ست بهية والدنيا الجديدة

الخميس، 8 يناير 2009

انهردة فرحي يا جدعان وعايز كلة يبئا تمام وحتجوز حتجوز
باختصار انهردةالفرح وحتنقل من لقب عزباء"عانس"الي لقب زوجة نكدية طبعا
وحنبدا الهيصة ونشغل ماتزوقيني ياماما مع اني رايحة الكوافير بس زي بعضة وحلبس الفستان الابيض الباشا العريس قال ايه مش بيحب الفساتين التوبات عايزها ميبقاش تب كفاية تكون بيرتال(حملات يعني بس فرانسية اصلي ثقافتي فرانسية) كدة حكون محترمة وبيغير عليا قوم اية الفستان حيكون مفاجاة وفجعة لية وهو اصلا مش يوم عشان يتخانق فية بس ياجدعان حنفرح ونزقطط وامي تعيط عشان حسيباها بس بينها وبين روحها ما صدقت تخلص مني ممممم الفرح حنعملوة ونقعدوا نلعبوا عروسة وعريس وناكلوا الجتوة مش حخلي حد من المعازيم ياكل دة فرحي انا لوحدي اللي عايز يحضر يجيب اكلة معاة اةةة خلي في ذوق
تاني يوم صباح الخير ياحبيبي كل سنة وانت عريس ممممممموةةة ححضرللك الفطار لالالا انا اللي حضرة انتي الاميرة شفتوا الهنا
دةقبل الجواز

ان ان ان طخ بعدالجواز

محمود انت جيت اةةة ابوسريع احضرللك تطفح

مليش نفس انشالله اعدمك لازم تاكل طيب مش واكل حتي ابئا خلصت منكم

الله الله الله بئا كدة لية انت فاكر مليش اهل طلقني

يوةةةةةةةةةةة نكد نكد كل يوم نكد انا سايبللك البيت وماشي طخ

تقعد تعيط شفتم ابوكم اخرة العشرة والشقا وعايشة خدامة لية ولولادة حيجي ميلاقنيش تروح بيت اهلها امها ياخيبة تسيبلة البيت يا خيبة روحي علي بيتك هو بئا يتصرف مش كفاية معيشك في فقر شفتي اختك ولا بنت خلتك اهه ياماما اةةة حظ بتك وحش من يومي مليش حظ وتندب حظها
وبعد تفكير عميق انا مش عايزة اكون كدة انا انشالله بحلم ان افرح انا وهو ونكون فرحة بعض ويكون التفاهم اساس حياتنا حتي لو اتخانقنا نحل مشاكلنا بين بعض وبتفاهم وعقلانية ومنغير محد يسمع صوتنا ولا ولادنا يعرفوا لازم نكون لبعض السكن والمودة والرحمة ميمنعش اني اكون حبيبتة وعشيقتة واختة واخوة وصاحبة ومراتة وبنتة
نكون اساسنا الصراحة نحكي لبعض لو علي سبيل الفضفضة لية الست لما بتتضايق من جوزها بتفضفض لصحابها لية متفضفضش لجوزها لية مترحش وتحكيلة كانهم اصحاب لية كل واحد ميطلبش من التاني الحاجة اللي عايزها وبتسعدة لية لما الست او الراجل بيضايقوا من بعض بيفتكروا الوحش لية مش بيفتكروا الحلو لية لما تحصل خنااقة واحد فيهم يعتذر حتي لو مش غلطان علي سبيل فتح مجال للكلام يكون كلام هادي فيه رضا وارتياح وحب لية منستخدمش الزكريات الحلوة اللي بين الزوجين بانهم يقعدوا يفكروا بعض بيها ويحاولوا يرجعوها لحياتهم لية بنندم علي اختيارنا للزوجنا او زوجتنا لية منرضاش بلواقع وندور علي اي خيط حلو نكبرة بينا ونبدا من جديد لية منحبش حياتنا وجوزنا او مراتنا
لية اسئلة كتيرة لية نسب الطلاق زادت انا عن نفسي كفاية الدبلة وخاتم والشبكة في الفرح ومش لازم شبكة غالية ممكن شبكة بسيطة او لومينفعش بلاش الشبكة مش حتكون ضامن ساعدتي الاهم انة يكون زوج صالح ويتقي ربنا ويخاف عليا ويحميني ويحتويني يعني يكون راجل مش متنكر وعامل راجل لالالا راجل بكل ما تعنية الجملة من معاني بجد بحلم اني اكون فرحة زوجي ان شاء الله عايزة اكون حلوة واحلي واحدة علشانة عايزاة يكون احسن واحد وانا جمبة عايزة اتعلم كل حاجة عشان اكون بنسبالة كل حاجة نفسي نسافر انا وهو بس في بيتنا يوم اطبخ اكل ياباني يوم اكل اسباني واني اكون كل نساء العالم مش مهم اني ادي حتي لومكنتش باخد كفاية احس بلشكر والامتنان في نظرة عين او احساس مش كل حاجة ليها مقابل يجب ان نتعلم العطاء بدون انتظار مقابل

