انا وحبيبي بنرقص لابسة فستاني الوردي وحبيبي لابس بدلته
رقصنا سلو حطيت ايدي علي رقابته وهو حاضني حاسة بامان
حاسة بفرحة حاسة باني طايرة او فاعالم تاني
غنيتلة احلي الاغاني عشان قلبي كان بيعزفله انت حبيبي انت عمري ونصيبي
كنت بحلم بليوم دة وجة غنالي بحلم وانتي جمبي وبقيتي جمبي
ناس حاسدني وانا بقول احسدوني دة انهردة فرحتي ويومي اللي بحلم بية قعدنا وكانت تورته
كبيرة ومش مصدقة مسك ايدي وقطعناها وقالي مبروك ياحببتي عليا وعلي ايامي اللي جايه
لقيتة بيوشوني زي ما الموجة بتوشوشو الصخر زي النجم لما بيهمس في السما قالي بحبك يا حياتي
اهداني الورود اهداني القلوب اهداني حب العمر واهديتة انا الحياة
كان في معازيم كتير رقص وغني وفرح بس انا مكنتش معاهم كنت ببص للبحر وكنت ع الشط
قعدت ادور في الايام والسنين ع الذكريات ومبقتش ذكريات
قلبي بئا معاه وقلبه معايا بقيت اقول يارب نبقي ومنسساش الحب
بقالي زمان بسال امتي واديني اهو مبقتش بحلم
قلتلة بحبك
قالي دة انتي حبي
وقلبي واحساسي مش ملكي
وانت مليكتي
وانتي قمري
كنت بحلم تكوني نصيبي
قلتلة دة انت حلم سنيني
بحبك يامنايا
بحبك ياكل هنايا
الليلة بقت ليلتي
وانت بقيت ليا
خلص الفرح والمعازيم روحت وبدات فرحتي انا وهو ركبنا العربية كلاكسات وزغاريط لسما فرحتي كبيرة وخجلي باين عليا مسك اديا وباسها وقالي الحمد لله علي هديتك ليا يارب ابتسمت في خجل قالي خلاص معدتيش تهربي مني تاني وحتبقي معايا علي طول واقدر امسك ايدك من غير محد يبصلي انتي بقيتي بتاعتي وانا حر وحزعق وقل يا ناس دية حببتي سامعني ضحكت وضحك وضحكت لينا الدنيا روحنا بيتنا وفستاني كان طويل فشالني بيه وقالي ملكتي متمشيش ع الارض غير لما تكون مفروشة بلورد ووشي بئا لون الورد قالي حبيبي مكسوف وانا مالي بحبة اة ياني وبغير عشاني بحبها بجنون يا ملاكي معدش في ايام حتمر من غير متكوني معايا
وللقيتني ببكي عشان كان حلمي اة كان حلم وصحيت لقتني بحلم بحلم بليوم اللي افرح بيه واكون لحبيب ويكون ليا نصيب
.jfif)
.jpg)
.jpg)
49 comments:
اول تعليق ليا يا جدعان
تانى تعليق
ل
رومانسى
هقرا واجى
عارفه يا حروف
انا افتكرت ان دا فرح وقلت ازاى حروف اتجوزت من غير ما تعزمنا
بس لما لاقيته حلم
قولت ايوه كده يبقى هنحضر الفرح
بس بجد بجد انتى غلبتينى
واتمنى لك انك تحققى حلمك يارب مع اللى بتحبيه
حلم جميل ان شاء الله يتحقق
ربنا يسعد ايامك
تحياتي لكي
الحلم لسه هيبتدى ياحروف احلامى واستمرى فى الاحلام وحلمك هيتحقق لو انتى مؤمنة بيه جدا اتحدى الدنيا كلها ودفعى عن حلمك
ربنا يكرمك دايما وتحققى كل اللى بتحلمى بيه يارب الف حمد لله على رجوعك ياجميل وهو اصلا مش غيبة
ههههههههههههه
هو انا ممكن اضربك يعنى
هو ايه اللى انتى عملاه ده
غلسة يا مشمشية الكومنت الاول محجوز عنوة لياااااااااااااااااااا (( حلم يا مفترية والناس هيئة نفسة للجاتوهات والعصاير طلعتى زى الحكومة ههههههههههههههههه )) ربنا يااااااااااااااااارب يوافقك ان شاء الله والحلم جميل اوووووووى بجد بوست حلو يا حروف وخدعة جامدة تانى مرة فى الناس ربنا يوافقك يارب فى كل جديد بس خدى بالك فى طوابير وقفة محدش يفهم غلط دول بتوع العيش
