انا همي همين..........!!!!!!!!!!

الأحد، 21 ديسمبر 2008

وحيدة وحبك معايا
حزينة وقلبك جوايا
الهم همين هم لغيابك
هم لحزن واحساس جوايا
بعيد قريب انت معايا
حبيبي اة لكن روحك اتملت جوايا
انت معايا اة حتي لو مش معايا
دموعي مش راضية تخاصمني
وصوتي مش راضي يكلمني
كل دة لانك واحشني
خوف واقف ودامي وروحي محبوسة
وبتنادي دخلت قصر الاشباح خوف واوهام محصراني
خوفي البعد والفراق دة اكبر قاتل لفرحي
لو حبي يبئا سلاحي ابعد بيه اشباحي
لو حبي يبئا طيري اخد واطير من دنيتي لدنيتك
بنيت قصر من ايام وسنين راح تكون بيني وبينك
حفرت نهر من دموعي لغربتك
بعدك واجعني وقلبي رافض يسمع دقتة
انت سما وانا طير طاير فيها
انت شجرة وانا طير معشش فيها
انت حمايتي من الزمن والدنيا اللي عايشة فيها
انت سندي وقوتي اللي بقف وانا عارفة انك وييايا
في كل لحظة مرت في كل دمعة نزلت في كل مكان بقوللك بحبك
حبك حلم وصحيت علية وانت الفارس اللي بحلم بية
وفي اخر الحكاية بقول وحشتني ياغلي منايا
محتجاللك من يوم ماحبيتك وانهردة محتاجللك اكتر من اي يوم حبيتك
لو اقدر ادخل جواك عشان تدرايني من عيون الناس
لو اقدر اجيللك واترمي بين احضانك واقوللك خليك معايا
انا راضية اتحبس بين رموشك راضية اتاسر بين ضلوعك
لكن مش حرضي انك تسبني في دنية انت مش فيها
حبيبي بين ايدك بحس بالامان واماني اني ابئا معاك
اوعدني حبيبي انك تكون معايا وانك تكون ليا واكون ليك
مش قادرة اقوللك غير ياحبيبي انا ليك
بدعي وبقول يارب اكون فرحت عمرة ويكون فرحة ايامي بية
هل احلم بزمان تاني هل احلم بحب من كوكب انت علية
لماذا اراك نجم في السما قرر ان ينزل الي مدارات الارض
لماذا اراك جبل عالي واهوي ان اكون علي قمتة
لماذا الحب اسعد الاشياء وانت اسعد ايامي
حبيبي كلماتك حضنت قلبي في وقت خوفي
حبيبي قلبي تراقص علي انغام الحانك
عزفت لحن الحب عزفت لحن الشوق وعزفت اعذب الالحان
لكنك لم تسمع عزفي انا فستستمع اجمل الالحان
حبي لك كل يوم مثل الفصول
يوم حبي زي الزهور بكلمة بحبك تروية وتكبر
وفي يوم زي الصيف بكلمة عشق الشمس بتطلع وتغيب
وفي يوم زي الخريف اوراق واشجار بتقع وانت جزر شجر بيتروي بلمطر واخرة ثمرة حبي ليك
وفي يوم زي الشتا مطر وريح يصفر مع كل دقة ومع كل لحظة بقول فيها بحبك


مبقتش بحسب عمري غير لو كنت جمبي والعمر جمبك يا حبيبي مش كفاية يالي انت لما لمست ايدي لمست قلبي معقول اعيش في الدنيا وانت مش معايا اوصف باية احساسي بيك واقوللك اية عنة صوتك دة ايه الله علية ملايكة بيغنوا من قلبي بتكلم ومن قلبي بغني وكل كلمة بقولها قلبي حس بيها حموت بجد لو انت غبت في لحظة عني ومش حعيش في الدنيا دية غير وانت فيها

15 comments:

adel يقول...

wow

فعلا جامدة....بس ايه المشاعر ديه كلها

يا بخته.....اللي مكتوبله الكلام ده كله

اصلك متقوليليش الوحي نزل و كتب الكلام ده لنفسك :):)

بس بجد عشرة علي عشرة

عادل
http://elbald-dy.blogspot.com/

adel يقول...

