من مدونة نصف اخضر ونصف يابس

الأربعاء، 19 نوفمبر، 2008


ليلة عشق
فى ليلة عشق واخدانى
على شط الهواالتانى
قابلت البحر فى عيونك
شربت عطشت من تانى
هيا دي بدايتك معايا
شوف بقى قلبى و جنونه
فى شرع العشق عالعشاق وعالمجارح
فى بحر عينيك فردت قلوعى ويا الريح
سهر ليلتها البدر يتوانس معايا
و حط صورته جنب صورتى فى المرايا
و صدقونى ضحكت له
و ضحك وقالى و قلت له
و حكينا اسرار الهوا
و ازاى ندهلى و رحت له
و ازاى قاسيت
و ازاى تعبت
........................ماتحسبونيش
ما دام عشقت

ومن ليلتها وقلبى مش طايق حنانه

ومن ساعتها وهو مش نايم مكانه

سهران فى ذكرى

أحلى ليلة من زمانه

داير يدور ع اللى راحوا وع اللى كانوا

اعقل يا قلبى مش كدة

يقولى لأ

هو كدة

وأقوله ايه أخرة كدة ؟؟

يقول أنا مبسوط كدة ما تحاسبونيش

مادام عشقت

*********************************************************************احمد فؤاد نجم

قلبى هيفوق من جنانه

قلبى هينسى حنانه

مهما كان ومهما جى ومهما حاصل

قلبى دايم فى حنانه

قلبى دايم بأيمانه

******************************************************************تكميل الباز افندي

انا قلبي لما عشق نسي كيانة

ولما قلت اهواكي خلاكي انتي كيانة

في يوم ويا القمر بعت رساله حزينة

وكنت وحيد والقمر رساني

قالي يا عاشق ارمي عشقك وانساة

دة محبوبتك مش انس ولا ملاك في السماء

دة حبك واصلني ولسة وهي مش حساة

دور علي البحار حتلاقي حبة قالت عشقاة

دة في تراب البحر اترميت وقلت دايبة

لو نظرت في ليلة تمامي حتلاقيني بدر منورالليالي

وحياتي خالية من اي فرح والحزن ملاني

دة انا بلياتشو الزمان بضحك ووببكي جواني

احمر واصفر ازرق هي الواني والاسود هي حياتي

***********************************************************تكميلي انا


المصدر

نصف اخضر نصف يابس(ليلة عشق)

6 comments:

نصف اخضر نصف يابس يقول...

حلوة و رقيقة زيك شكرا لمرورك على مدونتى و مرحبا بك
تحياتى

الباز افندى يقول...

كلماتك معانيها كتير جميله



بس حاسس انها كتير حزينه

دلو مرة ثانية وجرح تاني يقول...

فعلا حزينة وفينك ياباز عيزاك تقلي رئيك دايما في اللي بكتبة كخواطر لان شكللك ليك احساس عالي
وميرسي علي مرورك ونورتني

حروف (دلو مرة ثانية وجرح ثاني سابقا) يقول...

ربنا يخليكي انتي اللي كلماتك حلوة ومدونتك احلي
ونورتيني بمرورك يا نصف اخضر نصف يابس

غير معرف يقول...

من باشما بیان افکار خود را در مورد تحت تاثیر قرار شد Blogger: حــــــروف كلاسيكية - ????? ?????. من نمی توانم belive که کسی می تواند یک داستان شگفت انگیز مانند thet در مورد من عاشق نوشتن Blogger: حــــــروف كلاسيكية - ????? ?????.

غير معرف يقول...

سؤال بسألك ايه أخرة الترحال …؟ سؤال بسألك ايه أخرة الأحلام ..؟ تعبنى سؤالى يا ريت ألاقى جواب .. على فكرة ده مش كلامى .. دى أغنية لمحمد منير .. مغنى مصرى .. أكملت القراءة .. سعدت بالتجول والسياحة أتركك ترتاح من الترحال .. ودى وتقديرى .