضلي يبقا وراياااا وامد قال يعني حد ماشي ورايا
لما بركب مشروع واقعد ابص علي العربيات وابص علي الواح ارقامهم واقرا ملاكي اسكندرية واشوف كام عربية مش ملاكي اسكندرية (انا فعلا مضايقة انهم غيروا النظام بلحروف عشان مش حعرف مين من اسكندرية)
انا فاكرة لما كنت بجري بستخبي ورا جدتتي عشان التتر بتاع ارشيف المحاكم
انا فاكرة ماما فضيلة
انا فاكرة النقطة البيضة اللي في التلفزيون الابيض والاسود اللي كان عند جدتتي
انا فاكرة نادي الشبان مسلمين لما كانوا بيعملوا المعرض فية
الترام القديم اللي مش بيمشي وكنت بضايق عشان بيتهز من جوا ومش بعرف اقف
انا فاكرة لما ببص من شباك المشروع وابص في وشوش الناس والاقي وشوش مكرمشة ووشوش بتضحك ووشوش
مضايقة وعيون فيها الم كنت بحس بيهم
انا فاكرة لما كنت اقعد اقرا اليفط واعلانات المحلات وكاني بتسابق اخلصهم الاول
انا كل مكان لية عندي ذكري بيفكرني بلناس وبشم ريحتهم فيه
اول مرة اروح السلسلة قعدت هناك والراجل بتاع غزل البنات اللي اشتريت منة واحد واتمنيت يكون معايا لب ابيض او حتي ترمس ساعتها وكنت مش عارفة استمتع بلمنظر والدنيا مضلمة وانور الكورنيش عاطية احساس اني مش لوحدي لان كل واحد معاه حبيبتة وكنت انا لوحدي وسطهم
وانا في عز الزحمة بحس اني لوحدي
ساعات بمايل راسي عشان اشوف الدنيا بلعرض واحس بلنور والعواميد بليل
لما بتيجي الساعه سبعه بحب الوقت دة العواميد الكورنيش من بعد الشاطبي لغاية سيدي جابر
واتفرج علي الحيطة بتاع المستشفي
انا كنت بضايق من الشارع بتاع المستشفي والجدار العسكري اللي عندة المدفع كنت بتخنق منة اوي وبضايق ولغاية دلوقتي بضايق من الشارع عشان مش بعرف احسة واول ماطلع منة علي البحر كان روحي بترجعلي وارجع افرح بمنظر البحر
القمر وهو بدر بيفرحني بحس ان اليوم جميل وبنتظر حاجة تحصل وكان في اليوم اللي في القمر بدر حاجة حلوة حتفرحني
بفرح اوي لما يكون القمر بدر يوم الخميس بحس ان اليوم عيد ان الدنيا بترسم فرحة في وشي ببقا عايزة اخرج اتفسح سعتهاا ولو معرفتش اخرج بدخل البلكونةةة احط راسي علي الجدار وضهري لحيطة الدار وابص لفوق للقمر للسما بحس اني من غير جاذبية واني ممكن اقع بس بردوا بحس اني مش شايفه عمارات او حد كاني في الفضا البعيد
لما بكون علي البحر بغمض عنيا واسمع بس صوت الامواج ولو الدنيا شمس بحس بيهاااا لان الدفا بتاعها بيوصلني وعنيا من جوة حساها عشان جفوني بقا لونها برتقالي وساعات بيبقي احمر
لما بضايق بمشي في الشوارع اشكي واحكي وافضفض ولو معايا حد مش ببقا مرتاحة
ولما اضايق اكتر مش بشوف ناس بشوف لمعه فاترينات المحلات وانوار العواميد وبحبس دموعي عشان لسة حاسة بان الناس حوليااا
انا لما بتفرج علي صورة بفتكرها بحسها برجع بذاكراتها وافتكر لما اتصورتها وفرحتي او حزني فيها
حتي ريحتها بشمهااا
