تحديث ..........بوست اضطراراي

الجمعة، 11 سبتمبر 2009



 امممممممممم سامعه ناس بتقول اختلاف ومشاكل وزعل 
غريبة؟؟؟؟؟؟؟؟؟؟؟؟؟؟؟؟؟ ياريت حد يفهمني
هو في حاجة من ورايا ولا اية
ياجماعه حبايبي الحلوين كل سنة وانتم طيبين وانهردة مع حكاية ماما فضيلة ههههههههه
انا كاتبة اللي يناسبة اي من الميعادين مفيش مشكلةةةةةةةةةةة!!!!!!!!!!!!!!!
هو محدش قراها ولا اية


اللقاء دة سو فريندلي لاصحابي المقربين وسو برايفت 
عادل
فاتيما
همس الاحباب 
اللي مناسبة اي ميعاد فيهم يروحوا اية وجة المشكلةةةةة


حنين 
اديني عملاكم دعايا واعلان عندي اي خدمة


هند
كنت عملهاللك مفاجاة يابنتي وكنت بحاول اتصل بصاحبك كمان عشان يجوا وبرتب للموضوع دة من فترة وانا وولاء مشتركين في هذا الموضوع بتساعدني من وراكي ههههههههه


 فاتيما
ممتي العزيزة مين قال اني مش جاية لقاء بتاع يوم 10-10

؟؟؟؟؟؟؟هذة اشاعه مغرضة ونشهد علي ذللك هههههههه

بلنسبة لترتيبات بالاميلات انا معرفش عنها حاجة وبلنسبة للقاء اللي انا بقول عليه دة يوم الجمعه اول جمعه بعد العيد
وحشاني بردوا ههههه
لقد قضي الامر الذي فيه تستفتيان 
اصلي بحب السادات


السلام عليكم ورحمة الله وبركاتة
كنا اتفقنا اننا ننزل بوست بتفاصيل لاحقا بعد تحديد ونرسي علي بر شوية يقولوا هنا شوية يقولوا هناك
فكرة اللقاء قايمة ان اتنين من مدونين هند وعزة
وقتهم ضيق لان اجازة هند اسبوع وجاية من قطر وعزة مسافرة السعودية فلي حاكمني الوقت
وضيق اوي بلنسبالي دة لقاء اصدقاء ناس نفسي اشوفهم واخلي العالم الافتراضي لواقع
ناس صحابتهم واعتبرتهم اخواتي بجد اتمني اشوفهم او ناس اتحكالي عنهم ومعرفهمش ناس شيفاهم احسن كتير من اصدقاء ليا علي ارض الواقع اول ما بحتاجهم الاقيهم ومنهم هند وعزة وكان نفسي افرحهم وابسطهم قبل ميسافروا تاني
هو دة الهدف من اللقاء وهدف تاني كان جوايا اني انبسط وسط اللي بحبهم
بس اكتشفت ان في لقاء تاني 10-10
فانا بحب اقول ان في نهاية الهدف واحد واللي يناسبه اي ميعاد فيهم مفيش مشكلة وانا حكون مبسوطة اني اشوفكم
انا حبيت اوضح السبب وبلنسبة لتفاصيل فهو اخر قرار ان اللقاء في نادي المهندسين في سابا باشا ان شاء الله
وبفكر اجيب كورة وانا جاية ههههههه ومثاثات
ياريت اللي جي يقول انة جي عشان اعرف بظبط العدد
التوقيت اكيد حيكون الصبح علي 10 ونص كدة وتصلوا عندنا
وبنحبوكم اوي تعالو زرونا باي باي
بلمناسبة الدراسة اتاجلت واحتمال تتاجل تاني بسبب انفلونزا الخنازير ربنا يشفي مرضانا ومرضي المسلمين

16 comments:

Kiara يقول...

وحشانى يابت

ايه دا هما لقائين عاااااااااااااااااا

ميمى واحمد يقول...

ان شاء الله يكون لقاء طيب

ويوم سعيد باذن الله

adel يقول...

مممممم
حلو حلو حلو
بس احنا بتوع القاهرة اللي هنتبهدل بينكم ياجماعة كده
انا اجي انهي طيب ؟؟

فاتيما يقول...

