رومانسيات part 2

الجمعة، 27 فبراير 2009








صحيت من النوم ملقتهوش جمبي ولقيت وردة وفطار ومرايا في فرحه باينة في عنين سود حلوين



اة دة حبيبي ومرايتي انا وبس قالي صباح الخير صباح كل يوم وانتي معايا قمت اسرح شعري مسك مشطي وسرحلي شعري عملي اوصة جميلة وحاطلي وردة وربطلي شعري بشريطة ستان حمرا وقومني وقالي تعالي قلتلة فين قالي تعالي بس


قعدني وقالي يالا نفطر جيت اكل قالي لا انا اللي اكللك وقلتلة وانت قالي انا اكلت وشبعت لما صحيتي


باس ايدي في ضهرها


وقالي ملكتي قلبي يا امراءة


من يوم مشفتك وقلت عرفتها


دة حب عمري وحلمها


هو حلمي


دعيت ربي تكوني ليا


وربي هداني هدية


حمدت ربي انك بقيتي ليا


لسة بتتكسفي دانتي مراتي دانتي حياتي


خجلك خلاني في حبك بقيت شهواني


بشهي عيونك تبوس عيوني


بهوي ايدك تحضن ايدي


وجفونك تغطي جفوني


حبيتك وحبي ليكي كان عذري


وكان بداية دقة في قلبي


كتبت الكتاب عشان متهربيش من جنوني


بقيتي ملكي


دبلتك مرسومة في ايدي


وحلمت بيها من اول ما ملاني احساسي


جنوني باني اسيبك


وانا اصلا مجنون بيكي


ازاي اسيبك


ازاي افكر بدونك


بصيت لقيت نفسي بحلم من تاني قلت لية بس مكملش احلامي لية بصحي وانا في احلي احلامي


يارب تكون دية ايامي


حبيبي انادي عليك من بعيد


انادي عليك وانت لست ببعيد


سالت عليك دروب قلبي ودعيت


بحثت عنك ايها الحبيب


انا هنا في انتظارك


هل ستاتي من بعيد


هل ساراك في حلم قريب


ام انك لست اتي


اوعدك حنام تاني وراح يكون بينا لقا تاني


حشوفك واحكيلك في حلم من احلامي


بس بلاش تنساني


وعشاني بلاش تروح تاني


حقوللك سلام دلوقتي عشان حنام احلم بيك

31 comments:

الازهرى يقول...

ونقول اول تعليق

الازهرى يقول...

وكمان تانى تعليق يمكن يغلوا بعد كده

الازهرى يقول...

انا مش هاحجز التالت

thunder يقول...

هههههههههههههههههههه ماشى ياازهرى انا اللى بعدك

thunder يقول...

بوست حلو اوى يا حروف الرومانسية فى كانها حلم بجد خيال حاسيت وانا بقراء انى فى اسطورة وتصورت اميرة زى سنو وايت بجد ربنا يوفقك يارب فى اختيارتك ويوفقك فى احلالالالالالالالالالالالامك يارب وماشى يا ازهرى
وش بيعيط جامد

الازهرى يقول...

ايوه ايوه
كلهم اول يومين بيقولوا كده وبعدين بيقولوا
يا ريت اللى جرى ما كان

بجد الموضوع حلو جدا
ربنا يرزقك بمن تتمنينه وتعيشين معه فى سعادة وهناء وتصير احلامكما حقائق جميلة

Ahmed يقول...

كلااااااام جميييييييييييل
كلااااااام معقوووووووووول
مقدرش أقول حااااااااجه عنه

ghorBty يقول...

ربنا يرزقك ما تتمني

ويكون الواقع احسن من الاحلام

(ربنا هب لنا من ازواجنا وذرياتنا قره اعين واجعلنا للمتقين اماما )

ويرزقك بالزوج الصالح ويجعل بينكم موده ورحمه اللهم امين

دمت بخير وسعاده

ستيتة يقول...

