مغلق

الأحد، 28 ديسمبر، 2008

8 comments
مغلق للتحسينات معلش عشان الامتحانات والدراسة اللي انامعرفش عنها حاجة ولا عارفة اذاكر ادعولي اني اذاكر حتوحشوني بجد

انا همي همين..........!!!!!!!!!!

الأحد، 21 ديسمبر، 2008

16 comments

وحيدة وحبك معايا
حزينة وقلبك جوايا
الهم همين هم لغيابك
هم لحزن واحساس جوايا
بعيد قريب انت معايا
حبيبي اة لكن روحك اتملت جوايا
انت معايا اة حتي لو مش معايا
دموعي مش راضية تخاصمني
وصوتي مش راضي يكلمني
كل دة لانك واحشني
خوف واقف ودامي وروحي محبوسة
وبتنادي دخلت قصر الاشباح خوف واوهام محصراني
خوفي البعد والفراق دة اكبر قاتل لفرحي
لو حبي يبئا سلاحي ابعد بيه اشباحي
لو حبي يبئا طيري اخد واطير من دنيتي لدنيتك
بنيت قصر من ايام وسنين راح تكون بيني وبينك
حفرت نهر من دموعي لغربتك
بعدك واجعني وقلبي رافض يسمع دقتة
انت سما وانا طير طاير فيها
انت شجرة وانا طير معشش فيها
انت حمايتي من الزمن والدنيا اللي عايشة فيها
انت سندي وقوتي اللي بقف وانا عارفة انك وييايا
في كل لحظة مرت في كل دمعة نزلت في كل مكان بقوللك بحبك
حبك حلم وصحيت علية وانت الفارس اللي بحلم بية
وفي اخر الحكاية بقول وحشتني ياغلي منايا
محتجاللك من يوم ماحبيتك وانهردة محتاجللك اكتر من اي يوم حبيتك
لو اقدر ادخل جواك عشان تدرايني من عيون الناس
لو اقدر اجيللك واترمي بين احضانك واقوللك خليك معايا
انا راضية اتحبس بين رموشك راضية اتاسر بين ضلوعك
لكن مش حرضي انك تسبني في دنية انت مش فيها
حبيبي بين ايدك بحس بالامان واماني اني ابئا معاك
اوعدني حبيبي انك تكون معايا وانك تكون ليا واكون ليك
مش قادرة اقوللك غير ياحبيبي انا ليك
بدعي وبقول يارب اكون فرحت عمرة ويكون فرحة ايامي بية
هل احلم بزمان تاني هل احلم بحب من كوكب انت علية
لماذا اراك نجم في السما قرر ان ينزل الي مدارات الارض
لماذا اراك جبل عالي واهوي ان اكون علي قمتة
لماذا الحب اسعد الاشياء وانت اسعد ايامي
حبيبي كلماتك حضنت قلبي في وقت خوفي
حبيبي قلبي تراقص علي انغام الحانك
عزفت لحن الحب عزفت لحن الشوق وعزفت اعذب الالحان
لكنك لم تسمع عزفي انا فستستمع اجمل الالحان
حبي لك كل يوم مثل الفصول
يوم حبي زي الزهور بكلمة بحبك تروية وتكبر
وفي يوم زي الصيف بكلمة عشق الشمس بتطلع وتغيب
وفي يوم زي الخريف اوراق واشجار بتقع وانت جزر شجر بيتروي بلمطر واخرة ثمرة حبي ليك
وفي يوم زي الشتا مطر وريح يصفر مع كل دقة ومع كل لحظة بقول فيها بحبك


مبقتش بحسب عمري غير لو كنت جمبي والعمر جمبك يا حبيبي مش كفاية يالي انت لما لمست ايدي لمست قلبي معقول اعيش في الدنيا وانت مش معايا اوصف باية احساسي بيك واقوللك اية عنة صوتك دة ايه الله علية ملايكة بيغنوا من قلبي بتكلم ومن قلبي بغني وكل كلمة بقولها قلبي حس بيها حموت بجد لو انت غبت في لحظة عني ومش حعيش في الدنيا دية غير وانت فيها

