انا جالي جالي يابابا جالي عريس

 

انا عندي ليكم خبر انا اتخطبت حتقولولي امتي حقولكم من قريب ومقلتش عشان الواحد لازمن ولا بد يتعلم من اخطائة وان الحسد مذكور ف قران خطيبي بئا اية مقلكمش الله اكبر الله اكبر يعني بيشتغل ف مصر واسمة سيد بك ابو حفيظة لا طبعا انا مش حتجوز الراجل من علي مراتة وعيالة البت حفيظة ف ثانوية عامية وكبيرة كفاية عشان تفهم ان من حق ابوها يتجوز ويعيش حياتة اما عفاف بئا مراتة في هي علي عصمة راجل ملهاش دعوة بئا بسيد سيبو الناس ف حالها كفاية انة شال الهم بدري وربلها حفيظة سيد بئا خطيبي اتفقنا انا وهو ان يغير اسمة ويبئا سيد مشفش حاجة او سيد لسة سيد او سيد بريء من حفيظة ايون احنا ناس ميهمناش غير انة يفضل سيد ولا يسلم الجرجير من الاذي الرفيع مهم الواد سيد الشغال قصد سيد خطيبي قالي حفسحك يابت يا حروف الجر قلتلة جر هي عربية كاروووو قالي انت اللي جارة مواتير قلبي ومطلعة الماية لفوق قلتلة ايوة كدة اتعدل قالي انت ياحروف الشد اللي شادة قلبي من غير حبال ويصفايح الزيدة السايحة يابراميل القشطة نايحة قلتلة ياي بلدي سوفاج قالي ياوعدي علي الكلام هو انا حبيتك من فراغ
قلتلة هالهلا ع الجد والجد هالهلا عليه انت حتروح تشوف ابا العمدة امتي عشان نشدلة مكتوب بانك حتتدلي علية ونخبروة بمعاد الجوازة الفقر دية قالي حاضر ياحببتي اللي انتي شيفاة شايفين الرداله(الرجاله)
وجاء اليوم المشؤم ويارتني يابابا ماوافقت يارتني كنت قلت لع مخدهوش يابابا مخدهوش يابابا دة انا اتقدملي احسن شباب البلد شباب مركز اها كفر ابو دشنا محافظة الغتاتية يالهوي كانوا بيجروا ورايا بلقطر جري يارتني ماتخبطت ف نفوخي ولا اتنصيت ف نواضري ومشفتهوش هما قالولي حلو وملظلظ وبكرش وانا اتعبطت وجالي هبل النسوان وعبط الجديان شوط واحد وخسرنا كمان وبصراحه بصراحة انا كنت داخلة علي طمع عشان الفوطة اللي حاططها علي قفاة كان نفسي اخطفها واجري يالا كل شيء نصيب
ابويا الحج ابا العمدة قعد معاه وقال للعسكري ابو بندجية خضرا طخ ياولد عيارين تفاريح وياريتة ماطخ وياريتة ماطخ كان في حمامة فوج السطوح حدانا حموت واخدها ابن الرفدي مش حسيبة يالا الصلح خير بئا عشان انا جلبي طيب
ابويا الحج ابا العمدة قاله سمعت وسمع غير الشوف بعيد عنك انك مذيع وكنك كدة بتنصب علينا قوم انا حعملك بلاسمينت تحديد مستوي وياتنجح وتبجا الراس وقعت مع الفاس في الارض يئما تسقط ودة العشم بردك قاله عيب يايابا العمدة عشمك في محلة هو انا اقدر اتاخر عنك طلباتك قالوا تنك غبي زي اللي اختارتك وطن طن تش
السؤال الاول نادي علي الشاهد الاول مقتول ابراهيم مقتول رد ابو السيد قائلا والله ماقتلتة والله ماقتلتة قالوا ياولد حطخك عيارين في نفاخوك اسمع الباجي السؤال وبعدين جاوب بتقرا لمين من كتاب الانجليز
راح متنفخ ومتانعر اللهي يتفجر بحق ماانت عالم ان كل دة من تعبي وشقايا
قالة ميكي ياانكل وساعات ساعات يعني ايس ايدج بجيبة دي في دي
راح ابا العمدة قال ماية والغفر يدولة ماية يقول ماية والغفر منهم لله يدولة ماية وراح باء باء باء بقلق بقلللة يالهوي بس ممتش جبنة ابرا عشان يفششششششششششش وبدل مايرد الجميل فشش فيا انا طب لية عملت اية دة انا ضحيت كتير عشانة هو زملكاوي وانا اهلاوية وبقيت عشانة انتحل شخصية غير شخصيتي وامثل اني زملكاوية واسيبة يشتم قصاد عنيا دول في الاهلاوية تضحية دية ولا مش تضحية ياسعاده الباشا المهندس القاضي مش تضحية دية وامثل امامكم وعارفه انكم بتحكموا بلعدل واطالب بانكم تطلقوني من الراجل الندل الجبان بتاع عفاف يابتاع عفاف حفضحة في كل القنوات والمجاري والترع دة انا مش عايزة اجيب كل اللي في بطني دة انا شايلة تؤم وساكتة
الباشا المحترم الزوج البيس رايح يعمل برنامج ويسمية الكابوس بئا انا كابوس دة انا نسمة بيجيب سيرتي لية وكمان بيخوني مع انجلينا جيلي بقا عشان جيلي تخوني يا سيد لية منك لله منك لله وانا اللي ضحيت بمستقبلي عشانة دة ريس ابو ماما قالي تعالي يابت ياحروف عندي في امريكا لسة داهن البيت ابيض وعملتللك اوضة كبيرة بمنافعها وتكوني جمب ماما قلتلة ابدا ولا بد مسبش بعلي ابدا لازمن اكون جمبة شفتو تضحية اشوف فية شهر وعيالة الاسابيع والبت اللي علي كتفي دية رضيعه اعمل فيها اية اوديها ملجا يعني ودخل ابو حفيظة عليا دخلة عساكر الجيش وقالي كش مللك قصدي قصدي قلي اسف ياحببتي معلش مش حتتكر قوم انا جبت مرشدير علي طول وعنيا بقت تنور وتقول حرووف ترجع الي الخلف حروووف ترجع الي الخلف وهوب خبطت في الحيطة اللي وريا الاقي مين ابا العمدة قالي ويمين الله
بحبك حب ماله حدود هههههههههههههههههه
سلاموززززززززززز في حلقة قادمة اقعدوا بلعافية واتعس واسعد الله مساؤكم نشرة ام حفيظة

