توب الموت

الأحد، 12 أبريل 2009

لبست توب الموت



وكانت لحظة موت


سمعت صراخ


بكي ونواح


ودموع من حوليا بتنزل


صرخت قلت لا انا عايشة


انا مش رحت ويا الموت


انا هنا


ولا حد سامع


جيت احرك ايدي متحركتش


قلت ارمش مرمشتش


فدمعة نزلت علي وشي الساقع


بعد مكان دافي


كلة حياة بئا كلة موت


لفوني في قماش ابيض


وكان داير ميدور ورود


كان احمر لونة


والحزن ورقة


والدموع ميتة وبتروية


قلت مش فارقة


كدة وكدة انا كنت بينهم بس مش عايشة


حبسوني في جدران خشب


اتارية صندوق خشب


شالوني وانا ولا اتحركت


ولا حتي صرخت


كان الخوف كاتم صوتي


مانع صرختي


حابسني


طعم شفايفي مرار


ولون وشي ليل


وانا بقيت وحيدة


ولا حياة


ولا موت كنت بينهم


مدارية مستخبية في توب الموت


خليني انا كدة


واديني حرجع للي يحسوا بيا


نداني التراب


بكيت ولبيت الندا


قلت جاية


واديني جيت


ادي حوليا جيران


ووسطهم بردوا حبئا وحيدة


ولما نزلت في قبري


حسيت بدفا


حسيت بحضنة


وضمتة


ونور اطفي


ورحت لعالم تاني


وبردوا وحيدة فيه

دموعي نزلت عشاني
وطبطبت عليا
وبقت تاخد العذا
واقفة وسطهم
وتتفرج علي بكا الناس
وتقول منا كنت بينكم ومحستوش
بيا
جاين تحزنوا دلوقتي
عليا
راح زمن البكا
ولا حيرجعني من توبي
دة توب الموت

30 comments:

Kiara يقول...

يالهوي ياني

ايه يابت البوست دا نا مش قدرت اكمله وبكيت بحرقه

مااااااااااااااااااااااالك

thunder يقول...

الله عليكى وعلى وصف لمرحلة من ادق مراحل النهاية بجد معارف اقولك ولا كلمة الاحساس صعب اوووووووووووووى اوووووووووووووووووووى وتحسى بعد الشر انك موتى قبل كدا بعد الشر واى حد مر بظرف وفاة هيعرف واكيد عنية هتدمع
كلمك واحساس قوى اوووووى ياسالى بجد ولا كلمة هتقولى اللى انا حاسيتة
دمت
بكل ما
تحبى وفى رعاية الله وحفظه يارب

thunder يقول...

حتى التحديث ياسالى صعب اووووووووووى والله

شاب كــ طخين ـــــا يقول...

يااااااااااااااااة
والله من فترة طويله مقرتش حاجه واثرت فى نفسى با السرعه دى
بجد بوست عامل زى واحد نايم وحد قلب عليه ميه ساقعه ايه ده
________

كفايه بوستات بقى ريحى شويه :D

قبلى تحياتى
سلام

حلوة الدنيا يقول...

بصراحة بوست حلو قوي يستاهل ان الواحد يسيب تعليق واضح ان الوحي من ساعت ما نزل اخر مرة وانتي قفشتيه وربطيه في رجل السرير علشان ميعرفش يهرب

MaNoOoSh يقول...

احساس صعععععععععب جدا
يارب ربنا يريح قلبك ويبعد عنك الاحساس الوحش دة

مسدس صغير يقول...

اى نعم الموت علينا حق
بس ايه النظرة الحزينة اوى دى.؟؟
وحدى الله وارجعى لعقلك وخللى تذكرك للموت زيادة فى الطاعة وبعد عن المعصية
وعيشى حياتك سعيده ومتفائلة..
اتمنى لكى الخير والسعادة
دمتى فى حفظ الله

عاشقه الرومانسيه يقول...

سبحان الله
هو فيه ايه لكل ده؟
!!!!!!

♥♥♥♥♥ Jennifer™® ♥♥♥♥♥ يقول...

