في بيتنا عريس

الأربعاء، 25 مارس 2009








والله محدش بياكلها بساهل ياجماعه من يومين جالي عريس هههههههههههههههه شفتو كرم ربنا بعبادة وانا اللي افتكرت ان خلاص معدش فيه هههههههه

اصل بتيجي فترة وتحصل هوجة عريس عريس عريس

ويا أم السعد يا أم السعد

المهم بئا ناخدو اليوم من اوله عارفين تنفيضة العيد

كنيس وبتاع وكدة لا دية انئح بينفضوني انا يا خونا عندي محاضرات هو حوبك انهردة شفتي البت دحيحية ازاي امال ايه

طيب اخطف حلم سريع لا

يوووووووووووووة هو كلة لا لا لا طب حتفرج ع تلفزيون لالالالالالالالالالا

طب حلعب بلقطط لا دول حيتحبسوا انهردة اية دة حرام عليكم بئا طب مش حتجوز

ردت الحجة ام حروف قائلة نعم ياختي نعم ياروح المومو بتاع الانت لا حبيبي مفيسو حاجة اسمها مش تجويزتو ياروح بتاع انا من جوة

سامي دة روحي روحي روحي هههههههههههه

مهم نزولا لرغبة الجماهير سكت "وبداخلي حنفية ماية سخنة بتحرق فيا وعايزة ابكي من هذا الاستعمار ياجدعان انتوا ليه اخدنها بجد انا كنت بهزر انا ولا عايزة اتجوز ولا بتاع انا لسة صغيررررررررررررررررة

وسكت وجالت خواطر بداخلي اتصرف معاه انا بئا ازاي دة ولا ياسلام بئا ام وعيال ويقولي متشتغليش دة يبئا قررر قيام الحمل العالمية الثالثه ويبئا حامل في ديناصور ههههههههههههههه

وتخيلت حماتي ام ناب احمر وعنين فحقلوئي لالالالالالالالالالالالالا انا ساعه الجد شمحطجي قديم واهلاوي صميم

انا بقول نقفل علي السيرة دية ومنقلبش المواجع وسبوني اعيش طفولتي المشردة وبدات اهيم وابكي علي العمر اللي حيروح هدر وياحروف ويشبابك وياختيييييييييييييييييي

اية دنيا علي راي فؤاد المهندس

c'est la vie

مهم حان وقت الصفر وعلي حين غرة الجرس ضرب ترن ترن تيك تاك تيك تاك دة صوت الاقدام مش الجرس

بش بش دة صوت القعدة علي كراسي احم احم صوت كحة وتقرب الكاميرا ويعملوا زوووم لالالا دة في الفيلم مش عندنا ههههههههههههههه

اصلي اصلي مش عارفة اعمل ايه فولعت تلفزيون اللي اسرينة ضمن رهاين في الاوضة جوة وبتفرج في صمت

مهم ياماما ياماما دة انا اللي بنادي نبي حارسك وصاينيك عين امك ياختي حلو كدة

لقيت علامات تعجب ودولار سين واقواس وات ياهو دوت كوم ونجمه وقمر وبروتس جة يلعب في وشها ناس حتنقسم وتتقولي مين بروتس وناس حتقولي هو انت هببتي اية

حضحك قائلة انني ارتديت ملابسي يااخي وهل هناك مانع

هيا بنا نلعب

نرجع لامي الست الكل قالتلي اية اللي انتي مهبابة يامنيله علي عينك اة امي واخدة عليا عادي يعني

متحبكوهاش بئا

قلتلها ماله ياماما قالتلي ماله اصوت يعني انتي مش تنفعي تجوزي خالص ولا تفتحي بيت يادي حظي في عيالي

تخيلو كل دة عشان لابسة جيبة جينز وتونيك وطرحة عادي يعيني مش كفاية حطيت ميك اب ويقول عليا مش محترمة

لقيتها بتزعق بس بحب وحنية زي خبط بلعقل

تمام كدة

وقالتلي غيري هدومك فغيرتها ولبست بيجاما لقيت الست الحجة ديناصورات ودخان ونار وسيرك ومراجيح وليلية وفقرة الساحر كمان وحينفخ يطلع حمامة عيب حمامة مش نار

