55هنا وهناك واللي يعادينا واك واك

الأربعاء، 28 يناير، 2009





اللي نفسة يتقطع اخوة اللي جمبة يكمل بداله عايزين تعاون الله يكرمكم عايزين شغل نضيف لاحسن المدونة تحت المراقبة



اخدو التاج تحري


جالي تاج من سووووووووووول ومن عادلللللللللللللل واعتبرة تاج وراح اعتبرة قصر جراح واتكتب عليا اني احله

اول سؤال والله ياباشا مش انا اللي قتلتة دة مدون تاني مش انا بريق يابيه

باقي من الزمن 70 دقيقة

اول سؤال اية اللي حدفك علينا ولية وازاي وامتي طاخخخ

انا مش فاكرة هو في نوفمبر 2008 اة لسة نونو وازاي كنت بدخل عند مدون صاحب مدونة بلوجاتي وكنت بتابعة وقالي اعمل مدونة وكبر الموضوع في دماغي بس واديني معاكم منورة ياحجة دة نور الشاشة يافشارة شكرا شكرا دعونا نعمل في صمت سمعوني تصفيق حاد

اية البرباتوز الاول

نعم يابية امضي لا ببصم تمضي ايه وتبصمي ايه

بقوللك الانطباع الاول لا يابية مش شغاله في مطبعة انا بصور ورق بس لطلبة نعم منشورات لا يابية اقبض عليا احسن يا اللي اسمك حروف وانتي مكملتيش حرف الباء ومن غير نقطة كمان بقوللك الانطباع رايك يعني اة طب متقول كدة لازم تعقدوا اهالينا وكلام مكلكع

بص ياباشا انا حقوللك علي رئيس العصابة كان الاخ بلوجاتي ومكسوفه هانم كبارية فيما بعد حببوني فيها واول مدخلت وعملت مدونة بقيت اقعد كتير واكتشف حاجات وحسيت ان التدوين دة عالم واسر وصحاب وانا بحب الجو دة واديني مكمله

اعترفي يابت بدل مقومللك مين شركائك في العصابه حاضر يابية"مين اللي بتحبي تعليقهم"

حاضر يابية حاضر انا قلت حاجة بص يابية كلهم حبايبي وحعترف عليهم اللي موجودين في الفوفريت عندي اة واكترهم اكترهم كانوا معايا وقت السرقه سيرجوو وسوول باشا وسمايل رووز وضد ياضد ياضد وعادل والبت المشمية وche وقلم رصاص ومسدس صغير ورومانسي ودهب واسامه عبدالعال وكريم وسوووووووو


وحاسونة اللي باقله كتير مش بيجي وطبعا طبعا طبعا اللي غلاوتها سكر زيادة خالتو ستيتة


اتعلمتي ايه في عالم الاجرام والتدوين؟


الصبر يابية الصبر اني منزلش بوست بعد تاني علي طول اسيب فترة يتقرا وكمان اني بقا ليا اخوات بنات وولاد بعزهم والله اوي




ايه اللي رفضاه وكرهاة في عالم التدوين؟


الخناقات والمشاكل والكلام اللي بيتقال من دهر الصحاب

عالم الاجرام يابت اثر فيكي ولا لا؟

اثر فيا جدا ووصل اني حسيت اني ادمنت البلوج بقيت بفتح كتير اقرا تعليقات الناس صحابنا وارد عليهم وبعدين قررت اني ارد عليهم في مدونتهم افضل وبكدة اقدر اعرف اخر بوست واعلق بلمرة عليه

كمان اثر فيا ناس كويسين جدا بطبيتهم وشخصيتهم الجميلةوبئا ليا اخوات كتيرة جدا
عندك اقوال اخري يااختي في حد نضيفة لهذا الاستجواب؟
بهدية لخالتو ستية لو تحب وعمروche


ولدهب وسيرجو واية لو يحبوا


والاخوة العرب اللي في المقطم اللي حلوة سابقا بسلم عليهم ههههههههه

ودمتم
سلامووووووووووووز
**************************************************************
المشروب الشعبي




الموقع قهوة مخربشين للمعلم الرايق ونحن نقطن البيت اللي علي اول ناصية بعد الشجرة اللي شبهة النخله


كني في البيت جاله سيكومونس وطاطا وشكولاتة رحب كني اخر ترحيب بوس وسلامات وطيبون واحضان ومن حق كل مواطن يلاقي حضن يضمة

سالهم تضربوا شاي ردوا نضرب يامعلم وضربوا وبعدين تتفرجوا علي اجنبي ولا لبناني لبناني ياريس يامهنينا يامسستتنا يامهشتكنا انت عايزنا نضرب العروبة اننا وحدة عربيه ورقصني علي وحدةونص علي هيفا يابن الحلال ياديك عيني اةةةةةةة