30 comments:

adel يقول...

هههههههه

تتجوزي ايه بس..... ابقي قابليني لو ده حصل

و اكل اسباني و ياباني .... لما تعرفي تعملي اكل مصري ابقي اعملي الياباني يا ستي

و بعدين المشكلة مش في الرجل لوحده او الست لوحدها ....الغلط بيكون علي الاتنين

يلا مش مهم .... بس الحاجة الوحيدة اللي البوست فاكرني بيها اني جعان و هاقوم اكل

هههههههههههههه

بجد بوست هايل و ربنا يديكي العريس اللي بتحلمي بيه :):)

حروف يقول...

تعالي هنا يابني بتجيب سرتي ليةعند الناس ها وبعدين انا بحل مشكلة الدليفري يعنيانا غلطانةيعني ههههههه قلت اوفر منورني دايما

Empress appy يقول...

امممم انا كتبت فى ده قبل كده بس بطريقه تانيه بوست قديم اسمه عاوزه اتجوز ميكانيكي وبوست اسمه شهر زيت وشهر زعابيب ابقى طلى عليهم كده

adel يقول...

ههههههه ناس مين بس

دي مشمشة ....ههههه

و بعدين دليفري ايه بس .... سيبيني اكل بقي

ههههههههه

عندي مذاكرة و امتحان

Unknown يقول...

ها جواز ايه ووجع قلب ايه انتي لسة صغنونه افرحي بشابك شوية
كلام الناس الكبيرة العواجيز ههههههههه
ربنا يا ستي يوفقك ويكتبلك العريس الي تتمنيه بس يبقى فيه تفاهم
تسدئي شوفت عروسة الناهردة في النادي الي جمبنا صحيح نادي حقير قوي بس أهي عروسة
مودتي

قلم رصاص يقول...

أحلامك جميلة جميلة وبريئة أوي ياحروف
ومن حقك كأي انسان تحلمي حلمك انتي مش حلم حد تاني..وكمان تعبري عنه بالشكل اللي انتي حساه

بجد أحييكي ياحروف على البوست الرائع ده بجد

وعجبني أوي الكلمتين دول موهقتبسهم منك

(عايزة اكون حلوة واحلي واحدة علشانة عايزاة يكون احسن واحد وانا جمبة عايزة اتعلم كل حاجة عشان اكون بنسبالة كل حاجة نفسي نسافر انا وهو بس في بيتنا يوم اطبخ اكل ياباني يوم اكل اسباني واني اكون كل نساء العالم)

خصوصا كلمة (كل نساءالعالم)
هههههههههههههه

حلوة بجد الفكرة عجبتني

بارك الله فيكي أختي الكريمة والله

اتمنى لك التوفيق وان تنالي الزوج الصالح

في حفظ الله

romansy يقول...

يا سلام عليكى
الحب والجواز مفيش احسن منهم
بس لو الزوجين متفاهمين اكيد دا هيكون احسن بكتير
وياسلام لو البنات تفكر باسلوبك
كانت حاجات اتغيرت

غير معرف يقول...

انا دخلت مخصوص لما سمعت في بوفيه واكل , اكتشف انك بتقولي كل واحد يجيب اكله معاه ايه البخل ده مممممممم

طبعا بوست مليانه رومانسيه , مش كله طبعا خاصة الحوار الجميل ده بين الزوج وزوجته .. تطفح واعدمك ههههههههه

اكيد لو كل طرف بيحب التاني فعلا ممكن تجاوز اي خلافات او مشاكل اكيد اتحصل

تحياتي

عاشقه وغلبانه يقول...