انا فاكرة لما اتحكالي قصة سيدنا سليمان وبقيت ببص للحيوانات واكلمهااا واقول حتفهمني ولما كنت اشوف حماار علي عربية كارو بتاعه خضارر اخد من الراجل جزراية واكلة
مرة كنت نازلة علي السلم لقيت قطة قعدت اقولها متخافيش انا نازلة بس مش حاجي جمبك وزعلت اوي انها جرت بردوا ومتطمنتش ليا
انا دلوقتي عرفت لية وانا صغيرة كنت بزعل لما حجتي تتكسر او تبوظ
مش عارفة كان حاجتي حته مني مينفعش تنكسر او تبوظ
انا لما بطلع من الكلية بركب الترام وبلرغم ان المسافه كبيرة اوي الي اني بصر اركبة واستني لغاية مايجي ابو دورين حتي لو كان رقم واحد لانة بيتاخر واركبة واطلع فوق ومع اني لوحدي ومع ان اغلبة بيكون شباب ورجالة بديهم ضهري واقعد ابص لشباك وفي ايدي البيبسي واحس اني سرحانة وبفكر
وافكار كتير في عقلي شغالة بس مش عارفة امسك فكرة واحدة منهم
انا شوية حاجات بتفرحني ذكرياتي مع الناس والاماكن بحب اروحهاااا وامشي في نفس المكان وافتكر كل حاجة حصلت
كل اللي انا حساة دة دلوقتي
بسبب شوية صورة رجعت اتفرج عليها
بسبب ناس سافرت وناس حتسافر وكانهم بيودعوني ويسبوني هنا لوحدي
برغم حنيني اوي لكل ذكري ولكل مكان كانت فيه الذكري دية الا اني عندي شعور قوي باني عايزة اسافررر
واتفرج علي الناس من بعيد واتفرج عليا وانا مش جوة الصورة
لقيت من احد القصص والحواديت قصة تدور احداثها بان الكاتب كان راكب مع سائق وبيتكلموا عن السيما والمسرح وايام زمان وتذكرة ب 5 ميلم وان السينما كانت بتعرض 3 افلام واحد اجنبي واتنين عربي وانة بقالة عشرين سنة مدخلش سنيما والدور والباقي علي ولادة قاعدين بيتفرجوا علي الدش في القهوة اللي تحتهم وربنا يستر علي اللي حيطلع في نفوخهم غير الصبر
وداس السائق علي زرار الكاسيت وكان صوت جاهوري لشيخ وانطلق باعوذ بالله من فتنه النساء فنحن في هذة الامة مفتونون بلمال والنساء كاسيات عاريات وذكر اسم الرسول صلي الله عليه وسلم بانة قال بان النساء فتنة بني اسرائيل وكان الكاتب يحاول ان ينطق ولكن السائق انطلق كلمدفع بان البنات بقت ابتلاء وانة مش حجاب دة اللي لابسينة وميغركش بنطلون محذق وفنلة وان فين الاهل
وينطلق الشيخ بان احد الشباب يقول بص ياشيخ فاذا بة ينظر ويقول اعوذ بالله من للشيطان الرجيم واننا كنا فاكرين ان عصر الفتنة انتيه في السبعينات عندما انتشرت الميكروجيب ولكن قد قربت الساعة في عصرنا هذا من شدة الفتنة ويقال ان حينما تجف بحيرة طبرية ستقوم الساعة وبيقولوا ان البحيرة خلاص مفيهاش غير شوية ماية
ويقول الكاتب لقد انقذت حينما وصلت ونزلت من هذا التاكسي قبل ان تحل بي لعنات هذا السائق واحمد الله اني لست بست حتي لم امت من حسرتي
وتذكرت موقف شاب ملتحي راكب اتوبيس وشغال احد الشيوخ في الكاسيت والشيخ بيقول احنا في زمن كاسيات العاريات اغض بصرك يااخي مع ان دة بقا صعب وشاب ينظر الي الارض ويقول اة يا شيخ واحسة يقولها بحرقة