وجينا للجد ان ان ان طش

تضربوا المشروب الشعبي ايون ياكبير وانشالله اللي يشرب لوحدة يزور لا يانشرب كلنا ينموت كلنا ويعيش احنا الكل ينموت موتة فل

وماشية معاك يابا اليومين دول فلوس ومشروب شعبي الله يسهله متبوصليش بعين رضية انا طالع عين امي في السعودية اخرسو حروح اجيب اللفة والكانشا وجة كني مين حيلف ومين كوباية ومين كانشا بص ياريس دة سيكومنس انا صدري واجعني حلف اوك يامان اللي لف لف وعمرولغم علبة السجاير ونزلوا يتفرجوا علي البنات الموزز اوزز وانتي يابت تعالي هنا وياختي عليها واتمخطري ياحلوة يا بطة وربنا عايزة تدبحي رفرفي ياجميل علي الساحة وامشي كدة براحة وجةالواد شيكولاتة بيسال علي طاطا راح فين راح يجيب اززاة

شيكولاتة يقول لا ياعم خمرا استغفر الله العيظم لا حرام


انا بئا اجياقاطع واعمل مقاطعة مع الكورة مع شوبير بليل لو مشفاضي تعالي الصبح وبعد الفاصل واقول نعم ياروح مامو

mum بس فرانسية انتوا عارفني من ايام العيش الفينو عشرة وخدمت في فرنسا سنتين

يعني المشروب الشعبي البانجو والحشيش دة اية مش حرام والبنات اللي بتعاكسهم وممكن تصطادهم والصيد بيعلم الصبر وتقوم في الاخر انت بدور تنظيم المرور وتبئا شبة الريسيفر اية كل دة مش حرام

كانت معكم حروف تنقل لكم مباراة القمة والحكم واقف بيصفر لانتهاءالشوط الاول(ياولاد وربنا نيتي خير بلاش قاذورات لاحسن الديتول يشتغل)


وعلي راي الست خيخة نفهم ايه من الحدوتة بلاش صدرنا يوجعنا ونلف ممكن نقضيها لاحسن تقلب بكرشة نسوان وتلاقي نفسك في ميدان عام
تقوم بدور ظباط المرور وياطبط ياتدلع واهوووووووو استغل الفرصة بشكرر الست نانسي سلام بلقطايف والسكر



********************************************************************


كلاكيت اول مرة بعد كلاكيت تاني مرة



شفتو الدماغ بنزل الجزءالاول بعد الجزء التاني امال اية تخطيط بردوا ايون ياختي تكتيك زي تكتيك بتاع الاهلي ومدرب الخواجة اسمة ابصر اية هاتي يابت قومي ناوليني جوز الجزم ولا اسمة مناول ميكنش كان شغال في الافعي معرفش المهم بيجيب اجوان يااهلي يارسام قسم وهات اجاوان واحد هنا وكمان هناك وانا هنا في الاستاد بهتف وقول ياخواتي علي الجمال

قوم اية رحت طابورالعيش اية زمان امم امم بشر ميتعدوش بيباتوا عشان يحجزو طبعا انا عمري مابحجز ولا اروح عند مدونة واحجز بتاتا وكلا

وقفت شفت ولية سارقة شادر بطيخ في بطنها وحواليها ملجا ايتام ايون وواقفة قالتلي الكلام في سرك بنتاجروا في المشروب الشعبي يادي النيلةهو ورايا ورايا دةكلام في سري قالتلي اصل ابو سريع دماغه طايرة حايرة وعنية مش مركزة وبينادي علي العيال بشقلوب وقالي بقوللك ياولية الرغيفين طاروا من نفوخي فقلت اعمله اصطباحة وبمناسبة العيد القومي للمشروب الشعبي وعيد ميلاد الاستاذالبشمهندس رئيس قسم الحوادث في حارتنا جوزي ابو سريع قلت افرحه واجيب 5 ترغفة مش رغيف وانا ماشية بئا وعليكي خير بكرة اسافر عشان نحتفل اصلي من بورسعيد وسمعوني سلام السمسمية حلوة بس شقية "محدش يفهمني صح"


وجينا بعيون الكاميرا نصور ولاقينا الطابور يالهوي ياخرابي ياخرابي اوةة سيترو سوفاج خالص مش سولاف فواخرجي البت القمر يالهوي مش هي بقول سوفاج يعني عمي وطرش كمان احمدك يارب