مهم طلعتلي طقم وقعدت تظبط فيا وتسرح شعري واقول ايييي تقولي اخرسي معندناش بنات تقول ايييي هههههههههه

شفتو التعذيب الاموي

وجينا للجد وهالله هالله عليه بنت خالتي جت عشان هي بقت خبرة لانها مخطوبة

وترن ترن ترن دة جرس الباب معرفش مين فتح دول جم وبت الصغيرة نانسي العريس جة هاها ها العريس جه حسبي ربي فضحوني العيال

مهم بنت خالتي شافته قوم بعتتلي مرسال الولا دوءدوء من علي القهوة قالي كلم يامعلمي لالالالالالالالالا بعتتلي البت نانسي تقولي ارفعي سماعه تلفون شوف هي ف اوضة وانا ف اوضة وتلفونا اصلا استقبال بس بتحكيلي عن اللي شيفاه هههههههههههههه

عاملين موساد علي العريس

بصوا بئا دة من اكتر مواقفي المحرجة اينعم حصلتلي قبل كدة بس كانوا بيستعبطوني ويدوا مواعيد وانا معرفش ويحطوني ودام الامر الواقع برا بيتنا انما في بيتنا ياخبر وابويا قاعد ياخبرين والناس الحلوة اللي معانا وحبة فوق وحبة تحت لالالا انا مش خارجه

يابت اطلعي لا خلوها بكرة طيب راحت ماما جت بعنيها الحلوة وبرئتلي اتفضلي اطلعي يادي الخيبة ماهو اصل

مفيش اصل اية دلع البنات دة يادي الخيبة هو انا مش بنتك وانتي ضنايا ولا ايه

طلعت طبعا سلمي لالا احنا متفقناش علي كدة لا مفيناش من كدة "انا مش بسلم علي رجاله"

وقال ايه سلمي سبيها تطري يافوزية في ايدية ماهي حتطري بس من غير ايدة وامري الي الله سلمت وطول القاعدة بتجيلي قشعرينة شفتوا شفتوا قلت مش عايزة اسلم مهم

قعدونا لوحدنا ياماما خليكي جمبي تقولي هو انتي حتخدي حقنة وسابتني لوحدي وكلهم ندلوا معايا يالا الماءساة الدموية الاهليه

قعدنا بدا البشمهندس الدكتور االاستاذ يتحدث اني اتحدث العربية

welcome in egypt

عارفين في الظروف اللي زي دية بكون نفسي اعمل ايه

حد يتطوع ويسالني اعمل ايه ببئا عايزة اضحك ايو والله ببئا عايزة اضحك مسكت نفسي طبعا

قعد يتكلم في باديء زي بدا وتنوية هو والشهادة تتقال شكلة من بعيد راجل وحاجة كويسة

ومن قريب بردوا بس ياخونا انتوا فاهميني من زمان وانا صوتي اتنبح

انا عاااااااااااايزة راجل

انا عارفه انهم ماتوا ف 73 بس اكيد حد فكوا اسرة سعتها

انا بقعد مع نفسوياتي وافكر هو انا غريبة ولا مطالبي صعبة مش عارفه انا مش طالبة اكتر من راجل يتحمل مسؤلية تفكيرة من دماغه ويكون حياتنا تفاهم ومناقشة

مش عايزة واحد غني عايزةواحد كويس ويبئا حاجة في المستقبل وانا جمبة احس اني عملت حاجه ليا دور

قد اكون رومانسية الا اني عقلانية

طبعا وشي الملائكي خيل ليه انة حيعرف يشكل نافوخي لالالالالالالالالالالالالالا

ابسولوتي مش انا خالص اللي يتمسحلي نفاخوي هو دة اللي طلعت بية من الدنيا

حضرتة بيقول كلام والست الحجة حماة المستقبل بتقول كلام طب حنرسي علي مين في الاخر

ام هند بئا انا عيلة وستين عيلة وطفله ونافوخي هو كدة وطيبتي مش غباء مني واللي مش عجبة يخبط نافوخة في اجدعها حيطة