يقول الشيخ
صوم يرد شاب في حصرة صومنا ياشيخ
يقول الشيخ وكانة سامع الشاب انا عارف انك نفسك تتجوز بس دة امر الله وبقا صعب واذا ارتضيتموة دينا فزوجوة
ينظر الشاب الي السماء ويرجع ينظر الي الارض ويلفظ ويقول الحمد لله
يقول الشيخ انا عارف انكم تعبتوا
يرد الشاب اوي اوي ياشيخ
وتشعر ان نساء اصبحوا ابليس هذا المجتمع
انا بس اللي مستغربالة ان زمان كانوا بيلبسوا ميني جيب وميكروا مكنش بيحصل تحرش وناس كانت عادي والامهات
لابسين فساتين احدث موديل وكان الدين الي حدا ما غائبا
امممممممممم سامعه ناس بتقول اختلاف ومشاكل وزعل غريبة؟؟؟؟؟؟؟؟؟؟؟؟؟؟؟؟؟ ياريت حد يفهمني هو في حاجة من ورايا ولا اية ياجماعه حبايبي الحلوين كل سنة وانتم طيبين وانهردة مع حكاية ماما فضيلة ههههههههه انا كاتبة اللي يناسبة اي من الميعادين مفيش مشكلةةةةةةةةةةة!!!!!!!!!!!!!!! هو محدش قراها ولا اية
اللقاء دة سو فريندلي لاصحابي المقربين وسو برايفت عادل فاتيما همس الاحباب اللي مناسبة اي ميعاد فيهم يروحوا اية وجة المشكلةةةةة
حنين اديني عملاكم دعايا واعلان عندي اي خدمة
هند كنت عملهاللك مفاجاة يابنتي وكنت بحاول اتصل بصاحبك كمان عشان يجوا وبرتب للموضوع دة من فترة وانا وولاء مشتركين في هذا الموضوع بتساعدني من وراكي ههههههههه
فاتيما
ممتي العزيزة مين قال اني مش جاية لقاء بتاع يوم 10-10
؟؟؟؟؟؟؟هذة اشاعه مغرضة ونشهد علي ذللك هههههههه
بلنسبة لترتيبات بالاميلات انا معرفش عنها حاجة وبلنسبة للقاء اللي انا بقول عليه دة يوم الجمعه اول جمعه بعد العيد وحشاني بردوا ههههه لقد قضي الامر الذي فيه تستفتيان اصلي بحب السادات
السلام عليكم ورحمة الله وبركاتة
كنا اتفقنا اننا ننزل بوست بتفاصيل لاحقا بعد تحديد ونرسي علي بر شوية يقولوا هنا شوية يقولوا هناك
فكرة اللقاء قايمة ان اتنين من مدونين هند وعزة
وقتهم ضيق لان اجازة هند اسبوع وجاية من قطر وعزة مسافرة السعودية فلي حاكمني الوقت
وضيق اوي بلنسبالي دة لقاء اصدقاء ناس نفسي اشوفهم واخلي العالم الافتراضي لواقع
ناس صحابتهم واعتبرتهم اخواتي بجد اتمني اشوفهم او ناس اتحكالي عنهم ومعرفهمش ناس شيفاهم احسن كتير من اصدقاء ليا علي ارض الواقع اول ما بحتاجهم الاقيهم ومنهم هند وعزة وكان نفسي افرحهم وابسطهم قبل ميسافروا تاني
هو دة الهدف من اللقاء وهدف تاني كان جوايا اني انبسط وسط اللي بحبهم
بس اكتشفت ان في لقاء تاني 10-10
فانا بحب اقول ان في نهاية الهدف واحد واللي يناسبه اي ميعاد فيهم مفيش مشكلة وانا حكون مبسوطة اني اشوفكم
انا حبيت اوضح السبب وبلنسبة لتفاصيل فهو اخر قرار ان اللقاء في نادي المهندسين في سابا باشا ان شاء الله
وبفكر اجيب كورة وانا جاية ههههههه ومثاثات