وسالنا مواطن شريف عفيف نضيف زي حكومتة بزبط وسالتة بتعمل ايه هنا رد وقال زي متقال انا جي ازور اخويا محسن اصلة هنا من امبارح كنت في القرافةواخدت العيال افسحهم في القرافة وقلت اخليهم يزوروا عمهم في الطابور وعايز اشكر الحكومة علي مجهوداتها في القرافة من تطوير عملت زحاليق للعيال وللميتين كمان الميت ينزل متزحلق في التربة وكمان اللي بيشاور عقله يتزحلق وحينزل في التربة ميت بدون الم او وجع والله ياجدعان ولا الفيف استار

وسالنا مواطن شكله من ايام تحتمس الخماشر اهو تحتمس وخلاص قالي يابنتي ياقمر انتي يا بطة حطة يابطة يادقن القطة زمان الحاجة كانت رخيصة والبنات ايووووووووووووووخ كانت بنات بنات ودلوقتي ياحج بنات علي ماتفرج دية بقت وكسة بالالوان يابنتي ولا البيض اهم حاجة البيض كالسيوم هو واللبن يا لبن ياقشطة كمل ياحج متوهش مني في السكة مفيش مواصلات الله يكرمك ايون ايون حاضر يابنتي السن ياسنان لولي كان 20 بيضة بشلن ياسلام علي الايام ياسلام

ولقيت علي حين غرة وفجعة واتخضيت وبصيت واسمع منادي ينادي في البشر باتنين ونص وتعالي بص واستك يااستك وتعالي قرب قرب قرب ولا الصين ولا تيوان الرغيف بئا بنص لسان قرب قرب دة طاظة وفريش زي المروحة الفريش من امبارح وحياة اديا جايبة ملهوش يوم ياعنيا اقرب الاقي عيش بيهربوا العيش زي الحشيش ياحلاو ة ياولاد واللي ياخد خمسة علي حشيشة هدية عرفت معني الدماغ برغيف بلدي في امريكا والدول المتقدمة بيقدروا الخمرا والنسوان واحنا بنقدر الحشيش ونضرب النسوان يحيا نانسي وهيفا تعيش تعيش تعيش الاخت روبي حبيبة الطلبه


بضرب بعيني الشمال اللي موازية لايدي الشمال اللي مش باكل بيها طبعا لقيت شاب صغنون قلتلة ياعين امه يااخواتي انتي ياجميله انتي يابيضة واقفة هنا ليه انتي تشتغلي سواقه قالي لالاانا طالب في جاامعه وجاي اخد ورقه اعفا اصلي وحيد ياروحي وحيد اةة معلش بس قولي ورقة اعفاء هما طلبوا مني في دامعه "جامعه" ياورق تاديتي خدمة الطابور يااعفاء نهائي ياعين امه يااخواتي اتصدقي ياطنط بقالي 3 ايام بابا وماما يرنوا عليا مش راضي افتح عليهم لغاية مااخد الورق بنادي المسؤلين انهم يستعجلوا الروتين طنطفي عينك اهو لو اخدت الورق حرقت دمي شباب بايظ


ببص تاني بس المرة دية بعيني اليمين الاقي مظاهرة وهتاف وواحوي ياوحواي وواح وواحوح واح سالت طلعوا دول فرقة القناصة مستنين قذف العيش بس الشمس والارض سخنة فموحواحين والارض سخنة الارض سخنة الارض سخنة الارض سخنة


وانا قاعدة لوحدي وحواليا 29 حرف اسمالله عليهم اصلهم بيتكاثروا ذاتيا وكميا وحركات بئا


اكتشفت اكتشاف ايه بئا مش حقولكم اختشاف من الاخر ان طابور العيش من مصر لاسكندرية لية 7 فوايد زي السفر وقال الناس الجاهلة بتشتكي قال يروحوا يتنيلوا دية الحكومة ياجدع بتحل مشكله العنوسة وبعدين الموووز ودام والبط ورا والوز الصغير في النص وعجبي اللي عايز يختار براحتة وكل المقاسات وتوصل لاكس اكس اكس اكس لارج وبتوصيل للمنازل دليجري ورحنا سالنا بعض الشباب اللي يعيني بيقضي حياته في طابور العيش وسالنا شاب روش روش وكفاءة ايون واقف هنا ليه انا لقيت ناس بتقول نانسي نانسي وشفت نانسي لا شفت مانسي منسي مين دة جارنا واية اللي جابة اصله سمعة تقيل عقبال مجاله الخبر بئا وعجبك حد من البنات لا هو في واحدة معظمها عاجبني يعني ممكن اشغلها دبل فيس الصبح ماما وبليل بابا والعصر اتصرف فيها


وسالنا شاب تقريبا هو انا مش قادرة احدد هو شغال الاتنين تقريبا وسالناة اسمك ايه قال انا شاب فافي وموجود هنا كل يوم من 5