وملحوظة................ازاي نسامح بعض

 ملحوظة انا نزلت بوست جديد ودة لينك بتاعه انطح هنا يامعلم



في يوم من ذات الليالي كنت ماشية في حتة كدة مش ولابد ناس حتسالني اية اللي وداكي هناك حقولكم اني ليا سابقه توهان قبل كدة قوم اية لقيت اتنين ستات بيتخانقوو واحدة منهم اسمها ام فاروق عرفت منين اسمها من  شتيمة اسم الست اللي فوقيها بئا اسمها ام قطة نسبا للقطة اللي عندها  مهم ام قطة واقفة ف بلكونة ياولية يام فاروق يالي غسيللك تيتتتتتتتتتتتت انتي ياولية لمي جوزك بيقف في شباك المنور بليل احنا شايلين في قلبنا وساكتين وابنك الضايع خايب الرجا ساقط ثانوية عامية اللهي وانت جاهي يسقط في بليعه هو شلتة الصدمانة بيقف ع اول الحارة يعاكس جيرانة مش عارفين تربوا عيالكم بلا خيبة مليتو البلد يابت يا نوسة هاتي حلة مايةةةةةة تيت نكبها ع حارة زبالة دية مستحملين قرفكم وريحتكم كمان الغسيل بيسقط ماية تيتتتتتتتت علينا لا بئا كدة وحقفلكم ومن نبا النبي نبي لحطلع واخلي واسوي