لو قلت جميل ابقى كذابة
لو قلت حلم كل البنات ابقى بأقر حقيقة

اما ان تصيغيه بهذا الأبداع فهذا هو الخيال بعينه

روعة
روعة
روعة

بحبك

romansy يقول...

عارفه يا حروف اتمنى انك تفضلى تحلمى على طول
طالما هيكون فيه كلام حلو قوى كده
كلامك رقيق يا حروف
وكمان الاغنيه جميله وذوقك فيها عالى

عاشقه الرومانسيه يقول...

لالالالالالالالالالا
انتى بقيتى خطر عليا ياامى
انا اعصابى باظت منك ومن بوستاتك
حرام عليكى كده
احنا بشر برضه
ايه يابنتى الاحساس العالى ده
انتى مشكله
يالهوى
نفسى يتحقق حلمك ليكى وليا
بعبك بعبك بعبك

رحلتنا في الحياة يقول...

يخرب عقلك ياجميل هوا انا ناقصة تقليب مواجع
بس والله جميل جدا ربنا يحققلك كل احلامك يارررررب وكل اللى تتمنيه

adel يقول...

تفتكري لما صحيت ...ملتهوش جنبك ليه ؟؟؟

اكيد زهق منك و خلع

هههههههههههههههههههههه

بجد جامد قوي و خصوصا ان الكلام طبيعي و صادق قوي مش كلام من بتوع الاغاني

حاسوباتيه يقول...

يارب كل احلامك الجميله دي تتحقق يارب

Soul.o0o.Whisper يقول...

حرووووووووووووفى


ايه يا باشا دا يا باشا

لا بجد جاااااااااااااااامد
جامد جامد يعنى


يارب بجد يحقق لك كل احلامك
و تعيشى دايما فى سعادة ورضا و حب




ياللا ادينى صلحت الغلط بتاع التعليق اللى فات اهو


عشان تتراجعى عن المخطط الشرير بتاعك
هههههههههههههههههههههههههه








سلام يا جميل

EMMY BABY يقول...

ياعينى ياعينى على الرومانسية

والاحلام الوردى طبعا كل الشباب بيحلموا بالاحلام دى وكل واحد بيحس انه قادر يحققها بس بيتصدموا ان الواقع مختلف

بس لو بطلنا نحلم نموت ربنا يارب يحققلك احلامك كلها مه زوج يحبك ويرعاكى

تحياتى

ايمى

Sweet Violet يقول...

ربنا ان شاء الله هيحققلك كل احلامك

بجد انتى جميلة قوى (:

تامر علي يقول...

رومانسية على مشارف الإنقراض من الواقع ... لكن لاأنكر لازالت موجودة ... تستحق الكثير من البحث ... والكثير من السعادة

تحياتي

جارة القمر يقول...

البوست جميل جدا وحلم جميل اوي
حروفه كلها رومانسية مكتوبة بنبض قلبك متسطرة بقطرات دمك
كل بنت في الدنيا بتحلم الحلم دة
ان شاء الله ياتيك ليخبرك عن حبه وشوقه وانك ايضا كنت بطلة احلامه وانك فتاة احلامه الحقيقية وانه طالما بحث عنكي في كل مكان وانه لما راكي تحقق حلمه ونور دربه ووجد الدنيا
تحياتي لكي

Kiara يقول...

يالهووووووووووووووووووي جننتيني برومانسيتك

يارب يحقق احلامك يارب

ريكو يقول...

اللة يا حروف
حلمك جميل أوى ومشروع
يا رب يتحقق قريبا جدا
ويكون معاكى ملاك برىء زى ما انت مصوراه كدة
بس لو صحيتى من النوم تتوقعى ستجدية بكل الرقة اللى انت مصوراها دى يااااااارب
تحياتى لك و لكلماتك الرائعة

صمت المشاعر يقول...

