اسكندرية

الأحد، 19 يوليو، 2009

امبارح كان يوم جميل جدا كنت انا وصحبتي واختي العزيزة مدونة اسكندرانية نزلنا اتمشينا قوم اية طلعت الجنونة اننا ندخل الشاطيء وكل امالنا نقعد ع الرمله ونقعد نرغي نرغي نرغي لان بقالنا يومين بلعدد مشفناش بعض ههههههههههه عندنا حكاوي كتيرررررررر مخلصتش من الساعه 6 لساعه 9 بترغي هههههههههههه
قوم بعد كدة لقينا المية جميلة ناس حتفتكر اننا حننزل لا ابسلوتلي احنا بس حطينا رجلينا في المية انا شمرت البنطلون ههههههههه عشان اعدي الترعه وهي رفعت الجيبه انا بضايق اوي من احساس الرملة في رجلي مع المية طلعت مناديل وامسح قوم المية جت ودخلت جوة الشوز وانا قلت هااااااااااااااااااااااااااا ههههههههههههههههههههه
بجد بجد كان يوم فظيع جدا ورجعني نفسيا كويسة واحتمال ننزل انهردة تاني حد عايز يجي معانا الدعوة عامه
حسيبلكم صور لاسكندرية وبجد انا بحبها في فضاها وزحمتها في اماكنها شعبية اكتر من الراقيه كمان بناسها الطيبين اللي علي طبيعتهم حتي في خنقاتهم بحب اسكنديرة وبحسني مجنونة بيها لما بنزل بحري بحسني كان اليوم عيد ولا يوم الوقفه ننزل 12 بليل نروح محطة الرمل والدنيا كلها صاحية ونصلي صلاة العيد صبح يااااااااااة ولا رمضان وجامع القائد ابراهيم وزحمتة وشيخ حاتم ولا الانفوشي والمراكب علي الرصيف ولا القلعه اللي تروحها 12 بليل تحسك 12 الضهر
 ولا ترام ابو دورين ومحطة الرمل وترام بتاعه بحري والجمرك وباب 1 ولا سوق الجمعه وزنقة الستات وزحمتها وتمشي تخبط في ناس ووسع وسع ياااااااااااااااااااااة انا كاني وحشاني وانا فيها بحب اسكندرية



6 comments:

adel يقول...

بجد نفسي اجي اسكندراية بقي :(:(

و كمان عشان اخرج معاكم لاني عارفة التانية دي مين :):)

سلمي عليها كتير

adel يقول...

اول تحليق احمدك يارب

فووووووووووووووووووووووووززززززز

الماتور عطل

romansy يقول...

يااااااااااااااه حروف
اخبارك ايه
وحشتنا اسكندريه
والمصيف والميه والشماسى اللى نفسنا ندقها بقى
مش عارفين

اسكندريه اجمل بلاد الدنيا

micheal يقول...

رحلة سعيدة..بقالي كتير مزرتش اسكندرية
8 سنين
:(
تحياتي

thunder يقول...

هههههههههه انا عارف الرغى دا من بتاع السافوووووو رحلة سعيدة المهم فعلا تغير الجو دا يكون ليه انطابع جميل وذكرى اجمل
بس عارفة الغربية انك جامب البحر ومش بتروحى عنده كتير دا لو هنا يابنتى همنع اى حد يقرب منه اساسا هههههههه
اختى العزيزة دمتِ بكل حب و ود وفى رعاية وحفظ الله دائماااااااااااا
ياارب

عاشقه الرومانسيه يقول...

اسكندريه اجمل بلاد الله
باعشقهااااااااا
وحلم عمرى انى اعيش واموت فيها