حروف
ازيك يا حبيبتى و كل سنة و إنتى طيبة
و أنا عاتبة عليكى
لأن المفروض إنتوا يا جماعة
مدونى إسكندرية الماريا تكونوا متفقين سوا و مركزين ف معاد واحد زى ما عادل قال
عاوزة أقولك إن ممكن بل اكيد إنتى معادك كان احق بالدراسة و التركيز قبل معاد دودو و حنين القلب
بس إنتى مخدتيش بالك إن الناس كلها هتكون خارجة من عيد و مصاريف و فيه صعوبة بل تقريباً إستحالة إنهم ييجوا معاد زى دا
أنا مثلا عاوزة أجى أشوفكم جداااااااا
بس رابع يوم العيد دا هكون مرابطة ف البيت لعل و عسى يوسف ييجى فى أى يوم فيهم
و كمان هكون لسه مقبضتش مرتبى
و بالتالى معنديش ميزانية للسفر و ما يتبعه من التزامات خالص
ممكن حل يتدبر و أستلف من ماما مجراش حاجة بس فيه ناس تانية متقدرش تعمل الحكاية دى و بالتالى ممكن قوى ناس كتيييييير متجيش ..
ثانياً إنتى مقولتيش إن هنودة جاية
و إنها ف مصر أساساًُ لأن دى معلومة مهمة و اخشى إن عدم مجييى يتفسر إنه تجاهل ليها او عدم اهتمام و لا حاجة
ثالثاً دودو و حنين قبل ما يرتبوا المعاد بعتوا ايميلات يسألوا الناس القاهريين عن التوقيت المناسب
و انا من الناس اللى وافقت على المعاد و صحيح كنت طبعا اتمنى يوم جمعة عشان السبت اريح من المشوار المرهق لكن مفيش مشكلة و مجراش حاجة مفرقتش قوى يوم من التانى
القصد من كل الرغى دا
مش عاوزكى تزعلى منى
و لا من حد خالص يا حروف
المعاد بتاع 10/10 أنسبلى و لهذا مش هقدر آجى المعاد بتاعكم مع إن كان نفسى اشوف هنودة قوى و اشوفك طبعا
بس اتمنى إنك تيجى المعاد بتاعنا و أشوفك يا حرووووف
ممكن ؟

حنين القلب يقول...

السلام عليكم ورحمه الله وبركاته

ازيك يا حروف وحشانى والله
ايه الموضوع احنا طبعا استحاله نزعل من بعض ولا فيه اى سبب للزعل ولا ايه؟؟

انتى عملتى لقاء عادى واننا نعمل برضه عادى اختلاف اللقاءات لا تفسد للود قضيه
ههههههههههههههههههههههه

واحنا نتمنى والله انك تنورينا لقاءنا واشوفك ويا ريت كمان توصلى سلامى لهنوده لانها وحشانى بجد

thunder يقول...

ميمي وأحمدو ثاندر .......
ان شاء الله يكون لقاء طيب

ويوم سعيد باذن الله

Hannoda يقول...

اييييييييه دااااااا

ايه المفاجأة دي.. والله فرحتيني جدددا يا سالي و فرحت اني حاشوف عزة كمان قوي
دودو كلمتني عن لقاء 10 10 وللأسف حاكون سافرت .. العودة بتاعتي حاتكون يوم 7 .. بس حابذل كل وسعي اني أحجز متأخر عشان أحضر كمان لقاء عشاقة الرومانسية و حنين القلب

مش ممكن الفرحة الل حاسة بيها دلوقتي لما لقيتك كل ده بتخططي و انا ولا حاسة بالدنيا
وكمان البوست من امبارح و ما أشوفهموش غير دلوقتي!!!

اتمنى ياااارب يكون لقاء جميل نسعد بيه جميعا ان شاء الله
وادعولي اعرف ااخر الحجز
انا لسة مش في مصر يا فاتيما حاوصل يوم السبت بالليل باذن الله

وربنا ما يجيبش زعل
الحمد لله كل اللي بيتعمل مبرره الحب و الحب مايجيش وراه غير الحب
وعمري ما أزعل منك يا فاتيما و لا أفسر اي تصرف منك اي تفسير غير زي ما هو طالع منك بالضبببط لان الحمد لله التواصل بينا عميق و قوي

تسلميلي يا سالي يااااارب
ويارب يسعد قلبك زي ما فرحتيني دلوقتي بالمفاجأة الروعة دي

والله انت حد جميل قوي..

mahasen saber يقول...