كلمات حزينة

10 comments

وسط دموع والم


ورعشة خوف بتهز الجسد

عقل شارد ودنيا فانية وحسد

من العين رقيت وسميت ودعيت

وكل دة ولا كان حاجز ولا سند

ايام مرت وبتمر عليا وانا وسط الهدد

حزن ماليني وجرح وانا هنا لوحدي بين البشر

في عز حزني ضحكت وبكيت وفي عز فرحي دعيت وصليت

دة الحزن ايامة كتيرة في عمري والفرح ايام معدودة وبتعدي

جوايا صرخة مظلوم جوايا صرخة حزين جوايا بلد ومدن بتعلي صوتها وتقول كفاية

هو انا لية وعملت ايه واخترتوني ليه

ياريت ما كنت انا ولا كنت هنا

رفعت ايدي لسما وبكيت وقلت يارب اجعلني سبب للحق

حقي ضايع وتايهة بين البشر ناس ماشية وبتدوس علية واتاريني واقفة

ومدارية ليدوسوا عليا راحت الكرامة راحت عزة الرجال راح الحق وضاع المظلوم بين العباد

انا مش عايزة ملايكة علي الارض ولا عايزة حد يجيب حق انا عايزة بشر يعبدوا الرب

ميضيعوش حق ولا يجوا علي حق حد

بنادي ومحدش سامعني بصوتي بغني تراتيم وايات قران وانجيل وتوراة

ابعت رسالتي لمين غير الالة هو سامعني وصوتي واصلة وراح يجيب حقي

افتكرت قصة فلسطين وناس نادت وقالت سلام وقوات لحفظة والاله هو صاحب السلام

ياالهي فك ضيقت قلبي وحزنة ومتخليش دموعي تخني وتنزل من بين عيوني قويني واجعل قلبي مليان بديني

(اسفة لو مش بعلق علي صحابي اللي بيسيبولي تعليقات عندي بس والله ظروف ياريت محدش يزعل انا بدخل علي اغلبيتهم واسيبلهم تعليق في مدونتهم)

هل تحبني....................تسالين؟؟؟؟؟؟ فارس ملثم

الأربعاء، 17 ديسمبر، 2008

12 comments

هل تحبني.. تسألين

هل حقا يا حبيبتي لا تعرفين !!!





انظري لما بين الحنايا

تجدي قلبا قد مزقته تنهدات وانين





وتري عيون قد ارهقها السهاد

وشوق بين الضلوع يستعر من فرط الحنين





هل حقا مازلتي ياحبيبتي لم تفهمين ؟؟؟؟؟؟





ان في عيونك مرساي وابحاري

وعبر شرايينك يسافر نبضي





واني قد استوطنت خافقك

وصارت في اوردته حياتي وموتي





وان كنت يا حبيبتي جزء من قدرك

فانت لي كل قدري



احب اسلوب الفارس الملثم وهذا البوست دعاني اني احاول مجاراتة وارد علية يارب اكون عرفت ويعجبكم





سالتك لاني احبك وهويتك بجنون وحفرت حبك بحروف من نور


حبيبي يا من احببت يامن خفق له القلب وسرحت في العيون وطار بة اللب


احبك هذا ما اريد فعشقت بجنون وكنت اجمل العاشقين في عيون سهرت لتحلم لرؤياك


من انت ومن انا ؟؟؟؟؟؟؟؟



انا من احبك ..........انا من احلم واراك في الاحلام ...............انت اليقين واخاف ان تكون الهوي


مسكت الهوي بيدي وكنت كلطفل اتبت باصابعي حتي لا تطير


حبيبي اقول حبيبي واشعر بحبك في قلبي حبيس وانا هائمة باحثة عن الكلمات فاقول


حبيبي احبك واظل في انتظار ان تاتي الكلمات


اذا لمست يداك اشعر بان جفوني غلبها النعاس حتي لا استيقظ من حلمي


رسمت في خيالي صورة فارسي وكان هو المستحيل ولكن في يوم استيقظت علي حلم وانت فية وعرفت انة اليقين


كتبت الكلمات ورسمت الحروف وبحثت عن الحرف التاسع والعشرين حتي يعبر عن حبي لك


بحثت في مدينتي بنيت القصور والبيوت لتكون انت ملكها وضعت قلبي بداخل قفص حتي يكون اهدائي لك



كتبت الكلمات الاخيرة ولم اجد غير ان اقول حبيبي احبك


اعرف انك تحبني وليس مثل قدر حبي لك سالتك هل تحبني حتي استيقظ من الحلم واعرف اني في يقين وان حبك حياة لازالت اعيشها


من مدونة ثرثرة مع نفسي

http://mygrazydreams.blogspot.com/2008/12/blog-post_17.html