ام قطة ست بئا ولا كل ستات ست زباله صراحه قلتلها ليكي جوز يترد عليه قال جوز قال انا نسيت دة جوز شربات جوز قمصان انما جوزززززززززز لا ابدااااااااااا اللي بيتة من ازاز ميحدفش الناس بطوب وانا بئا مستمتعههههههههه بهذة الوصلة الغنائية والناس بتتفرج وتقول اعد اعد اللي مافيهم حد اتبرع ويصلح واية بئا وعملوها خناقة بارتي واللي تقول ياجماعه احنا في ايام مفترجة حرااااااام بس بصراحه عندك حق ولعها ولعها شعللها شعللها  وطوبة ع طوبة خلي العركة منصوبة وكوفارتينا ع العريس هههههههههههههههههه

بس بصراحه جاءت لحظة صدق مع نفس وقلت سبحان الله خناقات ف رمضان بتزيد وسب الدين وبلاوي اية اللي بيحصل دة اية اللي انا شايفه دة ماهو رب رمضان رب كل شهور ورب الايام المفترجة

وفجاةالخبر وصل للريس السادات وطلع ع منبر وقال واحدة ست كانت بتنشر فلمية سقطت علي اللي تحتيها وظاهر ان المية مش ولابد راحوا عاملنها فتنة طائفية وانا مستعد ان اذهب واحب علي راسهم واجبلهم غساله بروحين

فانا افتكرت هذا الموقف القيادي الحكيم وقلت بس سمع هس وسمعني سلام الصلح خير ولمينا من اهل القرية جزية ومن كل رجل قبيلة ورحنا عملنا قاعدة ستات عشان قعدة الرجاله راحت عليها من زماننننننننننننن

ومن هنا انصح كل مواطنة صالحة ان تخلي بالها من غسيلها ومن جوزها ميبصش من شباك ومتخليش نفسها عرضة للفضيحة علي منشر الغسيل وع فضائيات المحلية

واقولهم الصلح خير

سلاموززززززززززز

وانا مخاصماكم كلكم يالا بئا مين حيجي يصالح

مش عارفة دة تاج ولا اية نظام بس حجاوب لانة اجباري

اذكري 10 اشياء صادقة في حياتك

من خالتو ستيتة

اللي بفكر اجيلها مصر في معاد اللي محدداة ويارب ينفع

1-ان انا بحب الناس وحتي اللي اساؤلي مش حاسة اني بكرهم

2-ان انا رومانسية اوي ودة عيب كبير لاني ممكن احب علي نفسي واتعذب كمان ولا حد يعرف ههههههههه

3-اني حساسة زيادة عن اللزوم مش بعرف امشي اموري بحسني عارفه نفسي اوي بعيوبي ومميزاتي ومع ذللك بسال الناس عن رايهم فيا

4_بحسني فاهمه ناس كويس وفجاة الاقيني مصدومة في ناس كلها

5- شايفة نفسي ذكية ذكاء مش عادي وفي نفس الوقت الناس بتعملني علي اني غبية ومش عارفه انهم بيخدعوني

6- بسكت كتير اوي معرفش لية بس في الغالب بفكر ومش بكون مع ناس

7- مش بعرف اجرح حد ولو حصل بيكون غصب عني بتكلم بعفوية شديدة وبحسني طفلة ولسة بتلقائيتي ونقاوة الاطفال بحسني كنت قافلة علي نفسي فترة من زمن وفجاة لقيتني وسط ناس مش عارفة اكون طيبة وانا بينهم ولا عارفة اكون زيهم