ياريت اللي جي يقول انة جي عشان اعرف بظبط العدد
التوقيت اكيد حيكون الصبح علي 10 ونص كدة وتصلوا عندنا
وبنحبوكم اوي تعالو زرونا باي باي
بلمناسبة الدراسة اتاجلت واحتمال تتاجل تاني بسبب انفلونزا الخنازير ربنا يشفي مرضانا ومرضي المسلمين
مش عارفه ابدا منين بقرا بوست لهنودة حببتي وبتحكي فيه عن اجازة ليها وانها راحت محرم بك والساعه المكانين دول ليهم ذكريات عندي لدرجة اني من كام يوم حلمت بالساعه بلتحديد مكان هناك .........حلمت حلم مكنتش عايزة اقوم منة عدد المرات اللي رحت فيها هناك تقريبا 4 مرات او 5 مرات عدد بسيط بس ساب فيه ذكريات
انا فاكرة كويس الاحداث بس في حاجات كتير بتقع مني فاكرة اننا ركبنا ترام الاول من بحري ورحلة بقا بنعدي من باب واحد وطول ترام مماشي وبحس اني ف اسكندرية بجد ناس تصرفات الوشوش الترام البسيط اللي مش فاكرة رقمة ونزلنا كنا عايزين نشتري حاجات من ساعه انا وامي وخالتي وبياعين هناك اتفضلي يا انسة اتفضلي ياحجة عندنا كل حاجة اتفرجي بس واشتري بعدين وصوتهم ودوشة وزحمة وماما وخالتي كل محل يقفوا عندة وانا اتخنق واقولهم يالا بقا وفضلنا ماشيين دخلنا جوة كمان لقيناهم فارشيين ع عربيات هدوم وبينادوا باعلي صوتهم وبيرتجلوا كلام جميل بيخلي الابتسامة تطلع ع وش والواحد اذا كنت من قانطين الساعه فان لك مميزات بتشتري بارخص الاسعار ونفس الحاجة هي هي برا بسعر اعلي
ذكري تانية انا وامي وهي رايحة في زيارة محددة لواحدة ست عجوزة لوحدها انا مش فاكرة بيتها ولا فاكرة حاجة غير انها في كرموز وكان عندها فراخ بتربيهم وبتقطع اكل وترمية ليهم عشان ياكلوا وانا فرحانة اوي وانا بتفرج واخدت شوية وقعدت اكلهم
ذكري تالتة انا وامي بنجيب قماش ودخلنا محل واشترينا منة وبعدين طلعنا ماشينا ومش عارفين نركب من الزحمة وانا عايزة اروح بردوا لان ماما لما بتحب تروح مشوار بتنزلة من 9 صبح وانا كنت عايزة اناااااااام
ذكري الاخيرة لما رحنا نزور خالو الله يرحمة في المدافن هناك وبعد كدة طلعنا ع ساعه وبعد ماكنا جوة زحمة ومش عارفين نمشي وناس بتقول ولا كاننا في يوم القيامة تطلع برا تلاقي الدنيا ماشي بعد دموع والحزن وبكا والموعظة تلاقي الحياة وبيع وشرا الفصال
محرم بك انا معرفش فيها كتير انا رحتها مرتين مرة بترام اخدت ترام منشية لغاية محرم بك جوة والقهواي وناس ونزلت عشان اخد مواصلة ترجعني تاني المنشية اة والله فضلت ف ترام لاخرة وجة كمسري بيسالني نازلة فين قلتلة عايزة اركب مواصلة تواديني منشية قالي انتي مش من هنا قلتلة اة اتكسفت اقولة اني من اسكندرية ومش عارفه قالي اة ماهو جمال دة اكيد مش من هنا قلتلة اة من المنصورة قالي منا قلت بردوا قالي عايز عروسة من عندكم وانا كل دة عايزة اضحك قلتلة اة انشاء الله ووصلت لاخر الترام ونزل وشاورلي علي مكان المشاريع(يعني الميكروباص)