أحب بلوق الخاص بك

mostafa rayan يقول...

ايه دةهو ايه اللي حصل
استهدي بالله كدة
مش معقول مهما حصل يكون القبر ارحم علينا من الحياه
الدنيا مليانةوبناس بتحبنا وعايزة مصلحتنا
فكي الخنقةدي واستهدي بالله كدةوصلي على النبي وصلي ركعتين وادعي ربنا يخفف عنك
تحياتي ومودتي لك

شيماء جمال(شيمو القمر) يقول...

ليه يا حبيبتى كل ده مفيش حاجة تستاهل

لا يهم الدنيا أن تبكى أو تبتسم فابتسم أفضل لك


يا حبيبتى عيشى حياتك فالحياة أصلا لحظة عيشيها ولا تفكرى فيما يضايقك
الموت حقا هو الحقيقة الوحيدة فى حياتنا بس لاتتمنيه
عيشى مع من حولك فى مشاكلهم وفرحهم فكرى فى مستقبلك
اشغلى وقتك بحاجات كتير صدقينى هتكونى فى أسعد ما كنت تتوقعين

تحياتى
شيمو القمر

وردشان smilyrose يقول...

الله يسمحك يا حروف

ايه دا بس حرام عليكى

بكت نفسى على نفسى من وحدتى

عشت عمرى بين الاحياء لكننى لست منهم

طالت ايامى وسنواتى بينهم

وعندما رحلت عنهم بكت العيون على

رحيلى تبسمت نفسى على افعالهم

عشت عمرا بينكم ابكى وعند رحيلى

بكيتم على رحيلى

يا الله على طبع البشر


موجعه بكل المقاييس

smilyrose

وردشان

روح الحب الصادق

hasona يقول...

السلام عليكم

ان لم بتغمدنا الله برحمته

ولم نلجأ له في الدنيا
فمن يغيثنا في هذا الموقف

مذكرات مشاغب يقول...

بوست رائع
وكلام مؤثر جدا

تحياتي

امـنــيــتــي يقول...

ربنا يهنيكي ويوفقك
امين

كلماتك روعه

ومدونتك كمان
اتمني لكي مزيد من التقدم

تقبلي مروري
واتمني لكي زياره مدونتي باستمرااار
وشكرا

غير معرف يقول...

كلنا هنموت وربنا يستر
البوست حلو وبيفكر بحاجه مهمه
ولازم نفتكر دايما بعد الموت هنعمل ايه

همس الاحباب يقول...

احساس ومشاعر صعب ان توصف
ولكن استطعتى ان تصورى مشاعرك بكلمات بسيطة
البوست جامد قوى
واحساسى بان كل كلمة تنزف بداخلك
قبل ان تسجل على المدونة
تحياتى

صمت المشاعر يقول...

كلمات صعبه اوووووووووووووو بجد واثرت فيا جدا

ليه كدا بس ياحروف

ربنا يارب يجعل حياتك كلها سعاده يارب

ويبعد عنك الحزن ويخليكي لينا

Hanan Elshafey يقول...

كل ده ليه

قلتلك مليون مره خلي بالك من نفسك والباقي كل واحد كفيل بنفسه

ليه كده بس ليه
ارحمي نفسك بقي

Ahmed يقول...

ايه الاحساس العالي ده
ماشاء الله

عيشتيني في الموت بجد وحسيت بيه

شمس النهار يقول...

في جزء من الكلام ده انا اتخضيت وانا بقراه عشان كان ده كابوس انا شفته
بس اخر الكلام بجد بكاني
تصدقي ماحدش بيعرف قيمة الحاجه اي حاجه غير لما يفقدها
سواء حب
اوانسان
او صديق
يفضلوا يفرطوا فينا ولما نمشي يبكونوا
بس مش الموت بس اللي مافيش منه رجعوا
القلب كمان لما بينجرح والا بيستوي بالبلدي كده
برضه مابيعرفش يرجع تاني
وان رجع مع حد تاني برضه مابيرجعش زي الاول

Soul.o0o.Whisper يقول...