من 5 ل5 ونص وانا ياحبيبي بستناك ترررمتررررم


ليه اصلي اختي اتخطبت وانا لا شفتوا الظلم ظلم ظلم ظلم


وسبناة وروحنا للنص الحلو لوانت قاعد في مدرجات الشمال حيبقوا علي ايدك اليمين ولو انت في مدرجات اليمين حتلاقيهم في النص ولو بتتفرج في التلفزيون اللقاء مش مذاع اصلا


ونقول الووووووووو مين معايا رد كائن مجهول المعالم زي شارع صلاح سالم وقالت انا هايفة بذمتك تقولي والعيش والملح اة يعني حكدب وادي البطاقة لالا طبعا مزوراها طيب بصي صوباعي ايه دة قلتلها مش عارفة تقولي بصي كويس ابص مش شايفة قلتلها ايه قالتلي الواوا مش شيفاها قلتلها اةةةةةةةة قالتلي ابئا انا مين قلتلها هيفا ولقيت مظاهرة من بعيد عايزين نقرا ببص لقيت شورت وفنلة وكاب لالالا مش الفيلم ديه اشباة هدوم المهم خير اللهم اجعلة خير كان احمر لا مشاباحة دة لون والفنله هي مش فنلة اوي يعني هو تقريبا حد بيشد من فوق لغاية ما بقت نص فنله وكاب قلت يافرج الله حريم ايون ح-ر-ي-م انا افتكرت الكلمة انقرضت حرررررررريم احمدك وشكرك يارب جة اليوم ياجدي اللي اشوف الحريم بعنيا مش حكاوي يا جدي طول عمري كان نفسي اشوف الكائن اللي بيسموة حريم


واخيرا وجدت ان الحكومة لها نظرة مبعدية ثلاثية في حل مشكله العنوسة اةة انتوا عايزين الناس تموت بعضيها يوم الخميس يعني والضغط اليومين دول بئا لركب اخذا بحكمة الست روبي ولا دينا بوظت نفسية البنات فالحكومة وجدت هذا الحل واحب اشكر الحكومة واشكر نانسي وهذة الفتاة المجهولة لاني شفت حريم قبل مموت
*********************************************************
رساله من ارض الخيال












بحبك مش حقولها تاني


بحبك وانتي عرفاني


بين عيوني شيفاني


وبين ضلوعي وحشاني






لوابئا كحل تكحل بيهم عيونك


لو ابئا نوم يحضن جفونك

لوابئا حلم يداعب خياللك

لو ابئا كلمه تهمس بيهم اجمل شفايف






بحلم بيكي وانا صاحي

بحلم اة بحلم ونفسي اخدك في احضاني


بحلم اة ونفسي اخدك في احضاني

بحلم بيكي بحلم برموشي تكون سياجي وضلوعي اسراكي


بحلم وبحلم وبحلم ونفسي تبقي حلالي

***************************************************
احلي الافلام
حتكلم عن احلي مشاهد السينما اصلي عقبال عندكم صحفية وناقدة سينمائية وتحت الساهي دواهي يوةةةةةةةةة دة انا اينشتين بس انتوا
اللي مش حاسين ام هند بئا





فيلم اشاعة حب ياخرابي بحبة جدا وخصوصا مشهد لما يلاقوا الجواب ويطلعوا يدوروا في اوضتة وكلهم يتلموا ويقولوا ها ها ويجيب وشهم الوان حموت واعرف ياجدعان لقوا ايه بطلوا قله ادب شيفاكم انا بسال سؤال بريء ولا مشهد بحبك ياسونة بعبدك بموت في هواك اموة اموة




فيلم الساحرة الصغيرة لما رشدي اباظة عرف ان سعاد حسنيمشصغيرة وضربها ........وشربت اللبن وصعبت عليه فباسها





فيلم الزوجة13 مشهد بتاع شادية بتغني في العربيه والمقلب لما رقصوة (اصلا فيلم مسخرة)




فيلم مراتي مدير عام لما صلاح ذو الفقار قال لشادية متجوز سيادة المدير وبشنب كمان والقطة لفلها وجرت




فيلم اضواء المدينة ياةةةةةةةة شاديا واغانيها ولما اتنكرتوراحت الحفلا وغنت لاحمد رمزي ومشهد الفيل لاحمدمظهر




وفيلم شادية مع رشدي اباظة دكتور سنان وهي الممرضة ودكتور حسني حسني دكتور





فيلم العزاب التلاتة لما بيقولوة حتطبخ اية قالهم فراخة قالولة مؤنث يا لوح قالهم امال اطبخ ايه قالولة ديك قالهم اجيب كوسة قالولة مؤنث قالهم وطب لو قلنا ارع قال تمنع الكوسة حتي نتعرف علي جنسها