بما اني مخي واقف انا فكرتك هاتتجوزي بجد

حاسوباتيه يقول...

كلامك صح طبعا جدا وانا كمان بتمنى احققه ولو كلنا حققناه وعرفنا ازاى نعمله نسب الطلاق اكيد هتقل وكمان هنكون مبسوطين سوا ونعيش سعداء يارب ويارب تعيشي سعيده ويديكي الزوج الصالح بازن الله

حروف يقول...

فارس اخي العزيز ازيك وازي صحتكمبسوطة انك دخلت عندي وكل سنة وانت طيب
دمت بالف خير

Lady E يقول...

ربنا يكرمك ويحققلك احلامك

بجد انتي رومانسية جدا وخيالية جدا جدا ودي حاجة كويسة وان شاء الله الخيال يتحول لحقيقة والعريس يكون بيحب الاكل الياباني والاسباني :)

غير معرف يقول...

طبعا انا معاكي في كل كلام كدة ولو دةحصل المشاكل الزوجيةهتقل قوي
الشئ الوحيد اللي مختلف معاكي فيه ان مراتي تبقي بنتي دي
انا بصراحة عايزاها مراتي وصاحبتي وعشيقتي وصديقتي لكن بنتي لاء بصراحة لاء
انا بتخنق قوي من الستات اللي بتقول لجوزها يا بابا
اندهي له باسمه احسن
كل سنةوانتي طيبة ولك مني كل التحية

arsenalwy يقول...

انا استغربت فى الاول

عانس ايه اللى عندها 20 سنة

وبعد كده فهمت انا ده كان خير اللهم اجعله خير حلم فقولتى اعمله بوست
هههههه

لذيذ البوست

طوبه فضه وطوبه دهب يقول...

الله عليكى احلامك صغنونه اوى وجميله اوى ياررررررررررررررب ينولك الراجل والحبيب والزوج والاخ والاب والصديق اللى بدورى عليه

ستيتة يقول...

خليها بهية وام كلالا لأالعنوان تحفة
انتي فين عملالك شيس كيك في بلوجي من امبارح ومفتقداكي

مسدس صغير يقول...

احسن حاجه فى الدنيا الجواز خاصة اذا كانت الزوجة بتعرف تطبخ لان الطبيخ هو قضية العصر وطالما انتى يا حروف بتطبخى اكل صينى ويابانى والمانى وانجليزى بوعدك ان جوازك هايبقى ان شاء الله عال العال.. تقبلى تحيتى والف مبروك

Soul.o0o.Whisper يقول...

حرووووووووف


بجد البوست رائع رائع رائع ...

أهو دا اللى المفروض يحصل فعلا ،

لكن للأسف مش عندنا ثقافة التحاور و التفاهم ...


كل واحد شايف انه مظلوم ،و إنه عامل اللى عليه و زيادة ...


بجد فعلا ياريت نفكر صح ،
عشان الحياة مش بنعيشها إلا مرة واحدة بس ...


فياريت نعيشها صح ..



خالص ودى

البت المشمشية حلوة بس شقية يقول...

ههههههههه
خلصتى مذاكرة ياختى وجاية تكلمى على الجواز
والله يابت انتى عايزة تضربى
ماشى ياختى يارب تجوز اللى فى بالى ياتتح
يارب تنجح ياتتح
ماشى ياستى هعديها المرادى
وايه الاعلان اللى انتى كتباه فى اول المدونة ده
انتى بتلمى تبرعات ولا ايه

s.m يقول...

انا انشالله بحلم ان افرح انا وهو ونكون فرحة بعض ويكون التفاهم اساس حياتنا حتي لو اتخانقنا نحل مشاكلنا بين بعض وبتفاهم وعقلانية ومنغير محد يسمع صوتنا ولا ولادنا يعرفوا لازم نكون لبعض السكن والمودة والرحمة ميمنعش اني اكون حبيبتة وعشيقتة واختة واخوة وصاحبة ومراتة وبنتة

نكون اساسنا الصراحة نحكي لبعض لو علي سبيل الفضفضة لية الست لما بتتضايق من جوزها بتفضفض لصحابها لية متفضفضش لجوزها لية مترحش وتحكيلة كانهم اصحاب لية كل واحد ميطلبش من التاني الحاجة اللي عايزها وبتسعدة لية اول مرة بجد او وفقك حد على وجهت نظر دون تعليق فعلا بوست مميز ووجهت نظر تحترام اوى وخصوصا لو الطرفين احتراموا بعض وفهموا انها مش خناقة ومين هيكسب انا عاكى بجد حتى لو طرف عارف انه مش غلطان ايةالمانع انه يقول انا اسف لانها مش معنها انكسر ولا تقليل انما دا احترام لشخص المفروض انه هو نبضى فعلا ربنا يوفقك وبوست مميز اوى وهقولك نو كومنت لانك خلاصتى كل الكلام

الازهرى يقول...

