بلياتشو وماشي علي ايدة(((((((((تنوية عن اللقاء)))))))))))

الاثنين، 7 سبتمبر 2009




بلياتشو وماشي علي ايدة
وناس رايحة جاية
وتاكسي اصفر ولا بيهدي
وتروماي ابو دورين معدي

سوق الجمعه
رحت لقيته
شوية المونيا
وتروماي عدا
وذكري لكل واحد سابها


كان في راجل بينادي
روبابيكيا
ساكسونيا
الومنيا او بلاستيك


افتكرت البلياتشو ماشي ولا هامة
شوية علي ايدة
وشوية فاكر همة
وشوية بيبص في كمة


شوية بيضحك
وشوية كدة وشوية كدة
مع انة مجروح وقلبة موجوع
بس ماشي وبيقول

انا البلياتشو
شكلي كدة
ماشي كدة
ولا حد هامة


ماشي بيقول انا مش ساحر
انا مش ارجوز
انا في السرك دوري معروف
زي زي الكوز
لو قلبتة علي قفاة يطبل
ولو قلبتة علي وشة يهلل
واف اف اف


بضحك وقلبي مطروب
وانا اسمي معروف
انا البلياتشو

شوية صناديق للبيع

للبيع صندوق
فتحتة لقيته صندوق جوة صندوق
فتحتة لقيته جواة فضا
وشوية ورق
فتحتة لقيت مرسوم قلوب وعنقود
عنب


مسكتة لقيته هوا
اتاريها مدينة من هوا

فتحت الباب
لقيت بيوت من ازاز
من غير ناس
ولقيت انوار زي الماس
كل الالوان بلون الازاز


من غير روح من غير طعم
سالت وعرفت ان دة اللي جاي من الايام
والناس هجت سافرت
عشان زهقت واتخنقت


رجعت
سمعت
البلياتشو
بيدندن بيغني
من غير الناس
انا مش ونسان

28 comments:

الازهرى يقول...

هييييييييييييييييه
أول تعليق

الازهرى يقول...

وكمان التانى

الازهرى يقول...

والتالت بالمره

الازهرى يقول...

ويا بخت من زار وخفف
كفايه كده

الازهرى يقول...

من غير روح من غير طعم

ياااااااه
يا حروف تعرفى انى كتبت حاجه كده برض عن البلياتشو من فترة كده
بس فى لحظة غضب
مش عارف هاقدر انشرها والا لأ

بس صدقينى البلياتشو ده حكايه كبييييييييييييييره جدا

بس مين يفهمه ؟

الازهرى يقول...

سلام بقى

عاشقه الرومانسيه يقول...

بقينا كلنا بنلعب دور البلياتشو
نضحك الناس ونضحك معاهم على نفسنا
وقلبنا بيبكى

ايوشة يقول...

احجز تعليق وبعدين اروح اقرا

ايوشة يقول...

ايه يابنتى مالك هى الحزن بقى سمة عند كل الناس ولا ايه قلبت علينا المواجع ياسالى تسلم ايديك جميلها ومعانيها حزينة جدا:(

قلب ارهقته الاحلام يقول...

كلنابلياتشو ...

دايما بنرسم ضحكة كدابة وندراي وراها أكبر دموعنا

ياريت بأة نسيب السرك ال أحنا فيه ده ونمشي بسرعه

تعبنا من التمثيل ياساسو ولا ايه :D

thunder يقول...

صانع السعادة
هو الوحيد اللى بيملك دمعة الجزن ظاهرة لكن قدامه غصب تضحكى
اتمنى نفهم صح دورة مش زمبى الناس تشيل همومنا ولا نفرض عليهم حزن


لكن الغريبة يا حروف ان بقالك فترة بجد اسلوب فىالمتابة اتغير اووووووووى
ودا غلط ماكد طالع ليكى مخ ومش عارف دا منين
ههههههههههههههههه
لكن الاغرب انه فى كل حاجة مرتبط فى كل كلمه عن روح اسكندرية
وخصوصا عن التروماى وسوق الجمعة
دا بيقول انك مرتبطة بمكان اووى عاملة زى حلقة السمك قصدى زى السمك صعب اوى يخرج برة ماية
على العموم بوست بجد فى كلام كتير اووووى
وجميل جدا بهنئك عليه
دمتِ يارب بكل حب و ود وفى رعاية وحفظ الله
دائماااااااااااااااااااااااا

بسمة انور يقول...

