بلياتشو وماشي علي ايدة
وناس رايحة جاية
وتاكسي اصفر ولا بيهدي
وتروماي ابو دورين معدي
سوق الجمعه
رحت لقيته
شوية المونيا
وتروماي عدا
وذكري لكل واحد سابها
كان في راجل بينادي
روبابيكيا
ساكسونيا
الومنيا او بلاستيك
افتكرت البلياتشو ماشي ولا هامة
شوية علي ايدة
وشوية فاكر همة
وشوية بيبص في كمة
شوية بيضحك
وشوية كدة وشوية كدة
مع انة مجروح وقلبة موجوع
بس ماشي وبيقول
انا البلياتشو
شكلي كدة
ماشي كدة
ولا حد هامة
ماشي بيقول انا مش ساحر
انا مش ارجوز
انا في السرك دوري معروف
زي زي الكوز
لو قلبتة علي قفاة يطبل
ولو قلبتة علي وشة يهلل
واف اف اف
بضحك وقلبي مطروب
وانا اسمي معروف
انا البلياتشو
شوية صناديق للبيع
للبيع صندوق
فتحتة لقيته صندوق جوة صندوق
فتحتة لقيته جواة فضا
وشوية ورق
فتحتة لقيت مرسوم قلوب وعنقود
عنب
مسكتة لقيته هوا
اتاريها مدينة من هوا
فتحت الباب
لقيت بيوت من ازاز
من غير ناس
ولقيت انوار زي الماس
كل الالوان بلون الازاز
من غير روح من غير طعم
سالت وعرفت ان دة اللي جاي من الايام
والناس هجت سافرت
عشان زهقت واتخنقت
رجعت
سمعت
البلياتشو
بيدندن بيغني
من غير الناس
انا مش ونسان
.jfif)
.jpg)
.jpg)
28 comments:
هييييييييييييييييه
أول تعليق
وكمان التانى
والتالت بالمره
ويا بخت من زار وخفف
كفايه كده
من غير روح من غير طعم
ياااااااه
يا حروف تعرفى انى كتبت حاجه كده برض عن البلياتشو من فترة كده
بس فى لحظة غضب
مش عارف هاقدر انشرها والا لأ
بس صدقينى البلياتشو ده حكايه كبييييييييييييييره جدا
بس مين يفهمه ؟
سلام بقى
بقينا كلنا بنلعب دور البلياتشو
نضحك الناس ونضحك معاهم على نفسنا
وقلبنا بيبكى
احجز تعليق وبعدين اروح اقرا
ايه يابنتى مالك هى الحزن بقى سمة عند كل الناس ولا ايه قلبت علينا المواجع ياسالى تسلم ايديك جميلها ومعانيها حزينة جدا:(
كلنابلياتشو ...
دايما بنرسم ضحكة كدابة وندراي وراها أكبر دموعنا
ياريت بأة نسيب السرك ال أحنا فيه ده ونمشي بسرعه
تعبنا من التمثيل ياساسو ولا ايه :D
صانع السعادة
هو الوحيد اللى بيملك دمعة الجزن ظاهرة لكن قدامه غصب تضحكى
اتمنى نفهم صح دورة مش زمبى الناس تشيل همومنا ولا نفرض عليهم حزن
لكن الغريبة يا حروف ان بقالك فترة بجد اسلوب فىالمتابة اتغير اووووووووى
ودا غلط ماكد طالع ليكى مخ ومش عارف دا منين
ههههههههههههههههه
لكن الاغرب انه فى كل حاجة مرتبط فى كل كلمه عن روح اسكندرية
وخصوصا عن التروماى وسوق الجمعة
دا بيقول انك مرتبطة بمكان اووى عاملة زى حلقة السمك قصدى زى السمك صعب اوى يخرج برة ماية
على العموم بوست بجد فى كلام كتير اووووى
وجميل جدا بهنئك عليه
دمتِ يارب بكل حب و ود وفى رعاية وحفظ الله
دائماااااااااااااااااااااااا
سالى حبيبتى
ازيك وحشتينى جدا
كلماتك جميله اوى والوبك اجمل طبعا ده العادى بتاعك ((يلا جبر الخواطر على الله))ههههههههه
بالنوسبة للكلام بقى والدنيا اللى عايزة ارغى معاكى فيها بقى سيبيلى ميلك عندى انا عامله اشراف
خلينا نرغى بقى
مستنياك ياسكرايه
ازيك
كل سنه وانت طيبه
الكلام لطيف واغلبه يقطر الم
بس اخر سطر مش عارفه مكتوب غلط والا ايه
والا انا مش فهماه
بس اللي انا فهماه
ان في حاله من الحزن عميقه جدا في الكلام
بجد
عجبتنى اوى الكلمات دى
تحياتى
حلو قوي
طول عمري مقتنعة ان البلياتشو شكله مخيف
أعتقد لو شفته هاخاف
تحسي أن جواه كتير مستخبي تحت شوية صبغات وضحكة ثابتة
يمكن عشان الحزن بيدي للواحد انطباع أنه مهم وشاف كتير ومحترم كده :D لكن الضحكة بتخوف
الله أعلم
ازيك يا حروووووووووف
كل سنة وانتى طيبة
اعملوا حسابى فى اللقاء لو سمحت
انا من اسكندرية
:-)
بالنسبة للقاء أي أراء في التعليقات هنكتبها في البوست عندنا في المدونة
ويارب دايما إيد واحدة
ونتجمع كلنا علي خير
كل سنة وأنتي طيبة وبخير
مفيش ايميل يا حروووف
فى البروفيل
بصى حتلاقى اميلى فى البروفيل
ابقى خذيه
و ابعتيلى
السلام عليكم
انسان بيرسم بسمة على كل الوجوه
وهو عايش بدمعه ملية العيون
شغلته انه يفرح كل الحضور بس يا ترى
مين يفرح قلبه الحزين
والناس تقول دا بليتشو
ودايما فرحان سعيد
واتارى جواها حز والم ملهمش مثيل
أيييييييييييييييييييييية دة بجد!!! مكنتش اعرف انك فنانه بالشكل دة!! سحرتينى بكل حاجة هنا ووجعتنينى بلباليتشو اوى
احيكى بجد
عوووووووو
الدنيا دي فيها كام بلياتشو
طبعا ... نبقي اصحاب جدا إن شاء الله ... مره سألت عنك قالولي " حد ميعرفش حرووووف"
تشرفني صداقتك جدا
أهلا بيكي في حضن ميمي
السلام عليكم
.
.
.
ايه الدنيا اللى انا روحت فيها دى
الكلام عاجبنى كتييير
انا مش هعلق دلوقت لازم اشوفه تانى علشان اقدر اوفى حتى نص الاعجاب بيه
.
.
ثوانى وراجع
:)
بيب
بيب
الله ينور على حضرتك الكلام عجبنى اوى
جواه حكايات كتير مثيره وكلام بين السطور
تسلم ايدك من الاخر يعنى
.
كل سنه وحضرتك بخير :)
ربنا ميجعلناش بلياتشوهات ابدا
حلو قوى الشعر اليى حسسنا بالبياتشو وحياته ده
رمضان كريم عليكى وعلى كل من تحبين يا حروف
ايام مباركه على الجميع
ازيك
طبعا يشرفني نكون اصحاب والميل علي باب المدونه
shams_elnahar@live.co.uk
إرسال تعليق