واغنية ابعد عن الحب وغنيلة ومشهدلما سعادحسني سخسخت وشالوها وفاقت هالووووووووو




فيلم ابن حميدو لما اسماعيل ياسين دخل المطبخ ويلفوا ورا بعضهو وحميدة بحبة يااما اماا اية يا حميدة افتح الباب ياحميدو ويدخل الوحش الكاسر انسان الغاب لا يسلم الشرف الرفيع ياريس حنفي الليانكسر يتصلح





نيجي للرومانسية

فيلم افريكانو لما احمد السقا قال لمني زكي اطلبي كدة اي حاجة قالتلة اي حاجه اي حاجه يعني لو قلتلك تنط قالها لو دة حيخليكي تصدقي اني بحبككككككككك ونط بجد مشهد بحبه جدا

ولا لما دخلت وهو بيرسم علي دراع البت الاسد وقالتله كل دة قالها اصلي اول مرةاشوف عندكم بنات جيبة فوق الركبة وشعر مش كاب وزحافي دكر دكر دخلت تلبس وتتمكيج وفي الاخر طلعت متنرفزة مش غير نفسي قالها شكللك كدة حلو مسيبة شعرك وكياج بس مش تقطعية تصبح علي خير يا بدر ست الحبايب ياضنايا انت استني بحبك اخيرا دوختيني




فيلم عن العشق والهوي مني زكي انا زعلانه من الدنيا يافاطمة زعلانه اوي





تيمور وشفيقة اية الليحصل دة البت غمزتللك انشالله موعي طب انشاءلله ها وتدخل والمفاجاة ويخرجوا يتفسحوا ويارتي السنة دية جبتلي عروسة لبسة فستان ابيض وطرحة كان لية مغزي ولا عادي كدة بحلم يا شفيقة بليوم اللي تلبسيلي فية الفستان والطرحة




فيلم مافيا لما بتدربة علي الثبات الانفعالي وتهزمة وتمشي وتفك شعرها ويقولها خالص كنت فاكر ان اونوثتك اتاثرت طلعت متاثرتش خالص


واخر الفيلم لما قالتلة انا اسمي قالها مش عايز اعرف يا دكتورة مريم




فيلم الباشا تلميذ ليه دة انا اتغيرت علشانك ومشهد هو قاعد وبتغير الهدوم عشان تعجبة




فيلم حرامية في تايلاند

حنان ترك ابراهيم انت اتجوزتني ليه استقرار ولا عيال ولا حب كريم اجابة رقم 3 وانتي استقرار ولا حب ولا طمع حنان طمع اة بشمهندس كهربائي اد الدنيا وعربية المصلحة بتدخلي لاوضة النوم يبئا طمع ولا مش طمع لا كنت فكراة بيحبني

ابراهيم لو حاسس انك اتسرعت ممكن ارجع مصر لدرجادي متمسكة بيا تضحي بيا قومي فين فطين فطين مين هو انتي خارجة مع ابن اختك دة انا جوزك




فيلم حب البنات اشرف عبد الباقي اكتشفت ان اي مشكله سببها الحب يابنحب حد مش بيحبنا يامش عارفين نحب اللي بيحبنا يا بنحب نفسنا.....




فيلم احلام عمرنا مصطفي شعبان محدش بينجرح اوي غير لما يحب اوي




فيلم عمر وسلمي
مي عز الدين قلتللك علي اكتر حاجة بتوجعني وعملتلها انت يادوب تتنسي




تامر حسني سلمي تتجوزيني

عمرو وتهز راسها اهم حاجة يا جدعان الموزة الليفي الفرح اللي اتاكلت انشاءلله يزور يارب

.........

37 comments:

حروف (دلو مرة ثانية وجرح ثاني سابقا) يقول...

اول تعليق محجوز لسيرجووووووووووو

مسدس صغير يقول...

هههههههههههههههه
هقرا واجى بعد سنتين عما البوست يخلص

ستيته حسب الله الحمش يقول...

للللللللللللللللللللا
انا اعترض على سيولة البلوج دي
انا قرأت التاج وفطست فطست فطست ضحك ودموع وشغل
فعلا على رأي السيد مسدس انا ها اقعد طول الليل اكمل في البلوج اللي عامل زي الجنيه الجبس بتاع زمان ومؤكد ها اضحك براحتي للصبح
انتظري عشر تعليقات متتالية متوالية

بحبك قوي يابنت انتي ولازم ناكل بربوني مع بعضيتنا في اول فرصة

مسدس صغير يقول...