وركبت مشروع ومشي من تحت كوبري وطلع البحر
مرة تانية وانا في العربية ورايحين عند محالج القطن في مينا البصل ودخلنا من تحت كوبري
اة وفي مرة تالتة وانا فوق كوبري ورايحة كارفور وحاولت اجيب بعيني تحت معرفتش
مينا البصل قباري بحس اني بجد في حاجة كدة مش عارفه لسة فية شوية جرانيت هناك ترام مكسر كدة وقديم بحسة تراث القهواي الكتير اللي هناك ياااة بقعد ابص في كل قهوة وكل محل علي الناس اللي فيها صوت الطاولة تخبيط المعالق في كوبايات صوت القهوجي بينادي ع مشاريب الشباب قاعدين بيضحكوا بصوت عالي مع دخان شيشة كلة كدة مع بعضة بيقول انا هنا في اسكندرية
المكس وبيوت اللي ع بحر ومساكن ظباط هناك ولونها الباهت طاولات السمك وريحة السمك هناك بشمهم في مكانين بس المكس وحلقة السمك في الانفوشي وشكل الصيادين هناك لسة بيلبسوا زي الافلام ودايما هناك البحر عالي وريحتة مميزة وببقا نفسي انزل واقف هناك
بحري الزنقة المنشية القلعه محطة الرمل شارع فرنسا والمطافي صلاح سالم وبنوك وجامعه سنجور اللي وانا صغيرة نفسي اعرف اي مبني دة وموقف بعدية وشارع طويل هناك اللي لو مشيتة تروح ع محطة رمل ومحمصة شرف وقهوة اللي عند موقف اللي كنت لما اعطش اخش اقولة عايزة كوباية ماية (عادي بخش انا بحس هناك اني بتحول بكون جريئة عفوية زيادة فرحة زيادة احساس كدة مش بعرف اوصفة)
العيد في بحري بليل ولغاية الفجر سهر الاخوان بيكنسوا الشوارع بيفرشوا عشان صلي والله اكبر الله اكبر ولله الحمد وميكروفنات وبليل اخد بنات خالتي الساعه 12 بليل نتمشي من الانفوشي لغاية محطة الرمل واحنا مش بنبطل كلام ومعانا فلوس ومش عايزين نركب واحنا راجعين نركب ونحس ان لسة بدري لان شوارع كلها صاحية ولو دخلت شوية الانفوشي من جوة بعد قصر الثقافه تلاقي العريبات خفت يادوب ترام قاسم الطريق وناس نزلت من بيوتها اخدة كراسي ف اديها وحطاها ف شارع ولو كملت جوة تلاقي راس التين والقصر اللي كنت بروحة كتير وانا صغيرة انا لسة فاكرة الجنينة هناك في جنينة بطلعها فوق باب كنت بحب اخشها اوي ماما تشلني تروح مدخلهالي واقفل باب واعيش مع نفسي لعب
القلعه اول مرة رحتها وانا في ثانوية عامة انكجية انا وبابا يومها وقلتلة عايزة ادخل جوة ودخلني ورجعت غيظت ماما عشان بابا جابلي جيلاتي يومها من الصعيدي وقعدنا وبعدين رحنا قهوة فاروق وقعدني عليها كان احد احلامي اني اقعد ع قهوة وسط الناس وجابلي حاجة سقعد وكنت فرحانة اوي يومها
الترام ابو دورين لما بكون مضايقه بركبة رايح جي واقعد جمب شباك اركبة من محطة رمل لفيكتوريا والعكس رايح جي
النوة في اسكندرية والهوا يطيرني واقعد اضحك اضحك ولو لابسة جيبة افضل مسكها عشان متطرش
الصيف في اسكندرية الزحمة النور الكورنيش الساعه 8 عواميد نور القمر بدر بلنسبالي دنيا تانية