تانى تعليق
وهتموتى انهاردة ياسوسو
تانى تعليق
وهتموتى انهاردة ياسوسو
بت
انتى اتجوزتى من ورايا
ومعزمتنيش
يابت
ليلتك بيضا
ومين ده اللى تجوزتية
كنت عارفة انه حلم
بس برضه اتمتعت بيه للنهاية
اللي هي يابنوتة ان شاء الله بداية
الحلم بيقول سوسو ليها هدف ولازم تحصل عليه
ومش ها تتنازل عن رومانسيتها ولا الأيام ها تسرق منها حلمها
بحبك وان شاء الله ها احضر فرحك وها افرح معاكي وبيكي
وبعريس جميل جمال ان شا الله حتى يكون له مثال
الله يسامحك يا ست حروف
عااااااااااااااا
بقى بعد كل الرقة والرومانسية دى يطلع حلم
على العموم ان شاء الله هيتحقق وهيبقى حقيقة.
اهئ اهئ اهئ اهئ اهئ
ماكملتيش الحلم حصل ايه بعدين ..؟؟؟
ههههههههههههههههه
ههههههههههههههههه
ولا صحيتي هنا
هههههههههههههه
يا خبر اسوخ
وانا برده بقول ايه الفرح المثالي ده
وقاعد احسد فيك
بس الحمد لله
طلع حلم
هههههههههههههههههه
لا بهزر طبعا
ربنا يحققلك حلمك
تحياتي
الف مبروك مقدما يا ستي واهو بشره خير يارب وعقبال كل احلامك ماتكون حقيقه يارب
الله على حلمك ورومانسيتك
ربنا يجعله حقيقه يارب
فى البدايه انا قلت انك فعلا اتجوزتى
ههههههههههههههه
بس من ورانا ؟ ودى تيجى برضه؟
واتمنيت من كل قلبى ان يكون حلمك حقيقى
لانه حلم كل بنت
بس انتى صورتيه بطريقه جميله
ربنا يسعدك ويبعت لك القلب اللى يستحق حبك
حلم جميل اوي اوي
وان شاء الله قريب هيتحول لحقيقة
مش هيبقى مجرد حلم وبس
وهتبقى حقيقة احلى واجمل من الحلم
ساعتها ممكن نلوم احلامنا
انها مقدرتش توصف الحقيقة الي عايشنها
تمنياتي لكِ بكل السعادة والحب
سارة
ربنا يحقق اللى فى بالنا يارب :)
وحشتيني يابنت انتى :(
اممممم يعنى ده كان سبب الغياب !!!!!
ماشى نعديها ياقمر
و ان شاء الله الحلم هيتحقق و يكون احلى كمان فى الحقيقة
(:
عقبالى :(
مبروك الرجوع
مبروك الحلم
عقبال العلم
حلم جميل و ا رب يتحقق .. بس نصيحه صغيرة عقبال ما يتحقق عشان الاحلام دى كترها مضر للصحه .. ابقى اتغطى كويس خصوصا فى الايام التلج دى
ما اجمل الاحلام
ولكنها تظل احلام
الواقع دائما مختلف
قد يكون افضل و لكنه يظل مختلف
حلم جميييييييييييل ويارب يتحقق بجد جميل
ازيك يا عثل خطفتينى انتى بفستان الفرح والجو الجامد دة بجد ربنا يسعدك ويسعدنا جميعا واللى بنحبهم يكونوا من بختنا وقسمتنا ان شاء الله
ربنا يكرمك ويسعدك ويحققلك املك
بسم الله ما شاء الله
انتى اتجوزتى بجد
بارك الله لكما وبارك عليكما وجمع بينكما فى خير
ربنا يسعدكم ويباركلكم فى بعض
ويبعد عنكوا شياطين الانس والجن
اللهم امين
ويرزقكم بالذريه الصالحه
ربنا يسعدك يا جميله
اللهم امين
أحلام اليوم حقائق الغد .... أهم شيء ألا نفقد الصبر والقدرة على الاختيار ...حلم جميل .... بس صعب قوي برضه:)
حروف وحشتينى
وعقبال فرحك اللى بجد يارب
وساعتها هنعمل افراح من الانفوشى
لحد جليمممممممممم
ههههههههههههههه
ربنا يفرح قلبك يارب
smilyrose
روح الحب الصادق
يييييييييييييه؟
مشمشة اول تعلييييق؟؟
ليه كده؟
هأذيكى بالشكل ده؟؟
يللا هسيبك المرة دى عشان البوست الجميل بتاعك .