حرووووووووووووووووووف

مالك؟؟؟
بجد خضتينى عليكى


ايه الكلام اللى انتى كاتباه دا؟؟؟
و ليه اليأس و الحزن دا كله؟؟؟


لالالالالالا
مش انتى حروف اللى اعرفها



اما نشوف

فاتيما يقول...

إيه يا حروف دا كله
إنتى بتوصفى حالة شديدة القسوة
و الرهبة ...
يا رب ما يكون لحد قريب منك بعد الشر
إنتى كتلة إحساس يا بنتى
رغم صعوبة كلماتك لكنها جميلة و مرهفة و متتوصفشى غير بكدا

Zika يقول...

حلو الوصف ده يا حرووف
ورغم انه حزين جدا بس عجبني بجد برافو عليكي

إيمان قنديل يقول...

فعلا جميله من غير مجامله


الموت عالم غامض بيخوفنا،ودايما بنحس بيه في لحظات ألمنا ،والوحده زي الموت وساعات الواحد بيبقى وحيد وهو وسط الناس في الدنيا، والوحده في القصيده كانت في الدنيا والآخره


وفعلا الناس اللي بتعيط دي كانوا فين واحنا عايشين وسطهم


وعلى رأي المثل اللي مايبكي عليه وانا حي سامعه يوم الممات يوفر مدامعه


تحياتي اجدت ياعزيزتي

الازهرى يقول...

قلتلك لو كتبت هتزعلى
وادينى كتبت وانتى اكتأبتى وبدأتى توصفى الموت وصف صعب اوى

ليه كل ده ؟

ابو المفاصل الواصل يقول...

المنافق ومظهر الكمال
فى عصرنا هذا اى منافق يقدر يظهـــــر بمظهر الكمال
بما يقدمه من شعارات وتهور وقـــــدرة على الاحتمال
وامتصاص الضربـــات والدولارات الحلوين الجمـــــال
وتخــــريب بلاده وقتـــــل ولاده والقضاء على الامال
حـتى يصير بطـــــلا من نفاق وصاحب الغرور والاهتمام
ويجعـــر فى الفضائيات ويأخد من الرعـــــاع التمام
بما حققه من قهر ونصر على بلاده من الخلف ومن الامام
ويلف ويدور على باقى الاوطـــــان يمارس نفس المهام
من قتل وتدمير وتفجير ودسائس بدون تعــــقل واحترام

Bant EL7ag Dracula يقول...

يخربيت الكلام بجد ما يتقلش عليه

غير انه تحفااااااااااااااااااا

بجد وهم

هو كائيب بس انا بحب الجو دا

وعجبنى جدا بجد

Hannoda يقول...

البوست حلو قوي... بيوصف احساس قاسي جدا بكلمات بسيطة جدا

بعدين عجبني جدا قدرتك على خلق تشابه بين حالة بتعشيها و حالة عمرك ماعشتيها وحطيتي ده مكان ده لدرجة انك وصفتي الشعور بالموت كانك عشتيه
بس للأسف ده معناه ان الاحساس جواكي مشابه جدا و ده بقى وجع قلبي عليكي وخلاني نفسي اشوفك دلوقتي حاااالا

عارفة أكتر حتة عجبتني و اثرت في ايه؟؟
-------
دموعي نزلت عشاني
وطبطبت عليا
وبقت تاخد العذا
واقفة وسطهم
وتتفرج علي بكا الناس
وتقول منا كنت بينكم ومحستوش
بيا
جاين تحزنوا دلوقتي
عليا
راح زمن البكا
ولا حيرجعني من توبي
دة توب الموت
-----

عتاب قوي جدا

هوني عليكي

بوست قوي وهايل
بس اللي وراه يوجع

حاسوباتيه يقول...

ايه الكلام ده بصراحه مش حلو ابدا ويعني مش عارفه اقولك عليه ايه بس غلط قوي الي كاتباه ده الدنيا مش كده قربي للناس هتقربلك ومش هتكوني وحيده