سالى حبيبتى
ازيك وحشتينى جدا

كلماتك جميله اوى والوبك اجمل طبعا ده العادى بتاعك ((يلا جبر الخواطر على الله))ههههههههه

بالنوسبة للكلام بقى والدنيا اللى عايزة ارغى معاكى فيها بقى سيبيلى ميلك عندى انا عامله اشراف
خلينا نرغى بقى

مستنياك ياسكرايه

شمس النهار يقول...

ازيك
كل سنه وانت طيبه

الكلام لطيف واغلبه يقطر الم
بس اخر سطر مش عارفه مكتوب غلط والا ايه
والا انا مش فهماه
بس اللي انا فهماه
ان في حاله من الحزن عميقه جدا في الكلام

blue-wave يقول...

بجد
عجبتنى اوى الكلمات دى
تحياتى

MY FATE يقول...

حلو قوي
طول عمري مقتنعة ان البلياتشو شكله مخيف
أعتقد لو شفته هاخاف
تحسي أن جواه كتير مستخبي تحت شوية صبغات وضحكة ثابتة
يمكن عشان الحزن بيدي للواحد انطباع أنه مهم وشاف كتير ومحترم كده :D لكن الضحكة بتخوف
الله أعلم

ميمى واحمد يقول...

ازيك يا حروووووووووف

كل سنة وانتى طيبة

Unknown يقول...

اعملوا حسابى فى اللقاء لو سمحت
انا من اسكندرية
:-)

ميمى واحمد يقول...

بالنسبة للقاء أي أراء في التعليقات هنكتبها في البوست عندنا في المدونة

ويارب دايما إيد واحدة

ونتجمع كلنا علي خير

كل سنة وأنتي طيبة وبخير

Unknown يقول...

مفيش ايميل يا حروووف
فى البروفيل

بصى حتلاقى اميلى فى البروفيل
ابقى خذيه
و ابعتيلى

وردشان smilyrose يقول...

السلام عليكم

انسان بيرسم بسمة على كل الوجوه

وهو عايش بدمعه ملية العيون

شغلته انه يفرح كل الحضور بس يا ترى

مين يفرح قلبه الحزين

والناس تقول دا بليتشو

ودايما فرحان سعيد

واتارى جواها حز والم ملهمش مثيل

غير معرف يقول...

أيييييييييييييييييييييية دة بجد!!! مكنتش اعرف انك فنانه بالشكل دة!! سحرتينى بكل حاجة هنا ووجعتنينى بلباليتشو اوى
احيكى بجد
عوووووووو

دون كيشوت يقول...

الدنيا دي فيها كام بلياتشو

mimi يقول...

طبعا ... نبقي اصحاب جدا إن شاء الله ... مره سألت عنك قالولي " حد ميعرفش حرووووف"

تشرفني صداقتك جدا

أهلا بيكي في حضن ميمي

اقدم عاصمه فى الحب يقول...

السلام عليكم

.
.
.

ايه الدنيا اللى انا روحت فيها دى
الكلام عاجبنى كتييير
انا مش هعلق دلوقت لازم اشوفه تانى علشان اقدر اوفى حتى نص الاعجاب بيه
.
.
ثوانى وراجع
:)

اقدم عاصمه فى الحب يقول...

بيب

بيب

الله ينور على حضرتك الكلام عجبنى اوى
جواه حكايات كتير مثيره وكلام بين السطور
تسلم ايدك من الاخر يعنى
.
كل سنه وحضرتك بخير :)

مدحت محمد يقول...

ربنا ميجعلناش بلياتشوهات ابدا

mahasen saber يقول...

حلو قوى الشعر اليى حسسنا بالبياتشو وحياته ده

رمضان كريم عليكى وعلى كل من تحبين يا حروف
ايام مباركه على الجميع

شمس النهار يقول...

ازيك
طبعا يشرفني نكون اصحاب والميل علي باب المدونه

shams_elnahar@live.co.uk