ومن موقعي هذا احب اعلن لكم علي حاله حداد تقوم بها امي علي اثر رفضي لهذا العريس المتفلشحي

حتسالوني يعني اية متفلشحي حقولكم جي من متفلشح وفي اصل المعجم الوسيط واحد اي كلام

والسلام ختام






عايزة اقول ملحوسة هامة

امبارح كنت في الاجتماعاتوا بتاع ابلتو النظراتو الام الفضيلاتو

فاتيما اللي بجد حبيتها جدا وحسيت ان خالتو ستيتة معانا

هند اللي بجد بجد بجد حبيتها جدا وزعلانه لانها مسافرة

واسماء نبض اسكندرية وحنين القلب واستاذ خالد وحنان الشافعي وهشام جعلوني مريضا نفسيا وعاشقة الرومانسية وشيمو القمر وزمردة وانا وانت وسمعني سلام شط اسكندرية يامجمعنا في هواك

بجد مبسوطة خالص

كانت معكم تنقل لكم وقائع الحفل حروف من قناة دريم

42 comments:

Hanan Elshafey يقول...

اوووووووووول تعليق
هيه هيه هيه

هيييييييييييييييييييييييييييييه

Hanan Elshafey يقول...

تااااااااااااااااني تعليق

برده هيييييييييييييييييييييه
هيه هيه هيه

thunder يقول...

اول تعليق محجوز
.
.
.
.
.
.
.
..
.
.
.
.

Hanan Elshafey يقول...

تاااااااااااااااااااااااااااااااالت
تعليييييييييييييييييييييييييييييييق


هيييييييييييييييييييييييييييييييييه

العب براحتيييييييييييييييييييييييي

Hanan Elshafey يقول...

ايه يا بنتي ده

هو بعبع
ده عريييييييييييييييييييييييييييس حد طايل اليومين دول

thunder يقول...

ماشى راح اول وتانى تعليق مش مهم المهم
اولا البوست حلو جدا وروح السخرية عالية
وخصوصا فى بعض المواقف اللى الاسرة بترفضة
انا معاكى انك تتمسكى بى اهداف معينة او شروط تحطيها فى دماغك للفارس المنتظر وربنا يرزقك بى افضل منه الف مرة ويراعى ربنا فيك
دمتٍ بكل ود وخير يارب

شيماء جمال(شيمو القمر) يقول...

يا ختى كنت ابعتيه دا أنا ساكنة جمبك واحنا اسكندرانية زى بعض

العريس اللى يجيلك وترفضيه وهو ماشى اديله أرقام صحابك اللى عايزين عريس
هههههههههههههههههههههههههههه

شفتى أحسن من كده حل

ربنا يسعدك وتلاقى الراجل اللى بتقولى عليه بس أكيد هيكون من سكان المريخ

سعدت بلقائك وتشرفت به

تحياتى
شيمو القمر

كفايـة طيبـة يقول...

عشان تقولى عايزة تتجوزى تانى

D: كل يوم من ده

adel يقول...

و قالي اطلعي لا ماطلعشي
ياحلوة اطلعي لا ما اطلعشي
يامزة اطلعي لا ما اطلعشي

القصد طلعت معاه خدته علي قد هواه

ههههههههههههههه

و في الاخر قالي الساعة بتنور

ههههههههههههه

يافوزية سيبه يمسكها يمكن كان استرجل شوية .... او قدموله بدل الشربات بريل

هههههههههههههههههههههههه

و بعدين يا بنتي حد يرفص عريس اليويمن دول ...دا البنات بتتذل عشان اي ذكر بيعدي في الشارع ان شاء الله يكون ذكر خنفساء الزرافة (متحوليش تفهمي ده حيوان حشرة طائر جديد)

ههههههههههه

و بالنسبة للقاء :(:(:(
زعلت قوي و كان نفسي اجي والله :(:(

المرة اللي جاية بس تكون عندنا في القاهرة بقي :):)

و هعمل معاكي احلي واجب و هاوريكي القسم اللي قبلت فيه مني لتاني مرة :):)

احساس طفلة محبة للرومانسية بس واقعية يقول...