لما بنزل بحري بحس بفرحة ووشي بيترسم علية بسمة وكاني غايبة عنها انا بحس اني كانة عيد لما بنزل هناك يااااة البيوت كلها مفتوحة ع بعضها ناس حلوة هناك طيبين ميعرفوش يضحكوا في وش حد وهما في قلبهم حاجة وحشة السوق الميدان السكة الجديدة طلعت بتاع العصير سيف بتاع اللبن واكل عسل بكريمة صبح طيبين والهريسة هناك شوي السمك وتفضل واقف مستني وناس تقعد من زهق تتكلم وتشكيلك كانها تعرفك البيبان مش بتتقفل غير ع نوم داخلين عندك قاعدين او واقفين ع بابان بيتكلموا او في شبابيك واقفين بيتكلموا بيحكوا في كل حاجة معرفش دة من قرب شوارع وبيوت جمب بعضها تحسسك انك معاهم
هناك مفيش حاجة اسمها خصوصية وانك لوحدك في حاجة اسمها في فرحك في حزنك معاك حتي الخنقات هناك ياااة يموتوا بعض من الضرب وبليل او تاني يوم متصالحين
بليل امشي امشي لغاية نادي الكشافة وبعد كدة السور يوطي وبحر يبقا قريب وبعدين المراكب وعمارات الي قصادها كل بيت قصادة نخلة
انا عندي ليكم خبر انا اتخطبت حتقولولي امتي حقولكم من قريب ومقلتش عشان الواحد لازمن ولا بد يتعلم من اخطائة وان الحسد مذكور ف قران خطيبي بئا اية مقلكمش الله اكبر الله اكبر يعني بيشتغل ف مصر واسمة سيد بك ابو حفيظة لا طبعا انا مش حتجوز الراجل من علي مراتة وعيالة البت حفيظة ف ثانوية عامية وكبيرة كفاية عشان تفهم ان من حق ابوها يتجوز ويعيش حياتة اما عفاف بئا مراتة في هي علي عصمة راجل ملهاش دعوة بئا بسيد سيبو الناس ف حالها كفاية انة شال الهم بدري وربلها حفيظة سيد بئا خطيبي اتفقنا انا وهو ان يغير اسمة ويبئا سيد مشفش حاجة او سيد لسة سيد او سيد بريء من حفيظة ايون احنا ناس ميهمناش غير انة يفضل سيد ولا يسلم الجرجير من الاذي الرفيع مهم الواد سيد الشغال قصد سيد خطيبي قالي حفسحك يابت يا حروف الجر قلتلة جر هي عربية كاروووو قالي انت اللي جارة مواتير قلبي ومطلعة الماية لفوق قلتلة ايوة كدة اتعدل قالي انت ياحروف الشد اللي شادة قلبي من غير حبال ويصفايح الزيدة السايحة يابراميل القشطة نايحة قلتلة ياي بلدي سوفاج قالي ياوعدي علي الكلام هو انا حبيتك من فراغ
قلتلة هالهلا ع الجد والجد هالهلا عليه انت حتروح تشوف ابا العمدة امتي عشان نشدلة مكتوب بانك حتتدلي علية ونخبروة بمعاد الجوازة الفقر دية قالي حاضر ياحببتي اللي انتي شيفاة شايفين الرداله(الرجاله)
وجاء اليوم المشؤم ويارتني يابابا ماوافقت يارتني كنت قلت لع مخدهوش يابابا مخدهوش يابابا دة انا اتقدملي احسن شباب البلد شباب مركز اها كفر ابو دشنا محافظة الغتاتية يالهوي كانوا بيجروا ورايا بلقطر جري يارتني ماتخبطت ف نفوخي ولا اتنصيت ف نواضري ومشفتهوش هما قالولي حلو وملظلظ وبكرش وانا اتعبطت وجالي هبل النسوان وعبط الجديان شوط واحد وخسرنا كمان وبصراحه بصراحة انا كنت داخلة علي طمع عشان الفوطة اللي حاططها علي قفاة كان نفسي اخطفها واجري يالا كل شيء نصيب