بصى يا ستى انتى لازم تغيرى المدونة دى
انا بقالى اسبوع وربنا شاهد بحاول اعلق وكل مرة تعملى مشكلة

المهم نفوتها المرة دى

ليس المهم ان تكونى اجمل نساء الدنيا ولا اغناهن
ولكن المهم ان تتوافقى مع طباعه وهو ايضا ايضا وان تعملا معا على بناء اسرة جميلة تكون لبننة جيدة فى صرح بناء الامة وان تضعوا بصمة مشرفة فى فى تاريخ الوطن


تحياتى دوما
وقبل ما انسى لو عايزة تتعلمى تهدى النفوس روحى عند ضد واقرى

Hanan Elshafey يقول...

جميييييييييييييييل اوي كلامك
بس ياريت كل الناس تعمل كده مش بس البنات
كمان الرجاله
يعني هو كمان يحبك ويكونلك كل حاجه في حياتك بس علي فكره التفاهم احيانا بيكون اهم من الحب
اسلوبك لذيذ
دمتي في رعاية الله

Unknown يقول...

احم احم والله انا قريت البوست وقلت فى حد هيتجوز خير خير وبعدين قريت التعليقات اكتشفت انه حلم رجعت قريت البوست تانى كلمة كلمة ملقيتش اى حاجة تدل على انه حلم خالص هو انا اللى بحلم وللا ايه؟؟؟

s.m يقول...

اتمنى ان دهب تكون اجابت سؤالك وربنا يكون معاكى مش عارف اقولك اية بس ان شاء الله خير بس اول قطة ان شاء الله حاولى تسميها سيرجو علشان الدعاء مش ببلاش هههههههههه خلاص وانا لو شوفت دهب هحاول ابلغها ان شاء الله

وردشان smilyrose يقول...

بجد لو فرح الف مبروك

بس الواد عادل دا مش ناوى يجبها لبر

يابنى احنا بنتنا اساتذة فى الاكل

المصرى وجامدين قوى


ههههههههههههه

مبروووووووووووووووووووك


وعقباااااااااااااااااال

البكااااااااااااااااااارى

مش بيقولها كدا بردة

smilyrose

روح الحب الصادق

mahasen saber يقول...

اظن طالما سيرة جواز
المفروض انسحب انا بئه ههههههههه

ربنا يسعدك الجميع
واهم حاجه اهم حاجه اهم حاجه

الرجاله تتقى ربنا فى الستات
والستات متتنازلش عن حقوقها وبرضه تتقى ربنا فى الرجاله

*^*AL.7aAzZeEnN*^* يقول...

السلام عليكم

كل سنه وانت طيبه و عقبال مليون سنه ههههه

موضوع جميل اووووي و مميز

كلمات ذهبيه و معبره على اشياء كثيره

تحياتي

*************

القلب المنكسر

*****************

دمتي بكل خير و سعاده

*****************

اتمني زيارتك الي مدونتي المتواضعه

*********************

و السلام عليكم و رحمه الله و براكاته

****************
لولولولي عقبالي يارب ههههههههه

s.m يقول...

http://gazasuffering.blogspot.com/

"عبير النجار "نيجار يقول...

بجد مدونتك رائعه
وشرفتيني ونورتيني يزيارتك لمدونتي المتواضعه ،
بس نصيحه بلاش تفكري في الموضوع ده ،
مالها الحريه جميله :)
ولا اقولك اتجوزي يا بنتي بس اختاري كويس ،
وتحياتي ليكي

صمت المشاعر يقول...

جميل اوي البوست يتاعك يا حروف بجد بيدل علي انك انسانه جميله اووي واحلامك بريئه اووي فربنا ياارب يحققلك كل اللي تتمنيه ويرزقك الزوج الصالح والذريه الصالحه