حرام عليكى بقالى سنتين بقرا البوست بتاعك ولسه مخلص من خمس ثوانى . ثوانى ها؟؟
المهم بوست هايل هايل . بالنسبة للتاج اشكرك على ان انا من اللى انتى بتحبى تعليقاتهم وتاج هايل وجميل بس عايز شوية مدافع ومسدسات وشطة.. مرورا بقى بالكاريكاتير بتاع مصطفى حسين والطابور اللى اخره فرن نص آلى ..هههههههههههه اما بالنسبة للافلام فخدى عندك فيلم اشاعة حب مثلا احسن مشهد من وجهة نظرى ساعة عبد المنعم ابراهيم ما دخل على عمر الشريف ويوسف وهبى وقال لعمر الشريف : ايوا يا عم مين أدك حبيبة القلب هنا فى اسكندريه دا انا ابيع نص عمريــــ...... ولسه مكملش وكان عادل هيكل واقف بالمسدس وراه يوسف وهبى قاله اتفضل بيع عمرك كله.ههههههههه قام عبد المنعم ابراهيم يقول لعادل هيكل انا كذاب انت تصدق واحد يبيع نص عمره عشان وحده.........؟؟؟
الفيلم التانى بتاع مراتى مدير عام .. توفيق الدقن بيسألوه فى الشركة : هما سموك ابو الخير ليه يا استاذ ابو الخير؟؟؟؟ قال من اعمالى اى والله من اعمالى....هههههههههههه بس خلاص

adel يقول...

وحش وحش وحش وحش وحش

وحش وحش وحش وحش وحش

هههههههههههههههههههه

وحش جدا وحش جدا وحش جدا

و من الامتحانات ما قتل

انا اعرف نمرة دكتور نفساني كويس قوي لحالتك دي

هههههههههههه

s.m يقول...

ههههههههههههه انا اتحجزلى التعليق الاول ودخل تالت واحد المهم طبعا كلامى هيبقة مشكوك فية ومجروح لكن بسم الله ماشاء الله عليكى ياحروف انا دلوقتى عرفت معنى اية كارثة متحركة بجد انتى اية دا يابنتى خدى بالك من كنى بقة سمعت انها اتمسك على القهوة ومعه المشروب الوطنى المصرى ..... مش عارف اعلق لانك تقريبا لمتى كل حاجة حلوة وكتابتيها صعبتى علينا كلنا نرد على بوستك دا اذا كان انا او دهب او اية انما بسم الله ماشاء الله عليكى بجد بوست مميز جداا وعالى اووووووووى خرجتينا من جوا كلنا مش عارفين نخرج منه ومستلسلمين لية

ستيته حسب الله الحمش يقول...

لازم اعرف جيبتي الفولكابري بتاعة مشروب شعبي منين ياقطة؟
ده كلام كبير قوي قوي بس تحفة
انتي بتروحي مع الواد عمرو الزاوية الحمرا ولا إيه؟
ستيته تتسأل وحروف تجيب
لسه لسه عمالة اقرأ ونوافيكم بالتفصيل والجاهز كمان

عاشقه وغلبانه يقول...

ايه ده ياحروف يا ختي
طويل اوي
انا قريت لحد مانويل جوزيه والاهلي وقولت استوب
اجي اقول راي في اللي قريته اصلي هانسي وبعدين اكمل

عموما انتي كتير وحشاني

هابقي اكمل البوست واجي تاني لاني بجد حاليا ماعندي بال اقرا اوي

جايه تاني ياقمر

Soul.o0o.Whisper يقول...

بجد بجد بجد

مش عارفة أقولك ايه؟؟؟




هى التاجات بتأثر أوى كدا؟؟؟

طب أشيلك من قائمة اللى هيتوجه ليهم تاجات بعد كدا و لا ايه؟؟؟





يا بنتى أنا هنجت

طب بصى هآخده دفعات دفعات
و لما هأخلص
إن ربنا أحيانا
هأرجعلك إن شاء الله

هههههههههههههههههههههههه








سلام يــــــــــــــــا
يا طابور العيش

ههههههههههههههه

ادم المصرى يقول...

ياااااااااه تاج طويل اوى دا واصل لحد فان كدا

بس تاج كومدى جدا ههههههههههههههههههههه

جامد اخر حاجه ههههههههههههههههههههههههههههههههه

لا بجد كل مفتكر القهوه والحجات دى افطس من الدحك انتى فقريه جدا

حاسوباتيه يقول...

ههههههههههه انتي عسوله خالص ايه البوست الجامد ده التاج تحفه بالنسبه للكاريكاتير قعدت اضحك ضحك والافلام ده انتي حافظاهم هههههههههه

تحياتي ليكي ياقمر

Soooo يقول...

اقسم بالله العظيم انا نسيت كنت عايز اعلق اقول ايه
!!!!!!!!!!!!1

ايه يابنتي اليوم المفتوح ده؟؟؟؟؟
ليه كده؟؟؟

اه افتكرت
مش عارف افتكرت ايه .. بس اصلا نسيت اللي كنت فاكره
يلا لما افتكر هبقى اقولك




سلاموووووووووووووز

ضد التيار يقول...

