مش عارفة دة تاج ولا اية نظام بس حجاوب لانة اجباري

الجمعة، 24 يوليو، 2009



اذكري 10 اشياء صادقة في حياتك
من خالتو ستيتة
اللي بفكر اجيلها مصر في معاد اللي محدداة ويارب ينفع
1-ان انا بحب الناس وحتي اللي اساؤلي مش حاسة اني بكرهم
2-ان انا رومانسية اوي ودة عيب كبير لاني ممكن احب علي نفسي واتعذب كمان ولا حد يعرف ههههههههه
3-اني حساسة زيادة عن اللزوم مش بعرف امشي اموري بحسني عارفه نفسي اوي بعيوبي ومميزاتي ومع ذللك بسال الناس عن رايهم فيا
4_بحسني فاهمه ناس كويس وفجاة الاقيني مصدومة في ناس كلها
5- شايفة نفسي ذكية ذكاء مش عادي وفي نفس الوقت الناس بتعملني علي اني غبية ومش عارفه انهم بيخدعوني
6- بسكت كتير اوي معرفش لية بس في الغالب بفكر ومش بكون مع ناس
7- مش بعرف اجرح حد ولو حصل بيكون غصب عني بتكلم بعفوية شديدة وبحسني طفلة ولسة بتلقائيتي ونقاوة الاطفال بحسني كنت قافلة علي نفسي فترة من زمن وفجاة لقيتني وسط ناس مش عارفة اكون طيبة وانا بينهم ولا عارفة اكون زيهم
8_مودية ومزاجية جدااااااااااا ساعات اضحك واضحك اللي حوليا وساعات ابكي وابكي اللي حوليا وساعا اكون عايزة ابئا وسط زحمة وافضل ساكتة وساعات احب اكون سكتة بس لوحدي
9-في دماغي احلام كتير للمستقبل بس مش حنفذها لاني بزهق بسرعه ومش بكمل حاجة لنهاية لان شغفي لما ينتهي بلنسبة لشيء ما عمري ما برجعلة
 10_ان انا بحب ممتي جدااااااا ومع ذللك مش عارفة اعبر لها دة واحسسها بحبي الكبير ليها فانا كتومة لمشاعري زي ماقلتلي ياخالتو
11- دايما رد فعلي غير متوقع وبعمل عكس مالمفروض يتعمل وبحب اكون غامضة 
12-بحب اسمع مشاكل ناس اوي والاقيني ممكن ازعل لزعلهم وادخل جوة مشكلة واحاول اساعدهم بسمع كويس اوي وساعات كتير بيكون نفسي حد يسمعني ويقوم بدوري مع نفسي ولما بتكلم مع حد مطلوب منة طلب صعب انة ينفذة انة يحط نفسة مكان السبب في مشكلة ويديني احتمالات للي حيحصل هههههههههه ودة صعب طبعا
بس مشكلة ان انا لما حد بيحكيلي حاجة بحط نفسي مكان مشكلة وابدا ادي احتمالات للي ممكن يحصل 
واخيرا انا شخصية مندفعه جدا في افعالهااااااااااا
مش عارفة كدة جاوبت ولا اية؟؟؟؟؟؟؟؟؟

17 comments:

الازهرى يقول...

اول تعليق

الازهرى يقول...

وكمان التانى
ما انا من زمان مش اخدت اول تعليق

الازهرى يقول...

واخد التالت غلاسة

الازهرى يقول...

ايه دا كله
ايه دا كله ؟

المهم بقى اول حاجة من حقى احسدك بجد

تعرفى اكتر امنية لى انى ارجع تانى برىء زى ايام الطفولة بجد الياة غيرتنى كتير جدا جدا جدا عن زمان

اما عن والدتك وحبك ليها صدقينى الحب مش محتاج كلام ولا هدايا ولا غيره لو حب صادق يبقى اكيد هى حاسة بيكى

حررروووف يقول...

هههههههههه اية دة كلة اية دة كلةةةةة
ههههههههههه اية ياعم انت داخل تحسد وطالع انا ححط خمسة وخميسة ع باب بلوج
لا بجد رئيك اية في اللي كتباة

adel يقول...

هههههههههه

لا اجابات جامدة

بس نازلة مصر من غير ما تقوليلي ؟؟؟

شمس النهار يقول...

ازيك
ماشاء الله اجاباتك جميله وصادقه
الحقيقه جميل انك عرفتي تتكلمي عن نفسك

thunder يقول...

مممممممممممممممم
امته وازاى مش عارف
تاج جامد ياحروف واجابات جميلة
بس للامانه فى كام نقطة محختلف فيهم نبقى نتكلم فيهم بعدين اختى العزيزة دمتِ يارب بكل حب و ود وفى رعاية وحفظ الله دائمااااااااااا

Eno يقول...

واضح انك انسانه طيبه اوي وعلي طبيعتك جدا اجاباتك حلوه اوي بجد ربنا يسعدك ويرزقك بالانسان اللي يستاهل قلبك الطيب ده وحبك كمان :)
تحياتي :)

ستيته حسب الله الحمش يقول...

اما تبقى حتة مفاجأه
خطييييييييييييييرة
يارب تيجي

اما عن الإجابات فهي متوقعة واخر تمام
بنت في براءة الأطفال بس محدش يعرف يسرح بيها
وقلابة زي كل السواحلية
ورومانسية للصبح حتى في حبها لأهلها
وربنا يرزقها بالراجل اللي يستاهل كل البراءة والجمال ده يارب

كيــــــــــــارا يقول...

والله برافو عليكي عرفتي تقولي جواكي ايه وبتحسي بايه

جحا المصرى يقول...

رائع الصدق فى حياتك

MaNoOoSh يقول...

كل الكلام بيدل على انك شخصية رقيقة وحساسة
ربنا يسعد ايامك يا قمر

EMMY BABY يقول...

ههههههههههههههههههه على فكرة والله بجد التاج ده غريب كل لما اقرا الاجابات عند حد ممكن اشترك فى جزء منها

المرة دى العشرة فيهم شبه كبير منى بس انتى اطيب يا شيخة انا شريرة نياهاهاها هههههههههههههه

جميلة اوى اجباتك ربنا يوفقك

تحياتى

ايمى

*البت المشمشية *حلوة بس شقية * يقول...

عارفه يا سوسو انتى طيبة وكل حاجة بس سعات بتبقى غامضة جدااااااااااا

واحدة مفروسة يقول...

الله
حلجلت كلها انا شايفاها جميلة
انتى باين عليكي بنوتة لذيذة مش مفروسة زيي
تحياتي

Esmat يقول...

بتحبى الناس وبتتصدمى فيهم -لان طبيعة البشر مختلفة فيها الكثير اللى مش بيظهرالا تحت ظروف معينة

نتيجة لطيبتك وده شىء كويس ولكن خلى بالك اكتر

كل ماذكرتى واضح فيه الصراحة وبجد كأنك بتتكلمى مع نفسك

اتمنى لك كل الخير يا رب
تحياتى