مدينة سكاتي

الجمعة، 16 يناير 2009

طال سكاتي 
وكترت اهاتي
وكرامتي حته من حياتي

جوايا مدن وبلاد عايشين في ساكتي
لو الف ايد تمد وتحضني
لو الف عين بكت لحزني


 دة عيوني مخلوقة عشان تبكي
  حتي روحي صرخت من كتر همي
جوايا حزن اخد ركن وبيبكي
ودة ركن فية الحزن مش مكفية
ودة ركن من كتر الالم عمرة ما ناسية
 ودة ركن حفر فيه اهات وكتب الف اه ه
دة الحزن بني قصور وحيطان ماتهدتتش


وقفت علي الشط واشتكيت
بصيت للقمرواتهزيت
افتكرت الاله ودعيت
موجة ورا موجة وريح  ورا ريح
شجر بيقع اوراقة وورق ورا ورق
وسنين  بتمر ويام بتفوت
والجرح عمرة ما بيمر
ليةمكتوب عليا الجرح
كنت عارفه ان السعادة كاتي
عمرها ما حتطول

30 comments:

وردشان smilyrose يقول...

يااااااااااااااااااه

مش عارفة ليه كم الالم والحزن اللى

جوانا دا ربنا يرحمنا برحمته

ويرفع عنا الالم والحزن اللى ملى قلوبنا

ويفتح اباب أمل ينور طريقنا يارب

smilyrose

روح الحب الصادق

ستيتة يقول...

لو بس اقدر اخدك في حضني واسمع ايه اللي مخليكي بكم الحزن ده كله زي واحده عندي
ايوه كلامك جميل ايوه بحبه بس لما دلوقتي تقولي كده ويبقى ده اللي جواكي امال على ما تبقي في سني ها تقولي ايه؟

وحشتيني جدا يومين الغياب دول وكأني اعرفك منذ زمن بعيد
بوسة كبيرة

romansy يقول...

سياتى الامل

ولكن الصبر مطلوب لكى تفتحى تلك الابواب

رابطة هويتي اسلامية يقول...

هو حضرتك مش وخده بالك من اللي بيحصل في غزة

Empress appy يقول...

وليه تسكتى اصلا السكات وحش
بس احساسك حلو

Hanan Elshafey يقول...

حروف
حاسه بيكي من كل قلبي
الحزن داء
مش عايزينه يخف
بيعيش جوانا لو بعد احنا بندور عنه
اصبري واقوي وافتحي للامل باب
واقفلي في قلبك للالم الف باب وباب
قلبي واحساسي معاكي يا ريت يعملو فرق
ومن قلبي
ربنا يحميكي

s.m يقول...

اولا زعلان البوست دا نزل امته وفين الميل يا ماما هنتكلم بعدين فى دا ...
المهم الحزن ياحروف احنا اللى بنصنعه وبيعز علينا نسيبة حاولى تعمل زى وتسيبى الشرنقة اللى احنا بنعيش جواه دايرة الحزن مؤلمة والاستمرار جواه بى يقتل وانتى قوية دوسى على الالم كانه درجة فى سلم وحاولى ترفعى نفسك خطوة فوق انا بدائت اعمل كدا وبلاش نتاثر بالبرج بتعنا ونخالية يسيطر علينا تعالى نصنع لنفسنافرحة ونحاول نصدقها بصى كل حاجة بتبداء صغيرة الا الاصعب وهو الموت الوحيد اللى بيبداء كبير وكبير اوى وبيكسر والحمد لله يارب وربنا مايكتبها عليكى .اى حاجة تهون بعد كدا وسورى فى اللفظ دوسى بجزمتك واطلع الخطوة ... تعالى بقة هنا لن انسى ليكى هذا الموقف اولا فين الميل قاعد وعمال اقول هيبعتوه كل يوم ومحدش معبرنى وبعدين بوستين نزلوا ولا اى كومنت منك ماشى وربنا لاصلت عليكى اية ودهب وانتى حرة بقة وكفى الله المؤمنين القتال وخير تعمل شرق للتامين اهوة

مذكرات مشاغب يقول...

ايه الحزن ده كله
وساكته ليه متطلعي الكبت اللي عندك زي ما انتي عايزه
يارب يكون بس ده كلام في الكلام الجميل ده
وميكونش حقيقي

تحياتي

adel يقول...

ممممممم

لا لا دا انتي حالتك صعبة قوي

واضح طبعا تاثير الامتحانات عليك
-------------
ودة ركن فية الحزن مش مكفية
ودة ركن من كتر الالم عمرة ما ناسية
----------------
غريبة عاجبيتني الحتة دي

ههههههههه

جامدة قوي بي كيئبة و بتكملي عليا بعد سمايلي روز و الامتحان الزفت اللي كنت فيه

ابقي حطي مناديل علي باب البلوج عشان اللي ناوي يعيط

هههههههه

غير معرف يقول...

موجة ورا موجة وريح ورا ريح
شجر بيقع اوراقة وورق ورا ورق
وسنين بتمر ويام بتفوت
والجرح عمرة ما بيمر
ليةمكتوب عليا الجرح

مش عارف اقلك ايه , كلامك لامس جروح ما في الروح , ويبدو ان بعض البشر كتب عليهم ان كل ابتسامة لهم تكون مخضبة بالدم والدموع

تحياتي دوما

حاسوباتيه يقول...

كلمات جميله ومعبره جدا بالزات حالات الاكتئاب الي الواحد فيها

Ehab يقول...

اتمنى ميكونش اللم ده كله غير مجرد خيال
بعد الشر عنك من كل الزعل ده

سلامتك
سلاااااااااااااااااااااااااام

غير معرف يقول...

