عرسان زمان

الخميس، 10 ديسمبر، 2009



الزواج قديما كان يعتمد علي الخاطبة او اقارب العروسة او اقارب العريس يتوسطون في الموضوع ليوفقوا راسين في الحلال وكانت الناس معمرة 20 سنة زواج و 40 سنة زواج والحياة مستمرةةة الزوج بيرجع من الشغل في الاتوبيس حامل الجرايد في يد والبطيخة في اليد الاخري
ثم ظهر الزواج عن طريق اعلان بلجرايد وكان يسمي بزواج عن طريق المراسلة وكان مرفوضا من جانب ناس كتير ولكن كان مقبول بلنسبة من تخطوا السن المقبول لزواج
الدنيا كانت بسيطة والناس ابسط ياتري اية اللي حصل اياميها كانوا عندهم ضغوط حياة من وجة نظرهم زي فيلم ام العروسة بس الدنيا كانت ماشية وبيروحوا المسرح وبيتثقفوا وبيتعلموا ومتانقين وبيقلدوا الممثلات لدرجة لما تتفرج علي الصور القديمة تحسهم نجوم سنمائيين كان في هند رستم ملكة الاغراء وكان في سعاد حسني فاتن حمامة كانت الستات بتقلدهم وكان الشباب بيقلدوا احمد رمزي يوسف شعبان وتظهر موضة الشعر الكنيش البنطلونات الشيلستون والميني جيب والكل ماشي في اتجاه والكل يتحلي باالاخلاق والمبادئي حتي الحرامي مكنش في سرقة الاحذية من المساجد مكنش لما تحصل حادثة يتسرق التليفون والبطاقة والمحفظة لو بنت اتعاكست بيتلموا عليه الرجاله ويوضبوة ولو حرامي بيضربوةة دلوقتي بيسبوة ويخافوا ليضربهم
صور للعرايس زمان اللي يتشاف في الصور دية الشياكة والاناقة والذوق وانهم كانهم باشوات او نجوم سينمائيين


امثال شعبيه عن الزواج
بعد الصبر وطول العزوبة راح اتجوز كركوبة
اللي فقد حنان امه يروح يدور علي عروسه تلمه
بعد ماتمت الجوازة الخاطبه مابقلهاش عازة
اللي تتجوز حبيبها ياسعدها وطيبها
اللي تتجوز معشوقها طول الزمن يعوقها
اللي تتجوز ديب بيتها من الغابه قريب
خطبوها اتعززت تركوها اتندمت
المغنيه مبسوطة وبتغني والعريس قاعد علي نار مستني
الزواج اولة تدليل واخرة تذليل
الخطاب الف والمتجوز واحد










وعن الطلاق
اللي يطول شرة مع مراتة يتركها ويامن حياتة
اللي مااتوفي من عشيرها الطلاق مصيرها
جوزتها عشان اخلص من بلاها جاتني باربعه وراها
طلق الخايبة لو تاخد شايبة
طليقك لا تردية وعشيقك لا تاخدية
من مات زوجها تكره مكياجها وروجهاا



23 comments:

sookra يقول...

اول تعليق
ههههههههههههههه
شيكولاته شيكولاته
بالزوق بالعافيه هتجيبيها وكمان تكون من سان استيفانو
هههههههههههههه
المهم تغيبى تغيبى وترجعى بحاجه جديده كل مره
ماتغبيش كدا تانى

جمهورية شومبونجو العربية يقول...

لالالا

التانى ونقول الو

حمد له على السلامه

ايه غبتى وقولتى عدولى

ستيته حسب الله الحمش يقول...

بموت في صور ماما وخالاتي وعماتي اللي من العصر ده
وياخسارتنا
لا شفنا فستان عدل
ولا جسم حافظنا عليه
ولا شفنا زمن الخياطين والكاتلوجات الراقية
بصراحة بحب كل شيء في عصرهم

تسلم ايدك

حرروف يقول...

