شنطة سفر

السبت، 11 أبريل، 2009

سافرت وحسافر للبلاد البعيدة
حسيت بغربة
حسيت بلهفة
حسيت بشوق يابلادي البعيدة
انا مش هنا
انا من هناك
وهناك ولا سامعين ولا شايفين اللي هنا
امانة عليك ياطير وصل سلامي
وصل ندايا للبلاد البعيدة
كنت وحيدة
وحفضل وحيدة
كنت حزينة
ودلوقتي بقيت هناك بعيدة
انا دلوقتي بقيت عادي
ضحكة ظل علي الارض قبل العصاري
وشمس طالعه بترسم ظلي علي الاراضي
في خضرة من حوليا
في بشر وناس حوليا
بضحك ومش شايلة هم
اة مش شيلاة ولا كاني عرفت ليه طعم
حسيت بس نسيت
افتكرت ونسيت
كلة ماشي الضدد والعكس
سؤال من كلمتين احنا مين
يادنيا غريبة
يادنيا كلها هم
يابلادي الحبيبة
وحشاني
وانا غريبة
انا في مدينة جديدة
وبلاد بعيدة
حنين لزمان
حنين للمكان
بس مش حنينن ولا انين
هو تقريبا  ماضي مات
يبئا مات ولية افتكرة
انا حروح علي قبرة
مكان مدفنتة
حنثر ورود علي القبر
فوق ملاية بيضة مفهاش نقطة حبر
حقول تراتيل
حدعي بلغفران
وحمشي في طريق السفر
واقول سلام ولا وداع
اهو كلة سفر

*بوست اللي فات موجود مش حمسحة واللي مش عاجبة البوست ميقرهوش

9 comments:

smilyrose يقول...

السلام عليكم

وحشتينى يا حروف قلبى الجميلة

يا غربة وسفر لبلاد بعيدة

وحشنى كلامك وشقوتك

وحشتنى كلماتك وضحكاتك

وحشتنى يا غريبة فى بلادك

واحنا تايهين فيها

امانة يا طير الحب الجميل

لو ترحل فى يوم لبلد بعيد

توصل سلامى لأغلى الحبايب

ولو تقدر توصل شوقى للقاهم

بس يا طير هتقدر تاخدنى معاك

لبلاد بعيدة بس فيها الحبايب

نبض القلوب


Smilyrose

وردشان

روح الحب الصادق

*البت المشمشية *حلوة بس شقية * يقول...

سالى
انا قريت البوست اللى فات
بس انتى ليه اتفرجتى على الافام دى من اساسو
ومكنش ليه داعى
انك تحكى تفاصيل الفيلم
والبنت اللى بمايوه
والكلام ده
لان احنا مستفدناش حاجة غير من اخر جزء الصغير عن ررايك فى الشواذ
ده راى
و الاختلاف مطلوب

شمس النهار يقول...

الكلام جميل جدا
بسانا ساعات بحس بنفس الحنين بس لبيتنا
اللي اتربيت فيه
انا قريت لبوست اللي فات انا معك في ان انا عشان احارب مشكله او ابعد عنها او حتي ادور لها علي حل لازم اعرف هي مشكله فعلا والا لا طيب لومشكله ليه هي مشكله وايه سببها واعرف كل حاجه عنها
لكن اديها ضهري لا
زي الناس مابتحبش تعرف حاجه عن الادمان والا المدمنيين والا ايه الاسباب والا المدمن ده نعرفه ازاي
وبالتلي في اسر بيكون احد ابنائها بيكون مدمن وهمه مش عارفين خالص
وطبعا من هول الموضوع مابيعرفوش يتصرفوا

أمبارح كان عمرى عشرين يقول...

السلام عليكم
بوست جميل وكلمات بجد جامدة جدا
تسلم ايدك

بس مش حنينن ولا انين
هو تقريبا ماضي مات

تسلم ايدك

_____________

وليه بقى كارت الأرهاب فى اخر البوست ده هتخوفينا ياختى ولا ايه :D:D

سلاااام

Soul.o0o.Whisper يقول...

سالى حبيبة قلبى

أنتى فين يا بنتى
والله خضتينى عليكى


بصى يا جميل
مش كل ما تواجهنا مشكلة نهرب و نفسنا نسافر

لو حاجة صح يبئا نصر عليها
لو حاجة غلط نعترف بغلطنا و خلاص انتهى

لو احساس و انكسر بنحاول نلم حراجنا و نعيش
و نتعلم عشان ماننجرحش تانى


ماتشليش هم و روقى
حبة و كله يرجع زى الاول و أحس



ياللا بئا
اضحكى
:)


خالص ودى يا جميل

MaNoOoSh يقول...

على قد ما دفن الماضى بيبقى صعب على نفسنا..
لكن بنرتاااااااح بعدها وبنفتح صفحة جديدة للمستقبل
تحياتى يا قمر

إيمان يقول...

ايييييييييييييه
هى الدنيا كده
ماشيه بالعكس نجيلها كده تلف كده
نقوم لافين تانى علشان تحن علينا
برضو مفيش فايده
الوحده والغربه نصيب كل واحد فينا
لو ملقاش قلب يحبه ويحميه

ايوشة يقول...

السلام عليكم ياحروف اخبارك ايه يارب تكونى بخير دايما
كلماتك جميلة على الرغم من الحزن اللى فيها انا جيت اشوف البوست اللى فات لقيتك قافلة المدونة
بطلى بئا جنان مش تنصحينى وتنسى النصيحة عايزين دايما نشوف بوستاتك وتنورينا

thunder يقول...

كلمات حلوة جداااا ياحروووووف
وفكرتينى باغنية انغام اختيار لعناصر حلوة بجد
وفكرة الرحيل من مكان
لعالم انا معتقد انى هنسة فيه الحزن
اللى بقنع نفسى انى نسية اصلا
لكان دا فى اصله وهم
ووهم يسحب للقاع الحزن
واختيارك للصورة جامد جدا
اختى العزيزة دمتِ بكل ما
تحبى وفى حفظ الله