هاهاهاهاهاهاهاها
اية يا حروف دا هى حرب ولا اية
انا ضحكت ضحك الموقف فى حد ذاتة
لاى بنت محرج جدا طبعا
الحمد لله عدى على خير وماما اكيد هتخلص حداد كمان يومين كدا ولا حاجة اول ما يجى عريس تانى على طول ويعاد الموقف الى ان يعلن الفرح ويخلص مسلسل الحداد وتلاقى فتى احلامك

تقبلى مرورى

Soul.o0o.Whisper يقول...

ايييييييييييه كل الناس دىىىىىىى


مش تقوليلى طيب




امممممممممممممممم


على العموم مبروك عليك تطفيش العريس
هههههههههههههههههههه


يعيشوا و ياخدوا غيرها
اه والله معاكى حق يا بنتى


الرجالة ماتت فى 73

و فى اشاعات مغرضة بتقول ان فى جماعة مأسورين

تفتكرى الاشاعة دى صحيحة؟؟؟

هههههههههههههههههههههههه




تحياتى يا جميلة
و مبروك عليكى اللقاء

Zika يقول...

مش عارف ليه دلوقت لما واحد يروح يتقدم لواحده بتبقي موقعه حربيه
انا عن نفسي اكيد مش هاتقدم لواحده ماعرفهاش وجواز الصالونات ده
يالهوي مش متخيل ربنا يوقعني في واحده زيك شريره كده
يبقي نهاري زي وشي
" يعني نهار كويس يعني ":P:P

المهم مبروك الاجتماعاتوا وعقبال ما تنوري القاهره وضواحيها
سلام

القدر و انا يقول...

حروف تقبلى مرورى
عديتى منها المرة دى
بس المرة الجاية لا ممكن ابدا
كان نفسى اتعرف عليكم فى نادى الاطباء لكن لم يسعفنى الحظ
الجايات احسن انشاء الله
تحياتى

أسير الجراح يقول...

نقول مبروك على تطفيش العريس


ههههههههههههههههة

سعدت جدا بمرفتى بيكى

كل الود


اسير الجراح

وردشان smilyrose يقول...

حروووووووووووووووف


بجد وحشتنى شقوتك قوى

جدا جدا خالص


ههههههههههههه


وايه دا يابنتى

ايه دا هى الامهات كلها كدا

مش عرفه والله الواحد يعملهم ايه


اه على فكرة بالنسبة للرجالة

مش تضيعى وقتك لان بقايا 73

مخلفات غير صالحة للاستخدام


والاسرى تم تدميرهم


دمتى حبيبتى

وردشان

smilyrose

روح الحب الصادق

حسام غانم يقول...

هههههههههههه

لو فضلتي على كده يا بنتي يبقى مش هتتجوزي

بس كتابتك للموقف جااااامدة

ضايع يقول...

لو هتفضلي مستنيه واحد زي الي راحو في 73 بسيطه كلها 9754638856 سنه وهتلاقي واحد فمتقلقيش خالص

بصي من الاخر تعددت الاسباب والجواز واحد هو إذ فجأه هتلاقي نفسك بتتزقي في الحفرة ومش عارفه مين زقك وساعتها مش هتفوقي غير وانت في القفص الذهبي

بوست جميل واخيرا حد كاتب حاجه برة دائرة الاكتئاب

ليكي عندي حاجه حلوة (عريس مخزنينه من 73)

تحياتي ........

رحلتنا في الحياة يقول...

هههههههه ليه كده يامجنونة هو حد لاقى عريس فى الزمن ده
ان شاء الله تلاقى اللى بتتمنيه يارب ويكون فيه كل مواصفاتك مش تتنزلى عن اللى انتى عايزه بس المهم تكون صفات منطقيقة ياحروف العرسان اللى عليها العين انقرضوا

MaNoOoSh يقول...