خالتووووووووووو يااااااااااة
وحشاني جداا فوق متصوري
البلوج نور
انا كمان بحب الزمن دة

جمهورية شومبونجو

وصل سؤاللك يا بلدياتي
وفرحت بيه جدااا
شكرا لسؤاللك والله يسلمك

سكرة صديقتي
من عنيا انتي تؤمري مورو كمان لو تحبي

سلمى يقول...

عندك حق والله فى كلامك بس الصراحه بحس بكأبه لما بتفرج على الصور
بس هما ساعتها كانو عارفيين الاصول والادب والاخلاق
مدونتك حلوه اوى
ان شاء الله مش اخر زياره

جمهورية شومبونجو العربية يقول...

الله الله

اقول الزمان يرجع يازمان

الله على حب زمان
وعلى شهامه زمان
وعلى غيرة اهل زمان

الله يرحمك يا ست

سيبك انتى

الامثال دى 10\10

هههههههههه


اه على فكرة الميل شغال زى الفل
حتلاقى على ايدك الشمال وانتى داخله الجمهوريه

تحياتى ليكى ياقمر اسكندريه الدولى

mimi يقول...

علي عكس توقعاتي ، توقعت بوست مصاصة لولي بوم وبونبون سيما

بس بجد ، بوست جديد ، وقوليلي مين في الصور ؟

يعني ممكن يكونوا معارفك ..

هههههههههه والله وحشني رغي زمان معاكي

يلا خللي بالك من نفسك ، منورة المدونة يا سقعانة بررررررررررررر

هههههههههههه

blue-wave يقول...

ههههههههههههههههه
حلوين شوية الأمثال دى
الناس زمان كانت رايقه معندهمش ضغوط زى النهاردة

youssif يقول...

سالي زمان

انا حسميكي كدة ...

عاملة ايه يا بدلياتي ...

الجو دة بحس بيه اوي في فيلم امالعروسة ...

و في قعداتي زمان مع جدتي ...

الحياة كانت بسيطة ...

و لذيذة

و هادية

قبل الموبيل و النت و الأكل السريع و الحياة إللي بقت بتقول بسرعة بسرعة يلا نفسي يلا نفسي ربنا يستر علينا و علي الأجيال الجاية

bos bos يقول...

موضوع جميل جداااااااا

صحيح قول للزمان أرجع يا زمان

:)))))

وردشان smilyrose يقول...

حمدلله على السلامة


غيبة طويلة جدااااااااااا


مقصرة معاكى انا عارفه

بس من يوم ما زعلتى عشان اللقاء

وانا حاسة انك بعدتى عنى

ومش رديت اتقل عليكى

انتى اختى الصغنونة ولازم اتحمل اى شئ

منك حتى لو زعلتى برغم ظروفى اللى انتى

عارفها المهم يارب تكونى بخير يارب

وموضوع جميل جدا

وياعينى على الامثال الللى فى الصميم

مستخلص افندى يقول...

الجواز ده على كده كان بيستمر سبحان الله

الناس دى كانت عاوزه تعيش وبس

انا عن نفسى مش حقبل انى اتجوز بالطريقه دى اخد واحده من صالون او عن طريق خطبه ونتجوز واقشر بقى يا تطلع حمرا يا تطلع قرعه وهى مش بطيخه

انا نفسى فى حب حقيقى يستمر طول العمر وابقى نفسى ومنى عينى انى اعملها كل حاجه واتجوزها وانا حاسس انى حموت من كتر فرحتى ويغمى عليا فى الكوشه :D

لازم اللى اتجوزها يكون بينى وبينها قصه حب كبيره وتكون هى بتحبنى جدآ وانا طبعآ حكون بحبها جدآ

تسلمى يا قمر على التدوين الجامد

مستخلص افندى.

يــوم جــديد يقول...

كانوا نضاف أوي :)
ساعات بيتهيأ لي هنوصل مرحلة إننا هنشوف عروسة في فرحها شعرها منكوش والعريس لابس بنطلون لو ويست

بس قولي لي يا حرووف يا أوختشي
انتي حطيتي ازاي الأغنية اللي في البلوج اللي انتي كاتبة فوقها مزاجي
أنا غلبت أعملها معرفتش

Wanda يقول...

