ادعولي نتيجة قربت بالله عليكم

الجمعة، 13 مارس 2009



دية صورتي وبقول اعمل ايه اعمل ايه لو في برتقانة حلوة زي كدة وعايزين نقسمها علي اربعة اعمل ايه اعمل اية حد يقولي اعمل ايه؟؟؟؟؟ هي شعرة وحتطير ويا اخوتها
واللي فوق دية انا وانا في الروقان سبت اوضتنا كلها وقلت اذاكر مع سحاب اهو حكتب فوق عشان اعرف اغش يمكن ياعبدة يمكن تفرج من عندة والدنيا تمطر ولاقي الاجابات نازلة عليا ايه طيرقه غش جديدة من ابتكارات حروف اي خدمة محدش عارف اجابة السؤال الاول ع ياولاد الحلال اجابة
تخيل كده لو انت عندك امتحان بكره وعندك ماده زفت وهباب وانت ماشاء الله مذاااااااااكر واكل الكتب اكل (انت حتقولى مانا عارفك)تيجى الست الوالده او الوالد مفرقتش يعنىويقولك اصحى يابنى عندك امتحان عشان متتأخرش ماشى حصحى ثوانى اخطف حلم سريع واصحى حخطف ايه وهباب ايه قوم يلا عندك امتحان تقوم انت متنرفز وقايل فى سرك يييييييييييادى اليوم الاسود ارحمنى ياعم بئه عايز انام مهو اليوم بيبان من اوله وبعد ماتقوم بطلوع الروح وبالضرب بالجزم والشباشب وتلبس هدومك ونازل والدنيا مسقعه لما السما تكون بتنجانى وانت حراااااان وايدك متلجه (متقوليش ازاى)
وانت بقى داخل اللجنه ومش مذاكر وااعد جمبك واد تعبان خالص مالص والمراقب راجل غتت وفجأه دخل المراقب ويقول اللى حسمعه بيتكلم مع اللى جنبه ولابيفكر يتكلم مع اللى حنبه ولابيحاول يبص على اللى جنبه حطرده هو واللى جنبه وحيبقى ذنبه على اللى جنبه تقوم انت قايل للى ااعد جنبك ايه ياعم الدكتور ده تعبان ده ولا ايه روح اديله حبايه فيجاسكين عشان يهدى فكك ياعم منه ده شكله بيحب فوازير رمضان ولا ايه وفجأه وقف معاك سؤال وعايز تغش (اه ياغشاش) والمستر افشك وراح قالك يابنى يابنى انا خولقى ضيق وممكن اضربك عليا الطلاق بالتلاته الغيلك الامتحان تقوم انت قايل للواد اللى جنبك بعد ماالدكتور يمشى من ادامك ايه ياعم المستر ده لو خولقه ضيق يفصل واحد مقاسه اه والله عندك حق انا مره كان خولقى ركبتله استك هههههههههههلا وبيقولك عليا الطلاق ياعم روح نام ولا اعد فى حته ناشفه تلاقي مراته مطلعه عين امه ونفخاه وحيطلع غله فينا وفجأه كده وانت اااعد بتحل فالامتحان والوله اللى وراك مخنووووووق من اللى جنبه وعمالين يتعاركو وفجأه الواد اللى وراك قال لاصنع اليبان ولاصنع الصين ده صنع بلدنا وبجنيه ونصو مبيترئعش وااام ضرب الواد اللى جنبه حتته افه طااااااااااااااااااااااااااااااااااااااخ   الدكتور سمع صوت الافه  جرى علي الواد ااام الواد مدبسها فيك والدكتور لغالك الامتحان وتروح البيت وانت مش حالل حاجه وصاقط ومتبهدل مامتك تقولك عملت ايه يابنى؟تمام ياماما ده انا حطلع الاول عالدفعة (امتياز مع مخدة الشرف)ده كل العيال بتعيط فاللجنه وانا اللى ااعد عمال ااااضحك ااااضحك لابجد شاطر ياحبيبى طالعلى تقوم قايل فى سرك احلى حاجه فالست دى انها بتصدق بسرعها لست دى امى غلبانه طول عمرها وتفضل انت بقى مقضى اليوم مكالمات فى التليفون والفاتوره كل شهر تيجى عاليه وابوك يطلع عين امك شتيمه وقله ايمه وكل يوم على النت شات وتاذاذ لب ويجى الوقت اللى طلعت فيه النتيجه  واوبه النتيجه مليانه كحك ومش اى كحك ده بالملبن والعجوه وكل اللى تحبه يامعلم  ويجى ابوك يفئعك الم زوووووووووووووووووووووووووووووووووو  بقى يابن ال............ تضحك عليا وتقولى مقفل الدرجات وحيات امك الغاليه لقتلك ليه كده بس يابابا ده انا بحبك حب محبوش انسان(ماشى ياعم تامر حسنى)وااادى اخره الامتحانات ياعم شتيمه وبهدله ونذاكر ويطلع عيناوفالاخر مش عاجبهههههههههههههههه بعد كده نشق هدومنا (لا يافضحتى ههههههههههههه)


منقولللللللللللللل ودة لينك:


19 comments:

عاشقه الرومانسيه يقول...