8_مودية ومزاجية جدااااااااااا ساعات اضحك واضحك اللي حوليا وساعات ابكي وابكي اللي حوليا وساعا اكون عايزة ابئا وسط زحمة وافضل ساكتة وساعات احب اكون سكتة بس لوحدي

9-في دماغي احلام كتير للمستقبل بس مش حنفذها لاني بزهق بسرعه ومش بكمل حاجة لنهاية لان شغفي لما ينتهي بلنسبة لشيء ما عمري ما برجعلة

 10_ان انا بحب ممتي جدااااااا ومع ذللك مش عارفة اعبر لها دة واحسسها بحبي الكبير ليها فانا كتومة لمشاعري زي ماقلتلي ياخالتو

11- دايما رد فعلي غير متوقع وبعمل عكس مالمفروض يتعمل وبحب اكون غامضة 

12-بحب اسمع مشاكل ناس اوي والاقيني ممكن ازعل لزعلهم وادخل جوة مشكلة واحاول اساعدهم بسمع كويس اوي وساعات كتير بيكون نفسي حد يسمعني ويقوم بدوري مع نفسي ولما بتكلم مع حد مطلوب منة طلب صعب انة ينفذة انة يحط نفسة مكان السبب في مشكلة ويديني احتمالات للي حيحصل هههههههههه ودة صعب طبعا

بس مشكلة ان انا لما حد بيحكيلي حاجة بحط نفسي مكان مشكلة وابدا ادي احتمالات للي ممكن يحصل 

واخيرا انا شخصية مندفعه جدا في افعالهااااااااااا

مش عارفة كدة جاوبت ولا اية؟؟؟؟؟؟؟؟؟

اسكندرية

امبارح كان يوم جميل جدا كنت انا وصحبتي واختي العزيزة مدونة اسكندرانية نزلنا اتمشينا قوم اية طلعت الجنونة اننا ندخل الشاطيء وكل امالنا نقعد ع الرمله ونقعد نرغي نرغي نرغي لان بقالنا يومين بلعدد مشفناش بعض ههههههههههه عندنا حكاوي كتيرررررررر مخلصتش من الساعه 6 لساعه 9 بترغي هههههههههههه

قوم بعد كدة لقينا المية جميلة ناس حتفتكر اننا حننزل لا ابسلوتلي احنا بس حطينا رجلينا في المية انا شمرت البنطلون ههههههههه عشان اعدي الترعه وهي رفعت الجيبه انا بضايق اوي من احساس الرملة في رجلي مع المية طلعت مناديل وامسح قوم المية جت ودخلت جوة الشوز وانا قلت هااااااااااااااااااااااااااا ههههههههههههههههههههه

بجد بجد كان يوم فظيع جدا ورجعني نفسيا كويسة واحتمال ننزل انهردة تاني حد عايز يجي معانا الدعوة عامه

حسيبلكم صور لاسكندرية وبجد انا بحبها في فضاها وزحمتها في اماكنها شعبية اكتر من الراقيه كمان بناسها الطيبين اللي علي طبيعتهم حتي في خنقاتهم بحب اسكنديرة وبحسني مجنونة بيها لما بنزل بحري بحسني كان اليوم عيد ولا يوم الوقفه ننزل 12 بليل نروح محطة الرمل والدنيا كلها صاحية ونصلي صلاة العيد صبح يااااااااااة ولا رمضان وجامع القائد ابراهيم وزحمتة وشيخ حاتم ولا الانفوشي والمراكب علي الرصيف ولا القلعه اللي تروحها 12 بليل تحسك 12 الضهر

 ولا ترام ابو دورين ومحطة الرمل وترام بتاعه بحري والجمرك وباب 1 ولا سوق الجمعه وزنقة الستات وزحمتها وتمشي تخبط في ناس ووسع وسع ياااااااااااااااااااااة انا كاني وحشاني وانا فيها بحب اسكندرية

متاسفة الكمبيوتر عندي بيلعب حركات نص كم بيمسح كلام