كلمات حزينة

الأحد، 21 ديسمبر، 2008

وسط دموع والم


ورعشة خوف بتهز الجسد

عقل شارد ودنيا فانية وحسد

من العين رقيت وسميت ودعيت

وكل دة ولا كان حاجز ولا سند

ايام مرت وبتمر عليا وانا وسط الهدد

حزن ماليني وجرح وانا هنا لوحدي بين البشر

في عز حزني ضحكت وبكيت وفي عز فرحي دعيت وصليت

دة الحزن ايامة كتيرة في عمري والفرح ايام معدودة وبتعدي

جوايا صرخة مظلوم جوايا صرخة حزين جوايا بلد ومدن بتعلي صوتها وتقول كفاية

هو انا لية وعملت ايه واخترتوني ليه

ياريت ما كنت انا ولا كنت هنا

رفعت ايدي لسما وبكيت وقلت يارب اجعلني سبب للحق

حقي ضايع وتايهة بين البشر ناس ماشية وبتدوس علية واتاريني واقفة

ومدارية ليدوسوا عليا راحت الكرامة راحت عزة الرجال راح الحق وضاع المظلوم بين العباد

انا مش عايزة ملايكة علي الارض ولا عايزة حد يجيب حق انا عايزة بشر يعبدوا الرب

ميضيعوش حق ولا يجوا علي حق حد

بنادي ومحدش سامعني بصوتي بغني تراتيم وايات قران وانجيل وتوراة

ابعت رسالتي لمين غير الالة هو سامعني وصوتي واصلة وراح يجيب حقي

افتكرت قصة فلسطين وناس نادت وقالت سلام وقوات لحفظة والاله هو صاحب السلام

ياالهي فك ضيقت قلبي وحزنة ومتخليش دموعي تخني وتنزل من بين عيوني قويني واجعل قلبي مليان بديني

(اسفة لو مش بعلق علي صحابي اللي بيسيبولي تعليقات عندي بس والله ظروف ياريت محدش يزعل انا بدخل علي اغلبيتهم واسيبلهم تعليق في مدونتهم)

10 comments:

hasona يقول...

dl;k

حروف (دلو مرة ثانية وجرح ثاني سابقا) يقول...

مش عارفة معناة ايه بس انا مش بعرف اجي عندك

hasona يقول...

نقدر نقول انك بتتوجه بالرسلة دي الي الزعيم (اللي بالي بالك) طبعا
مش عايز أوديك في داهية ولا حاجة
،،،،
كنت قريت الكلام ده((ايام مرت وبتمر عليا وانا وسط الهدد)) قولت ياربي ايه اللي خلاها تروح الهند ،وبعدين لاحظت انها مش الهند - انما هدد ،، العتب علي النظر بقي
،،،
مش عايز ملايكة عايز بشر يملئ قلوبهم الخير
ويفيض منها الحب ،، يغمر الكون
يتسامح كل من له مظلمة
-،،،
كلمات طيبة - موجة الي كل صاحب ومكان مهم - لن يدوم لك بقدر ما سيدوم حب الله وحب البشر

تحياتي لك

حروف (دلو مرة ثانية وجرح ثاني سابقا) يقول...

هو مين اللي مصر يكتبك ....... وانت اصلا ...... انا مش فاهمة حاجة ؟؟؟

حروف (دلو مرة ثانية وجرح ثاني سابقا) يقول...

اوكي علي فكرة يمكن تكون انت فهمت اني بتكلم عن اللي بالي باللك بس الواقع اني بتكلم عن مشكلة انا فيها ومسلمين معاملتهم زي اليهود عشان كدة انا كاتبة توراة وانجيل وقران ناس بتكدب وتغش وتضيع حق ناس وكدةومشكلة اللي احنا فيها لو اتعرضت حيقولوا نجيب قوات حفظ سلام لحماية المنطقة لان ببساطة المشكلة مع جيران ساكنين في الشقة اللي قصدانا واللي تحتنا لانهم اخوات دعواتك مشكلتي شبهة مشكلة البت المشمشية لو انت قريتها قبل كدة
منورني دايما

adel يقول...

كلامك مستردش عليه الا بالرائع

بجد تحفة
-----

بنادي ومحدش سامعني بصوتي بغني تراتيم وايات قران وانجيل وتوراة

ابعت رسالتي لمين غير الالة هو سامعني وصوتي واصلة وراح يجيب حقي

مفيش كلام بعد كده



عادل
http://elbald-dy.blogspot.com/

حاسوباتيه يقول...

كلماتك جميله قوي وفعلا اسؤ احساس هو الظلم

costume jewelry يقول...

cool blog

materials يقول...

vintage dior
christian dior bag
dior bag
dior handbag
dior handbags

غير معرف يقول...

أشكركم على جعل محاولة صادقة للحديث عن هذا الأمر. اشعر انني قوي جدا حول هذا الموضوع ، وأود أن أقرأ المزيد. اذا كان حسنا ، كما يمكنك تحقيق المزيد من الحكمة واسعة النطاق ، قد الاعتبار بما في ذلك المواد الإضافية مشابهة لهذه واحدة مع معلومات إضافية؟ وسوف يكون من المفيد للغاية ومفيدة بالنسبة لي وأصدقائي.