أكيييييييييد يعنى مش هكون مختلفة عن الباقى

اييييييييييييييييييييييييييييه البوست القصير ده

يابنتى ماكنتى تطولى شويه .. ده حتى قلة الكلام خطر على الصحة

انتى ماصدقتى تمسكى الكيبورد ولا ايه

حرااااااااااااااااااااااام

انا نسيت انا كنت هعلق اقول ايه

و نسيت اساسا انا كنت مضايقة من ايه فى البوست

هو البوست اساسا بيتكلم عن ايه ؟؟

نسيييييييييييييييييت

حاولى تطولى البوستات اكتر من كده علشان الواحد ماينساش التعليق ((:

لا جبارة بجد انا موت ضحك على ايه مش فاكرة طبعا لان البوست قصير

فالحد ماجيت للتعليق نسيت الصراحة

((:

أسير الجراح يقول...

يااااااااة


اول زيارة اتعب اوى كدة


لكن يلا مش مهم

بجد مدونتك جميلة

وتاج ممكن نقول علية مقبول

لان طريقطة جديدة

واجباتك مناسبة

بس بجد برافو عليكى


اسعدنى مرورى لمدونتك


كل التقدير


اسير الجراح

اسماء واحلام فى وجدانى يقول...

يا واد يا شديد اوى اوى

adel يقول...

بناء علي طلب الجماهير.....هاغير تعليقي اللي فات

حلو ....حلو قوي حلو جدا حلو خالص

لا لا مبحبش اكدب

وحش وحش جدا وحش خالص مالص

هههههههههههههههههههههههههههههه

لا بجد لذيذ ياحروف ......كالعادة يعني

البت المشمشية حلوة بس شقية يقول...

ههههههههههههههههههههههههههه
اه يانفسى
استنى اما اخد نفسى
انا تعبت
الحمدلله وصلت اخيرا لاخر البوست
طب انتى مش هتبقى موجودة تقولمى تتعبينا

عموما البوستات تحفة اخر حاجة يا بت انتى
ومتتاخريش علينا

قلم رصاص يقول...

أول تعليق مكرر
هههههههههههههههه

انا اقترح اننا نقسم هذا البوست الى دويلات صغيرة ههههههههه عشان نقدر نتحكم ونسيطر وندخل الميه والنور الخ الخ ههههه

بوست رائع جدا اختي حروف ،بارك الله في قلمك اللي بيعرف يكتب ده كله

وطبعا مشكورة جدا انك افتكرتيني بكلمة حلوة اكيد مش ناسيهالك ، وهدعيلك يقعدلك في عيالك وعافيتك قادر ياكريم ههههههههههه

بالتوفيق طبعا

تقبلي مروري مع التحية

romansy يقول...

ايه دا كله

ايه دا كله

المفروض مش تكتبى فى المدونه بقى لمده سنه
على ما نخلص جمله البوستات دى

التاج انا قريته

ياريتى مكان الضابط وانا كنت حبستك على اللى انتى بتعمليه فينا دا

MaNoOoSh يقول...

هو صحيح بوست طويل ومتنوع ومتعدد الاتجاهات بس الحمد لله قريييييييييييتة كلة.. ومفيش غير حاجة واحدة مغلبانى
الا هو ايه المشروب الشعبى دة!.. عصير قصب يعنى وللا إيه؟

طوبة ذهب وطوبة فضة يقول...

هههههههههههه ايه يابنتى ده كل ده بوست انا بقالى ساعه عماله اقرا يالا بس عسل والله

Soul.o0o.Whisper يقول...

حروووووووف


أنا جييييييييييييت
و قرأت البوست كله

اه والله
شفتى الانجاز

عشان تعرفى بس معزتك عندى
بصى البوست كله تحفة

بس فعلا فعلا
عقبال ما وصلت للآخر
نسيت هو الاول كان ايه
ههههههههههههههههههه




المهم هتوحشينا خالص
و مش تغيبى اوى
و ابئى طمنينا عليكى






خالص الود يا قمر

Che يقول...

كل ده بوست ....... انا اتشاهدت لما وصلت لاخره .. هقراه تانى عشان اعرف اعلق بمزاج

حنان الشافعي يقول...