نا مش بحسد والله
ربنا يزيدك يارب :):)

هو حد طايل ....و بالذات لو هيتكتبله الكلام اللي انتي كتبه ده

حروف يقول...

انا عارفة ياعادل انة مشد حسد والله ربنا يخليك وكويس ان الكلام عجبك

adel يقول...

اوك انا دلوقتي بقراها فعلا

و انا في اداب عين شمس قسم حضارة اوروبية بقالي كتير قوي و اخيرا في رابعة

و انا برضه عندي امتحانات :):)

حاسوباتيه يقول...

جميله جمييييييييييييله ربنا يوفقكم يارب ويسعدكم ويجمع بينكم

عاشقه وغلبانه يقول...

ده مش حسد ده قر
هههههههههههههههههه
ازيك ياجميل
دايما كلماتك معبره واسلوبك هادي اوي ورومانسي اوي
نفسي اتعلم اكتب زيك كده
ربنا يكرمك ويوفقك

الفارس الملثم يقول...

جميله اوي المشاعر والاحاسيس دي , وعلي راي عادل يابخته اللي الكلام ده ليه , ربنا يسعدكم ببعض يارب

تحياتي

قلم رصاص يقول...

كلمات جميلة جدا ومعبره

اتمنى لك الاستمرارية دوام التوفيق

تقبلي مروري مع التحية

غير معرف يقول...

اهو ياستي انا جيت ونورتك
وانا طبا طبعا طبعا ماقدرش على زعلك مني ابدا
لكن صدقيني الفترة دي انا مشغول حبتين بحاجات حلوة يارب تتم
ارجوانك ماتزعليش مني
طبعا القصيدة حلوةوفيهااحساس صادق وعلى رأي عادل يا بخته بكل الحب دة
بس انا ليا ملحوظة طالما انتي قررتي تكتب عامي ماينفعش ندخل فيها فصحي كدة زي
لماذا اراك نجم في السما قرر ان ينزل الي مدارات الارض
لماذا اراك جبل عالي واهوي ان اكون علي قمتة
لماذا الحب اسعد الاشياء وانت اسعد ايامي
مادم قررنا نكتب عامي نمشيها كلها عامي عشان السياق يكون كله ماشي مع بعض
ارجوانك تتقبلي رأيي ولك مني كل التحيةوالود

غير معرف يقول...

تعليق ثاني
بالنسبة للأستطلاع الرأي
فدة على حسب العلاقة هي وصلت بينهم لحد ايه وهي لسة بتحبه وبتفكر فيه ولا
لاء
لونسيته ومافيش في قلبهادلوقتي حد غيري
يبقي خلاص هكمل لكن لو هولسةفي دماغها ولو 1% مش هرضي
اللي هرتبط بيها لازم مايكونش حد في قلبها ولا دماغها غيري انا وبس

مسدس صغير يقول...

كلمات اقل ما يقال عنها انها معبرةاسف ع التأخير فى التعليق النت كان فاصل فى دولتنا المتقدمه هههههههه اشكرك على الكلمات الرائعة وتقبلى مرورى

Soul.o0o.Whisper يقول...

حروف ...

و هى حروف تشابكت ،
لتضحى كلمات ...

فتشابكت الكلمات ،
لتضحى جملا ....

و أحاسيس و مشاعر ضلت الطريق ،
أخدت تبحث عن قلمك ...

و عند سن القلم ،
تقابلت الجمل و الاحاسيس ،
ليكتب القلم لحن وصالهما ....

:)


أسعدتنى زيارتك ،
و أتمنى أن تتكرر ...




دمتى و دام قلمك ..

أحمد (زوج مخنوق ). يقول...

كلمات رقيقة
و اسلوب متميز
ربنا ييسرلكم الخير مع بعض و يجمعكم على خير

تحياتي

كفايـة طيبـة يقول...

الموسيقي اللى انتى حطاها جلوة اوى بجد :)

ماشاء الله :)

ربنا يسعدك :)

غير معرف يقول...

i agree your idea ! very nice blog