حلو قوى تحليل الزواج امبارح كمليها بالنهاردة و بكرة

صور مين دول ؟؟ حلوين و الاحلى الابتسامة الى من القلب مش تمثيل

اقصوصه يقول...

اكثر مثل عجبني

من مات زوجها

تكره مكياجها وروجها

لوووووووووول

بصراحه الصور تحفه بعد

من وين حصلت عليهم

بس التدوينه كلها ممتعه :)

مطلق يقول...

انت بتخبطي ولا ايه

عيب يا بنتي

thunder يقول...

ههههههههههههههههه
مقارنة حلوة اوى وخصوصا يا حروف الامثال
بس كان نقص مثل تريقة طلعت فوق السطوح هز الهوا كمى كل البنات اتجوزت وانا لسه جامب امى
هههههههههههههههههه
لا والله بج توبك جنان وعاجبنى صور ناس زمان وشيكة الامراء كدا مش دلوقتى الفوتو شوب قتل جمال الصور

الحــ ــزين يقول...

اختيارك بجد بهرنى جدا
وانا شخصيا بحب الصور الابيض واسود
بس احنا زمنا غير الزمن دا
فى كل حاجة
دومتى بكل خير وحب

Timo.. يقول...

الله على زمان وكل حاجة زمان
انا كان نفسي اعيش زمان قوي..
وكل اللي بقدر عليه دلوقت هو اني بحاول اهرب من زمن الالوان واروح للزمن القديم الجميل..
ساعات بحب احول صوري الجديدة للابيض والاسود...اخدت بالي من الموضوع ده الفترة اللي فاتت مع اني باعمله بقالي كتير من غير ما اخد بالي من تكراره..!!

أنصار السنة والسلف الصالح يقول...
أزال أحد مشرفي المدونة هذا التعليق.
Angel يقول...


الله يا حروف ..
بجد مبسوطة أني جيت ع البوست ده لأول مرة (:


أولاً مساء الورد (:
ثانياً بقى أقول رأيي في المدونة كده سريعاً هااااااادية أوي والموسيقى رائعة بجد لأني من عشاقها

ثالثاً البوست ده بقى .. والله كلامك قريب أوي من كلام .. الهدوء والشياكة اللي كانوا فيها والبساطة يااااه صدق من سماه زمن جميل بجد

بس في العصر اللي احنا فيه ده لا الشباب ولا البنات بينجحوا بنسبة كبيرة لا في جواز صالونات وعائلات ولا حتى لما بيعرفوا بعض مش عارفه المشاكل بقت كتيرة اوي بينهم وبتتخلق على اهون سبب الله يعين ويرزقنا باللي يرضاه لينا
قولي آمين (:

ودمتِ بكل ود واحترام

Angel love

فكرة من الزمن ده يقول...

روفيي
ايه الجمال ده يانت انتي
جبتي كمية الامثال دي منين من عند ستوتة اكيد
على الفايس بوك

طلق الخايبة لو تاخد شايبة

حلو

طليقك لا تردية وعشيقك لا تاخدية


طيب ايه السبب



من مات زوجها تكره مكياجها وروجهاا


ههههههه مش كلهم في بيموت جوزها الدنيا بتزهزه بعد ماكنت مضلمة






المغنيه مبسوطة وبتغني والعريس قاعد علي نار مستني


ههههههههه حلو ده عجبني
الزواج اولة تدليل واخرة تذليل


ليه بس حرام عليكي قولي كلمة كويسة

تحياتي ياروفي وحشتينيييييييييييييييييييي

الشاعر الفنان أحمد فتحى فؤاد يقول...

و عايزنا نرجع زى زمان قول للزمان إرجع يا زمان
ده فى كل شىء
زمن الجمال و الحب و السعادة و الخير و التضحيات بكل أسف ولى و راح و مابقاش غير ....
ياللا بقى ربنا يسامح اللى كان السبب

مدونتك رائعة
بوست جميل
سلمت يداك