ايه ياامى التهييس ده كله
على الصبح
يعنى اول حاجه اقراها تبقى عامله زى حدوته البيضه والفرخه كده؟
حلو اسم المدونه الجديد على فكره

جيت امبارح لقيتك قافله المدونه وكنت ناويه لك على نيه سودا النهارده

*البت المشمشية *حلوة بس شقية * يقول...

حبيب هارتى
انا يختى الحمد لله
النتيجة ظهرت ونجحت
يلا
عقبالك
انتى كمان
وتنجحى بتقدير كمان

*البت المشمشية *حلوة بس شقية * يقول...

على فكرة
النيو لوك ده حلو
عجبنى اوى

blue-wave يقول...

صباح التهييس بجد:))

thunder يقول...

ههههههههههههههههههههههههههه زوووووووووووووووووووووووووو على دماغ ناس فى بالى ربنا يوافقك ياااااااااااااااااااااااااااااارب وان شااااااااااااء الله بى النجاح والتوفيق ان شااااااااء الله
بس بوست لذيذ ياحروف جدا على الرغم من انه يوحى بالتهيس الا انه فعلا بوست مميز جدا لانه بيوضح صورة او حالة فى حياتنا بنعانى منها جميعاااااااا من فشل لصراع اجيال ...الخ .
لا بجد جميل دمتِ بكل ود وخير ياااااارب

elsha3er يقول...

ربنا يكرمك وتنجحى وكلنا زيك مستنين النتيجة

تحياتى


احمد الشاعر

Zika يقول...

ياااااااااارب تنجحي
وتجيبي تقدير كمان
وتتخرجي
اه تتخرجي
السنه دي تتخرجي
صدقيني بتحصل :P
انا ابويا بيعاملني في حوار المذاكره والنتايج ده بمنطق
سيب وانا اسيب
ازاي اقولك انا
هو مش بيقولي حاجه لما بشيل او بعيد او اي حاجه من الحاجات دي ويعد يقولي عادي وحصل خير وبتاع
واول ما اعمل حركه من اياهم معاه
يعد يقولي يا فاشل يا فاشل
وياللي بتشيل مواد والمعايره تبتدي
ايييييييييييه دنيا

جارة القمر يقول...

حروف الجميلة
يارب تنجحي وتجيبي التقدير اللي بتتمنيه
ربنا يوفقك انتي وكل اللي مستنين النتيجة
تحياتي لكي

غير معرف يقول...

مبرووك ان شاء الله

اخيرا عثرت عليكى

شخـا بيــط مـحـجـوب يقول...

بالتوفيق انشاء الله

ربنا معاكى

شخابيط mahgoub

أم فريده يقول...

كل دة عشان النتيجة قربت دا انتى خايفة خالص

اوعى تخافى يا حبيبتى بعد كدة

هو كان فى اية بقى عشان انا مش فاهمة حاجة
هههههههههههههه

ربنا معاكى

ادم المصرى يقول...

ربنا يوفئك بأذن الله هتنجحى بى تفوق كمان بس توكلى على الله وربنا يوفقنا كلنا

رحلتنا في الحياة يقول...

شكل التهيس كله ده قلقانة من النتيجة ربنا معاكى يارب ويوفقك وعايزين امتياز مع مخدة الشرف :)

mahasen saber يقول...

ربنا يوفقك وينجحك ان شاء الله

مستنيين بوست اعلان ظهور النتيجه والاول طبعا ان شاء الله

Soul.o0o.Whisper يقول...

هههههههههههههههههههههههههه

بت يا حرووووف
ايه دااااااااا؟؟؟


لالالالالا خليكى متفائلة كدا
لا يأس مع الحياة و لا حياة مع اليأس
هههههههههههههههههههههههه


هو برغم ان النتيجة لها دلائل تشير اليها
بس بردوا الامل فى ربنا كبير
هههههههههههههههههههه



ربنا يوفقك يارب يا حروفى
و تبئا أحلى من اللى انتى عاوزاه




خالص ودى يا جميل

MaNoOoSh يقول...

ان شاء الله نجاح بتفوق يا عثل

adel يقول...

انتي نزلتي البوست ده امتي :(:(:(

هو انا مبقتش اعرف كده الا بالصدفة و البتاع لسه بيقول من شوية ان في بصت جديد

و ايه الدماغ العالية دي و تامر حسني و حماقي كمان شوية يجي

يمهل ولا يهمل

ستيتة يقول...

هااااااااااااااا
فين النتيجة
انا قاعدة ع الباب مستنية النتيجة

قري واعترفي

اوعي تكوني .. لحسن

اه انا معنديش تفاهم

يالا يابنت قولي لي النتيجة بسرعة

mahasen saber يقول...

يا ستى تغيبى وترجعى بالف سلامه