بصراحة ربنا يكون فى عون مامتك
دى انتى نشفتى ريقها علبال ما طلعتى
هو صحيح شكلة ميستاهلش زعل مامتك بس امهاتنا بيصعبوا عليا والله نفسهم يفرحوا بينا ومش عارفين

حنين القلب يقول...

والله العظيم انتى تحفه
يا رب اجيب بنوته شبهك كده
طفشتى العريس
شاطرررررررررررة

هتعنسى يا بنتى وماما عايزة تفرح بيكى

المهم انا مبسوطه اوى انى شوفتك واتعرفت عليكى بجد انتى حته سكرة

ابقى تعالى شوفى البوست اللى كتابته عن امبارح

وحشتينى يا بت

Mohamed يقول...

أنا أول مرة ازور مدونتك ، بس بصراحة البوست اللي قريته خلاني كنت هاموت من الضحك ...

لكن في نفس الوقت عمر ما اتخيل إني أكون مكان العريس دا ...

مع إن احنا والله مافيش فرق عنكم كتير ، يعني الست الحاجة الوالدة بتيجي الصبح وتقول لابنها " جهز نفسك هنروح نشوف العروسة النهارده " ، والاخ طبعاً عمال يكلم نفسه .. مين ؟؟ فين ؟؟ ازاي ؟؟

عموماً ، بوست لذيذ وجميل

تحياتي

محمد

ستيتة يقول...

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

ايه ده
وصلت يجي عريس تتنفض ليه تنفيضة العيد وانا معرفش

وايه مش عاوزة تطلعيله دي
ومش عاوزة تسلمي
ياختي سلمي ربنا يسلمك

بننننننننننننننت هس
الجوازة دي لازم تتم
ده سيس يابابا
هو ده الفيرجن اللي في السوق
اجيب لك ايه احدث من الفيستا

عندي ليكي جوازة موكن
بس بظبتها
وها ارميكي في الحفرة زينا
عااااااااااااااااااااا
وها اتفرج عليكي واضحك ضوحك

mahasen saber يقول...

ي بنتى مهو هتتجوزى يعنى هتتجوزى مفيش مفر

ربنا يرزقك بالزوج الصالح

وكان نفسى اجيلكوا اسكندريه واحضر معاكو اللقاء بس ان شاء الله تتعوض

مسدس صغير يقول...

يعنى انتى عايزة راجل بس؟؟
ميكونش باشمهندس معلم دكتور ورئيس قسم؟؟
خلاص محلولة.
من كلمتين عرفتى انه غير مناسب كده؟؟
ايه التهور بتاع بنات اليومين دول؟؟
دا العريس اليومين دول عملة نادرة.
المفروض اللى يجيلها عريس تجعد تجول عريس يابوى عريس يابوى اجتله بس مطخوش يابوى.

فرصة.

ع العموم ربنا يوفقك ويرزقك ابن الحلال الراجل اللى يسعدك..

شاب كــ طخين ـــــا يقول...

ههههههههههههههه
ربنا يوفقك وتلاقى رجل المستقبل
بس بطريقتك دى مش هتلاقى هههههههههه

بوست جميل اووى ودمة خيف

عاشقه الرومانسيه يقول...

هههههههههههههههههههه
مش بقولك انتى لسعتى خلاص
اه والله نوفوخك بااااااااااظ
هو حد لاقى رجحاله اليومين دول
يابنتى كل اللى فى السوق بقايا حرب
ومخلفات جيش
كان المفروض مش بس تسلمى
لا ياماما لااااااااا
كان المفروض تصرخى وتقولى
عريس يابوى طخه بس ماتعوروش يابوووىىىىىىى

اتجوزى بقى خليكى تفكى النحس وتاخدينا وراكى
ههههههههههههههههه

Unknown يقول...

البوست جمييل جداً
بس هما مش ماتو بقى فى 73
لأن فعلاً اكتشفت ان فى لحد دلوقتى ناس بتحس ، إذا كان بنات او ولاد ، بس الرك على الدمااغ
فى مثل بيقول لولا اختلاف الاذواق لبارت السلع
وان لازم تكون الدماغين متوافقين ، وإلا عفى الله عما سلف
المدونة جميلة وانا من النهارضة هتابعها
تحياتى :)

بلوجاتي يقول...