حرووووووف
وحشتنيني موت يابنتي
انا قريت التاج وده اول تعليق من الخمسه اللي وعدتك بيهم انا فاكره اهو مش نسيت
اجاباتك حلوه والله ودمك سكر
يابنتي اللي يزعلك يبقي ستين غلطان وبعدين مش تخافي من حد ياماما مين ده اللي يا فندم وياباشا وطااااخ
لالالالالالالالالالالالالالالالالالالالالالالالالالا
انا مش بحب كده
انتي لازم لازم تكوني اقوي من كده
يعني يقولك طاخ
تقوليه بخ
ههههههههههههههههههههه
ده انا بشجعك عالانحراف اهو
اي خدعه
استنيني بعد 6 ايام
نتكلم قريب ان شاء الله

الازهرى يقول...

لا تعليق

ايه لازم تعليق
طيب بذمتك اعلق على ايه
عشر مواضيع كل موضوع لوحده كويس
لكن بدون علاقه باللى بعده او قبله
وطبعا ان تهت بعد الموضع الربع وقمت ناسخهم على صفح خارجية وعازلهم عن بعض علشان اعرف أقرأ بهدوء

المهم يكون الابتعاد لخير وترجعيلنا بالف سلامة
يعنى مش بالف قوى
بصراحة كدة
حاولى تتأخرى هلى قد ما تقدرى

biberss222 يقول...

انتى تدوخى بلد يا شيخه الله يسامحك
انا كنت فاكر ان فيا حاجه غلللط
بس لقيت تلاتين واحد قبلى متكومين
الحمد لله انى عرفت اعلق

عاشقه الرومانسيه يقول...

الله يسامحك قطعتى نفسى
ياااه
كل ده بوست
على راى خالتك ستيته زى الجنيه الجبس بتاع زمان
ايه يابنتى انتى كنتى محوشه الكلام وما صدقتى حد يفتحك فتحتى على الرابع؟

الله يسامحك ياعادل انت وسوووول

يلا كله خير بوست يفوت ولا حد يموت
المهم انك بخير
انا قريته على مراحل على فكره ماقدرتش اواصل بس الحمد لله وصلت للاخر
كل بوست وانتى طيبه

وبعد كده ابقى قسميهم لان كده الزباين هتطفش من المدونه
ههههههههههههه

mahasen saber يقول...

ايه البوست الطوووووووووووووووووووووووويل ده

بس منكرش انى استمعت بالذات بشاديه اصلى بحبها وبحب اى حاجه من ريحتها

من غير عنـــوان يقول...

طبعا دمك زي العسل
موضوع مشوق ومسلي

في الأفلام ... ممتاز
طبعا فيه 50 فيلم كمان ... بس انت جبتي أفلام حاوة وبأحبها كلها

بس فيه كلمة مش بانساها
the only thing to learn is to love and to be loved in return
غالبا مولان روج

وطبعا ما ينفعش مع مجموعة العربي الزوجه 13 ماتنسيش:
آه من حوا
إشاعة حب

أمنياتي

م/ الحسيني لزومي يقول...

اقرأ نص اتفاقية منع تهريب السلاح لغزة
وادعوا الله ان يثبت مصر في عدم التوقيع عليها

م/ الحسيني لزومي يقول...

اقرأ نص اتفاقية منع تهريب السلاح لغزة
وادعوا الله ان يثبت مصر في عدم التوقيع عليها

s.m يقول...

ممممممممممممممممم انا جيت اللعب هنا متدوشيش نفسك معايا ناوى اللعب بعد ملعبت فى مدونة ايوش وبوظتها
.
.
.
.
.
.
.
.
.
.
.
.
.
.
.
. فين البوست الجديد يابنتى

hasona يقول...

السلام عليكم
ايه ده كله ايه ده كله
منك لله
البنزين خلص مني مرتين
وأعطال وكنت هأكسر النظارة علي أساس يكون البوست خلص وأنا مش اخد بالي
وأقعد أكمل تاني
وساعات أبدأ من الاول
وقول رحمتك يا رب
أشوف فيك يوم لا بلاش يوم أسبوع

ولما خلصت خلاص خلصت
ودلوقتي مش قادر أكتب

ومنك لله
أقعد شهر أكل جزر بقي


تحياتي

Heba Sayed يقول...

السلام عليكم

البوست طويل اوى ولا انا متهيالى ؟؟

هى بصراحة المدونة رائعة والبوست رائع

بس نفسى اتقطع فى الرغيف محشو بانجو

اظاهر اتسطلت :D

Lady E يقول...

دول شكلهم 55 بوست فعلا يا حرووووووووف

انا قرأت اتنين ولسه هاجي تاني اكمل باقي البوستات

بجد وحشتييييييييييييييني

Don_Lochy يقول...

البوست طويل بس لذيذ
وعاجبنى انتباهك للكلمات العاليه في السيناريوهات

GHARAM يقول...

طيب بما أني أنا وبلوجاتي حببناك في التدوين تعالي زوري مدونتي الجديده


بجد فرحت لما لقيت نفسي أثرت في الآخرين وخليتهم يحبوا التدوين