ابويا الحج ابا العمدة قعد معاه وقال للعسكري ابو بندجية خضرا طخ ياولد عيارين تفاريح وياريتة ماطخ وياريتة ماطخ كان في حمامة فوج السطوح حدانا حموت واخدها ابن الرفدي مش حسيبة يالا الصلح خير بئا عشان انا جلبي طيب
ابويا الحج ابا العمدة قاله سمعت وسمع غير الشوف بعيد عنك انك مذيع وكنك كدة بتنصب علينا قوم انا حعملك بلاسمينت تحديد مستوي وياتنجح وتبجا الراس وقعت مع الفاس في الارض يئما تسقط ودة العشم بردك قاله عيب يايابا العمدة عشمك في محلة هو انا اقدر اتاخر عنك طلباتك قالوا تنك غبي زي اللي اختارتك وطن طن تش
السؤال الاول نادي علي الشاهد الاول مقتول ابراهيم مقتول رد ابو السيد قائلا والله ماقتلتة والله ماقتلتة قالوا ياولد حطخك عيارين في نفاخوك اسمع الباجي السؤال وبعدين جاوب بتقرا لمين من كتاب الانجليز
راح متنفخ ومتانعر اللهي يتفجر بحق ماانت عالم ان كل دة من تعبي وشقايا
قالة ميكي ياانكل وساعات ساعات يعني ايس ايدج بجيبة دي في دي
راح ابا العمدة قال ماية والغفر يدولة ماية يقول ماية والغفر منهم لله يدولة ماية وراح باء باء باء بقلق بقلللة يالهوي بس ممتش جبنة ابرا عشان يفششششششششششش وبدل مايرد الجميل فشش فيا انا طب لية عملت اية دة انا ضحيت كتير عشانة هو زملكاوي وانا اهلاوية وبقيت عشانة انتحل شخصية غير شخصيتي وامثل اني زملكاوية واسيبة يشتم قصاد عنيا دول في الاهلاوية تضحية دية ولا مش تضحية ياسعاده الباشا المهندس القاضي مش تضحية دية وامثل امامكم وعارفه انكم بتحكموا بلعدل واطالب بانكم تطلقوني من الراجل الندل الجبان بتاع عفاف يابتاع عفاف حفضحة في كل القنوات والمجاري والترع دة انا مش عايزة اجيب كل اللي في بطني دة انا شايلة تؤم وساكتة
الباشا المحترم الزوج البيس رايح يعمل برنامج ويسمية الكابوس بئا انا كابوس دة انا نسمة بيجيب سيرتي لية وكمان بيخوني مع انجلينا جيلي بقا عشان جيلي تخوني يا سيد لية منك لله منك لله وانا اللي ضحيت بمستقبلي عشانة دة ريس ابو ماما قالي تعالي يابت ياحروف عندي في امريكا لسة داهن البيت ابيض وعملتللك اوضة كبيرة بمنافعها وتكوني جمب ماما قلتلة ابدا ولا بد مسبش بعلي ابدا لازمن اكون جمبة شفتو تضحية اشوف فية شهر وعيالة الاسابيع والبت اللي علي كتفي دية رضيعه اعمل فيها اية اوديها ملجا يعني ودخل ابو حفيظة عليا دخلة عساكر الجيش وقالي كش مللك قصدي قصدي قلي اسف ياحببتي معلش مش حتتكر قوم انا جبت مرشدير علي طول وعنيا بقت تنور وتقول حرووف ترجع الي الخلف حروووف ترجع الي الخلف وهوب خبطت في الحيطة اللي وريا الاقي مين ابا العمدة قالي ويمين الله
بحبك حب ماله حدود هههههههههههههههههه
سلاموززززززززززز في حلقة قادمة اقعدوا بلعافية واتعس واسعد الله مساؤكم نشرة ام حفيظة
.jpg)
.jpg)