ياه ده انا فاتنى كتير
طيب ادينى رجعت
الله ينور على الببوست

أميرة الاحزان يقول...

وقفت علي الشط واشتكيت
بصيت للقمرواتهزيت
افتكرت الاله ودعيت
موجة ورا موجة وريح ورا ريح
شجر بيقع اوراقة وورق ورا ورق
وسنين بتمر ويام بتفوت
والجرح عمرة ما بيمر
ليةمكتوب عليا الجرح
كنت عارفه ان السعادة كاتي
عمرها ما حتطول

بجد كلامك حلووووووووو اووووووووى ...
و إحساسك عالى اوى .... تسلم ايدك ...

mahasen saber يقول...

طول ما احنا عايشين لازم نمر
بالاحاسيس السعيده والكئيبه
ونتكلم ونسكت ونصرخ ساعات من الالم
وقصر عمر السعاده

كلماتك حساسه ومفعمه بالحزن قوى
بس جميله طبعا

Soul.o0o.Whisper يقول...

حروووف


الحزن شئ أساسى بحياتنا
لأن لولاه مش هنحس بحلاوة السعادة و الفرح ..


و ساعات لما بيكون الحزن قوى ،
و يتغلب علينا ، و يكسر حاجة جوانا ..

بنوصل لمرحلة السكوت ،
بنحس إننا مش هنقدر عليه ..

و دا شئ مش كويس خالص ،
إننا نستسلم للاحساس دا ،
لأننا ساعتها بنشوف الدنيا سودا ،
ولو فى نور قدامنا مش بنكون شايفينه ..

و مش بنعوز نشوفه ..
لأننا بنكون مستسلمين للحزن دا .



يارب مش تستسلمى للاحساس دا كتير ،
و ترجعى حروف الشقية ..;)
فى انتظارك يا قمر ...





دمتى بود

غير معرف يقول...

كلامك جميل اوى يا حرووف

يار يت تجسدى الكلام ده بلوحه فنيه كما وعدتى من قبل

ادم المصرى يقول...

كلماتك جميله جدا اشتقت اليها من زمان بجد

ويتوجب علينا المرور بكل الظروف

الحزن والحب والاشتياق والغيره

والام بجد كدا الحياه لزيزه بوستك رائع جدا

Lady E يقول...

تقريبا كلنا عندنا استئكاب

لكن برغم الالم اللي في القصيدة الا انها جميلة جدا

بنت الغربة يقول...

ليه الحزن العميق قوى ده؟؟
دايما السعاده عمرها قصير قوى
لو كانت طويله مش هانحس بيها وهانملها..
دايما الحياه بتتغير المهم نصمد معاها
ولازم نحس بلألم علشان نحس بالسعاده
مش احنا اللى بنختار الألم ولا احنا اللى بنبعد السعاده
ده كله من عند ربنا
ودى حكمته
تحياتى ليك فى اول زيارة
وان شاء الله زيارتى الجايه تكونى اكتر سعاده

اسماء واحلام فى وجدانى يقول...

طريق الحزن ملىء بالمفاجئات

فاحذرى منه جدا

امضاء

واحد محدش حذره

البحث عن الذات يقول...

ازايك ي نجمه حلوه
وبلاش دالو ودياولوه

بس انت اعزريني اني مش قادر اكمل القرائه لبقية المدونه وبوستاتيك

بس بجد زيارتك بسطيتني وحابيب انك كمان تروحي تزوووريني في الجالاري الفني
بتاعي وتشوفي شغلي ويمكن يعجبك او تنوريني علي شبئ يمدني بأفكار جديده

مرسي
وهانيالك يافاعل الخير والصواب

البحث عن الذات يقول...

سـوري نسيت اللينك

My Gallery

http://mygallaries.blogspot.com/

البحث عن الذات يقول...

كـلام جميل


** دة عيوني مخلوقة عشان تبكي
حتي روحي صرخت من كتر همي
جوايا حزن اخد ركن وبيبكي **


حزين في الفلب ألم عليل
وجع جوي الضلوع
اه وبتنزف من العجز دموع

أه ياحزن شديد
وليه الحزن
ده الحزن مخلوق تاوئمه العجز والحسره

اهوه شويه تخارف من عندي ..

بس عجبني كلامك

Unknown يقول...

حلوة الحتة بتاعة وكرامتى حتة من حياتى عجبتنى اوى فعلا.....حلوة الكلمات الله ينور بس معرفش ليه تخيلت ان اللى بتتكلم واقفة على البحر فى الضلمة فى الشتا ومفيش غيرها واقف...جنان رسمى بس دة اللى حسيته يعنى

تامر علي يقول...

كلمات عميقة .... ومختاره بعناية ....لك كل التقدير ... ومدن الحزن ... ودمت بأمل في السعادة.

Unknown يقول...

masterpiece , really masterpiece go on

Unknown يقول...

ربنا يفرج عنك
حاسس بنرة حزينة وألم جواكي
في حاجة جواكي مش عارفة تطلعيها مش كده
ربنا يعينك ويوفقك
مودتي

كفايـة طيبـة يقول...

"دة عيوني مخلوقة عشان تبكي"

وجعتنى اوى الكلمة دى

مالك بس :(

البت المشمشية حلوة بس شقية يقول...

الله يخربيت الكابة
انتى تانى
يبنتى مفيش حاجة بتفضل على حالها
وهو انتى يعنى هتفضلى كدة بكرة ترجعى مبسوطة وفرحانة تانى
وانتى طبعا فهمانى