احييكى
مع خالص مودتى وتحيتى..
بجد نفسى يتحقق حلمك لئنو
جميل وتستهلى انك تحققيه ومش قليل
عليكى انتى انسانه وتستهليه
وربنا ان شاء الله هيحققلك حلمك
اول مرة ازو مدونتك
بس انت عملتى فيا مقلب جامد اوى
يا بنتى دا دمعت من الفرحه
وف الاخر تقوليلى حلم
يس مع ذلك كنت حاسه انى هطلع بمفاجاءة في النهايه
والمفاجاءة انه طلع حلم
يارب يكون حقيقه قريب
ايه ده
حرام عليكي يا مفتريه
ده انا مشاعيري ومحاسيسي العاطفيه باظت خالص وفعدت اتخيل نفسي في فرحي بقى
يخرب عقلك
تصدقي الواحد لما بيفكر في اللحظه دي يا ترى هتبقى ازاي
بفرح قوي بيها الفكره لكن بخاف قوي مش عارف ليه
جايز علشان كل حاجه حلوه وراها مسؤليه كبيره قوي قوي
ربنا يسعد ايامك ويبارك فيكي
اااااااه عقبالنا جميعا بس يكون حقيقي مش حلم بقى
سلاااااااااااااااااااااااااام
اخوكي ايهاب
انا بردو كنت عارف انه حلم اصل مش معقوله هيكون فرحك ومش هتقولي من قبلها
شكلك كنتي مشغولة بفرح واحدة قريبتك اوصاحبتك والبوست دة من وحي فرحها
ربنا يحقق لك كل احلامك ويرزقك باللي يستهالك
حبيبت قلبي
حلم ولا علم
الله ينولك اللي فى بالك
وتتحقق كل احلامك
قولي امين :)
الحلم بداية الامل
والامل اكيد هيتحقق
بس انتى طولت اوى اوى اوى
اعمليها اجزاء كتير بس ياريت تقوليلي على الأجزاء الفرايحي بس
لحسن الواقع بكى كئيب قوي حوالين الناس
تسلم ايدك بجد في البوست
ربنا يسعدك يارب
نورتيني وسامحيني على غيابي
سلاااااااااااااااااام
اخوكي ايهاب
تفصيل دقيق في الحلم ,, ورؤيتك واضحة عنه ,, يبقى إن شاء الله حيتحقق بس بالله عليكي
بالله عليكي
أنا بحب التورتة ,, ما تنسينيش من اللحمة
::::::::::::::
أشكرك جدا جدا إنك وضعتي مدونتي في البانر عندك ,,وإن شاء الله حلمك حقيقة بإذن الله مع من تردين
قال حلم
يا بنتى الجواز ده اكبر كابوس
وخاصة من شوية حروف مبعترة
يا نهار ابيض دا اهله واصحابه والامة كلها داعيين عليه فى ساعة قبول وربنا استجاب
احم
انا مش قصدى اى شىء وحش ولا حاجة طبعا انتم عارفين ان قلبى ابيض
رزقك الله بمن يجعل حياتك كلها سعادة وحب وطاعة لله
العزيزه حروف .. تحياتى
انا بقى عمال اغنى انا كمان وارقص ومهيص وسعيد بسعادتك .. وبعدين ابص الاقيك صحيتى من النوم وصحتينى معاك من النوم واتاريه يا عينى كان حلم
يا بنيتى الايام طويله .. وما زال نصيبك قادم ان شاء الله واتمنى ان ينعم الله عليك بالزوج والحبيب الذى يفرح قلبك ويفرح ايامك
تحياتى يا حروف
المدونه عندك تقيله قوى يا حروف .. حاولى تخليها خفيفه عشان بتعمل مشاكل وبتقفل كتير والبرنامج ساعات بيهنج
حبيبتي
ان شاء الله الحلم يتحقق
قولي يااااااااارب