طب ما تتفقوا يا حروف مع بعض وطالما الدراسه اتأجلت تخلوا لقاء اسكندريه كله فى يوم واحد
وبكدا ممكن نعرف نحضر احنا كمان

وتكونوا عملتوا فينا معروف كبير

الازهرى يقول...

ممكن الكلام من الاول وبالعربى
هى المشكله عندى مش مشكله مين لان الكل اخواتى
لكن امتى دى عامل مهم بالنسبه لظروف الشغل وخاصه انى مضغوط اسباب معينه

باذن الله هاحاول وابلغكم اى الميعادين اقرب لظروفى
لكن باذن الله اكون موجود

همس الاحباب يقول...

ربنا يوفقكم جميعا
وانا متفق مع راى فاتيما
وخصوصا انى عندى شغل فى العيد وبعد العيد كماااااان نظرا لظروف الجمعية العمومية
وانا وضحت وجهة نظرى ليكى وكان نفسنا نشوف هنودة طبعا وان شاء الله السفر يتاجل ونشوفها
وعلى اى حال قدر الله وماشاء فعل
تحياتى

youssuf يقول...

احم ...

السلام عليكم ...

و الله ما فاهم حاجة ...

هو لقاء خاص و لا لقاء عام لمدوني اسكندرية ...

و لو لقاء عام المعاد امتي و لو لقاء خاص بعتذر علي التطفل ( وش واحد لابس نظارة شمس و مكسوف )

أسير الجراح يقول...

السلام عليكم

كل سنة وانتى طيبة

ورمضان كريم مع انها متاخرة لكن غظب عنى والله لان كان فى اسباب كتيرة مكنتش بفتح بسببها المدونة

عموما يارب يجمعكم على الف خير

لو اول جمعة بعد العيد

انا اكيد موجود معاكم ان شاء الله

وكل سنة وحضرتك بخير

واسف للتاخير مرة تانية

اسير الجراح

(احمد سكر ) يقول...

السلام عليكم

بأذن الله اكون معاكم

بس عندى اقتراح ياريت تدرسوه

بس اعرف هنوده حاجزا على اى طائرات

مصر للطيران او اى شركه تانى

لو مصر للطيران

ان شاء الله ااقدر ااجلك الحجز

لانى بشتغل فى مصر للطيران

ولو دا حصل واجلتى سفرك

يبقى نضبط على يوم واحد يتجمع فيه الجميع

وسواء لفاء او اتنين

انا معاكم ان شاء الله

لانى وعدتك انى هاجى يا سالى

بس لو نفع الاقتراح اللى اقترحته طبعا هيكون اريح ليا

لانى بردو هحضر اللقاء التانى

منتظر ايميل تعرفينى هنوده حاجزا على اى طيران

او تاكيد من هنوده

وكل سنه وانتى طيبه

احمد

Hannoda يقول...

لو تسمحيلي يا حروف اني استخدم تعليقاتك عشان ارد على أحمد سكر

أحمد سكر

للأسف طيارتي مش على مصر للطيران انما على البحرين للطيران

بس دامايمنعش اني اول ما أوصل مصر باذن الله حادور على امكانية التأجيل من من الناحية المادية و من الناحية العائلية كمان
:)
يهمني جددا اني أحضر اي لقاء ممكن يتعمل لاني محرومة من ده طول السنة
ربنا يعمل اللي فيه الخير

اشكرك بشدة على اهتمامك و سعيدة جدا اني حاتعرف على حضرتك لاني اعرك من إخوة مدونين كتير ويشرفني التعرف عليك

فشكووول يقول...

السلام عليكم حروف

تحياتى

الميعادين الاتنين صعب جدا لكن انا مش قادر اخد قرار الا قبلها بيوم او اتنين سواء يوم 10/10 او يوم الجمعه خصوصا وان اسكندريه بعيده قوى عن المنوفيه. وربنا يعمل اللى فيه الخير عشان نفسى اشوف كل الولاد الحلوين ولادى المدونين وخصوصا بتوع الاسكندريه

تحياتى

تحياتى حروف

ميمى واحمد يقول...

اللي عيد ميلاده في شهر سبتمبر يقول :
أناااااااااااااااااا

أو يعرف حد مننا عيد ميلاده في سبتمبر


ويكتب يوم كام في شهر سبتمبر




هنا حفلة كبيرة جدااااااااااااااا