خيالك جميل اووووووووي ياحروف

وانتي انسانه رومانسيه وجميله

اووووووووي

منتظرين منك المزيد

مسدس صغير يقول...

ايه الكلام الجامد ده؟؟
احاسيس جميلة جدا
يتمناها الجميع
بس يا ترى الفطار ده فيه بيض وجبنة وللا لأ؟؟
يا ريت ميبقاش فيه..
ههههههههه
كلام جميل
كلام معقول
مقدرش اقول
حاجة عنه

عاشقه وغلبانه يقول...

اه يامرارتي

انا مش ناقصه ياختي

بقي قالها انا شبعت لما صحيتي
ياسلام ع العز

اوعدنا يارب

Ehab يقول...

يا لهويييي

ده ايه الأصطباحه الجامده دي

ربنا يسعدهم بقى الجوز دول ويسعدك انتي كمان

لو كل فتره الناس تفتكر يقولوا لبعض عن مشاعرهم كده
لو كل فتره كل واحد يحاول يقدم للتاني شوية حنان ودلع كده يحسسه انه مهم في حياته كانت حاجات كتير تعدي بسهوله قوي
لأن كل الغلطات الصغيره اللي هتبقى بتحصل عادة بدون قصد هتتمسح كل فتره برده فمتتراكمش وتسبب العلامات السوده الرخمه
ربنا يسعدك
تسلم ايدك
بوست جامد والصور تحفه

سلااااااااااااااااااااااااام
اخوكي ايهاب

أم فريده يقول...

معنديش كلام اقولة

غيررائع رائع رائع لابعد مدى

انا تخيلت نفسى مكان بطلت الحكابة وجوزى مكانة واتمنيت انه يعمل كدة

تحياتى

غير معرف يقول...

الله عليكي

ايه الرومانسية و الاحلام الجميلة دي

ربنا يرزقك بالزوج الرائع الي يسعدك

مدونتك بغاية الروووعة

دمتي بحفظ الرحمن

Dr.Mohammed Gohary يقول...

ايه يا حاج حروف الكلام دا؟؟؟
هههههههههههه

بتتكلمي عن ناس من المريخ مش كدا؟؟؟؟؟؟؟؟؟


قعدني وقالي يالا نفطر جيت اكل قالي لا انا اللي اكللك

ليييييييييييه كنتي اتشليتي
ههههههههههههههههههههههههه

----------------------------


باس ايدي في ضهرها


وقالي ملكتي قلبي يا امراءة


هههههههههههههههههههههه
هو بيشتمك ولا ايه
هههههههههههههههههه

----------------------------


دعيت ربي تكوني ليا


وربي هداني هدية


حمدت ربي انك بقيتي ليا



جامدة البؤلة دي

-------------------------------



كتبت الكتاب عشان متهربيش من جنوني


بقيتي ملكي



ومش هتهربي وهطلع عنيكي زي ما طلعتي عيوني
هههههههههههههه

----------------------------



انا هنا في انتظارك


هل ستاتي من بعيد


مش هتيجي بقا؟؟ قرفتني بروح مامتك
هههههههههههههههههههه
------------------------------


حقوللك سلام دلوقتي عشان حنام احلم بيك


وبحلم بيك أنا بحلم بيك
وبأشواقي مستنيك
وان مسألتش فيا
آآآآآآآآآه
يبقا كفاية عليااااااا

عشت ليالي هنية أحلم
بييييك
أنا بحلم بيك
ترررن ترررن
-------------------

بوست شغاااال

تحياتي

elsha3er يقول...

بجد الكلمات عجبتنى اوى

تحياتى


احمد الشاعر

فكرة من الزمن ده يقول...

جميل حلمك اوي ربنا يحقق لك كل اللي بتجلميه ويقرب البعيد

MaNoOoSh يقول...

كلام جميل قوى يا حروف واحاسيس جميلة