انا برضه مفهمتش انتي ليه رفضتي العريس

ابنك على ما تبريه و جوزك على ما تعوديه

ثم انا منتظر تتجوزي بفارغ الصبر - دانتي بعد الجواز هتطلعي كوميديا هاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهها

فشكووول يقول...

العزيزه حروف ...
تحياتى
فيه حد ياحروف يرفض عريس اليومين دول
البنات اول ما بتشوفه تمسك فى خناقه وتقول عريس يا بوى ... عريس يا بوى
على فكره مش كل الرجاله ماتوا فى 73 انا عايش آهه وانا من بتوع 73
طب انا عندى عريس حلو ليكى
ايه رأيك ... ايها خدمه
تحياتى

أم فريده يقول...

هههههههههههههههه

استاذة اية الجمال دة
انتى لازم تدى دروس فى تطفيش العرسان

يا رب دايما بخير

وتنورى الدنيا

الفراغ يقول...

بسم الله الرحمن الرحيم
انتى زى العسل اهو..متحرميناش منك تانى
يروح العريس يجى غيره..احنا مستعدين لاى موقعه حربيه ..(بس بدون خسائر فى الارواح ..الله يخليكى)
حروف..اشكرك على زيارتى
ودائما معا..باذن الله

همس الاحباب يقول...

عريس يا بوى
اطخه بس ما تموتوش يا بوى
ههههههه
عريس وتنفيض وحماية العيد ايه ده كله
مبروك على العريس
والف مبروك على تطفيشه
وربنا يكون فى عون والدتك
ايه رايك انا عندى عريس زى الفل
وده من مخلفات 73 يعنى لسه عايش
هههه
سعدت جدا بشقاوتك وخفة دمك فى اللقاء
واتمنى انها تكون معرفة خير
تقبلى مرورى
خالد

ساره يقول...

عريس؟؟
هى الظاهره هذه لسه موجوده؟؟
تقريبا انقرضت من عندنا :)

صمت المشاعر يقول...

هههههههههههههه

مش كنتي تقوليلنا قبلها علشان نتفننلك في ازاي تطفشيه

بس انتي نجحتي

يلا ربنا يرزقك بابن الحلال اللي يستحقك ياااااارب

قولوا امين

simply me يقول...

يوووووووووووه

تصدقى اول مره اعرف ان العرسان بتطفش من الجيب الجينز

ههههههههههههه
ده انا على كده ابقى طفشت كتير

ههههههههههههه

Lady E يقول...

هو ده الدلو يا اوختشي :)

ربنا يسعدك يا رب وخيرها في غيرها

نبض اسكندرية يقول...

حرووووف

انتى مش ممكن بجد انتى مجرمة اية يابنتى الاسلوب دة بجد حلو كتير

وعلى فكرة انتى لذيذة جدا

وفعلا انا حبيتك والله من ساعة ما شوفتك

وبارك عليكى تطفيش العريس

هو كان من بتاع ماما وبابا واخواتى بياكلوا مربى يوماتى

ولا اية؟

دمتى بخير وتحياتى

ريكو يقول...

ربنا يوفقك للراجل اللى بحق اللى انت بتتمنية
رجاء ما تتنازليش عنة
هما حقيقى قليلين وأكيد حتتعبى شوية لغاية لما تلاقية
لكن بعديها هترتاحى كتيييير
بالتوفيق ان شاء اللة

شمس النهار يقول...

ياله اهو عريس يفوت والا حد يموت

محمد عبدالرحمن شحاته يقول...

مبرووووووووووووووك يا حروف على العريس ودمتي متالقه ومبدعه

اسماء واحلام فى وجدانى يقول...

مازلت حى ارزق

غير معرف يقول...

لليه البطر على النعمه ربنا بعتلك عريس احمديه و اشكري فضله
لازم تطلعوا القطط الفطسانه
ربنا يهدىكم تعبتوا الرجاله