وقال ربكم ادعوني استجب لكم
حلمك هو حلم كل فتاه ولكنها اقدار وقدر الله دائما خير يختار لك الوقت المناسب والشخص المناسب لحكمه فما علينا الا الاعتماد عليه والتوكل عليه في كل شأن سبحانه وتعالي
فالدعاء الدعاء ولا لليأس ابدا فانت تدعوا رب كريم قادر علي كل شئ (اٍنما امره اذا اردا شئ ان يقول له كن فيكون )
غاليتي جميل جدا الرومانسيه وهذا الجو
ولكن ما احلها لو كانت في ظل طاعه الله وهدفكم رضاه سبحانه فحياتنا الدنيا ما هي الا مرحله انتقاليه الي دار البقاء والخلود حيث المستقر والهناء والسعاده الحقيقيه
في جنات ونهر وزوع ومقام كريم
لذا عليك دائما بقول
{رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَاماً }
والاستغفار دائما
ستجدي معه الخير الكثير
{ فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراً{10} يُرْسِلِ السَّمَاء عَلَيْكُم مِّدْرَاراً{11} وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارا
ان شاء الله ربنا يحقق لك كل احلامك وزياده كمان
اسال الله لك راحة تملئ قلبك وعمل يرضي ربك وسعادة تغمر عمرك
اسفه علي الاطاله
غربتي
كثير من الواقع بيكون أصلا حلم... وبيكون جميل قوي لما يتحقق
أمنياتي لك ولكل الصبايا والجدعان بجواز قريب سعيد
انا تعبت من الاحلام الورديه دى
اه ياستى كل اللى انت حلمتيه..ممكن يتحقق ..وهاتقولى مش عايزة حاجه من الدنيا بعد كده ...وكفايه نفسه وريحته وعيشته و......الافلام دى..
وكام سنه ..وكل سنه وانت طيبه...ابقى قابلينى لو بقيت طايقه تبصى فى وشه ....
ماتزعليش منى ياحروووف ...بس انا فعلا مخنوقه جدا ...
مافيش رااجل بيقدر حب الست ليه على طول...بيفتكر ان ده العادى وانه يستاهل يتعمله كده من غير مايعمل هو اى حاجه...جايز انا اللى حظى وحش ..
ربنا يخلى حظك احسن منى
تحياتى
حرررررررررروفىىىىىىىىىى
بجد بجد بوست جااااااااااااااااامد
ايه دا يا بنتى
رغم انى عارفة انه حلم
بس بجد حسستينى انه حقيقى
و بعدين فى الاخر يطلع حلم!!!
(( طب مانا كنت عارفة أصلا ..ايه الغلاسة دى هههههههههههههههه
ربنا ينولك اللى بتطلبيه
و يرزقك باللى يرضيكى و يسعد قلبك يارب
و يوم فرحك ..اكون معاكى
و الست الحاجة و ريبك يتفضلوا مايتعبوش نفسهم
و انا هاكون معاكى راكبة ادام
اه ..ياللا هأسيبك معاه ورا
و طبعا انتى عارفة اللى هيسوق دا مين
و عريسك طبعا كان مين
نياهاهاهاهاهاهاهاها
خالص ودى يا حروووووفى
البوست الجديد ماينزلش الا لما ارجع انا هغيب بس مش كتير والا المدونة هيولع فيها (( وش مطلع لسانة ))
وربنا بجد ياااااارب يحققلك كل احلامك واللى بتتمنية اللهم امين
إرسال تعليق