55هنا وهناك واللي يعادينا واك واك

اللي نفسة يتقطع اخوة اللي جمبة يكمل بداله عايزين تعاون الله يكرمكم عايزين شغل نضيف لاحسن المدونة تحت المراقبة



اخدو التاج تحري

جالي تاج من سووووووووووول ومن عادلللللللللللللل واعتبرة تاج وراح اعتبرة قصر جراح واتكتب عليا اني احله

اول سؤال والله ياباشا مش انا اللي قتلتة دة مدون تاني مش انا بريق يابيه

باقي من الزمن 70 دقيقة

اول سؤال اية اللي حدفك علينا ولية وازاي وامتي طاخخخ

انا مش فاكرة هو في نوفمبر 2008 اة لسة نونو وازاي كنت بدخل عند مدون صاحب مدونة بلوجاتي وكنت بتابعة وقالي اعمل مدونة وكبر الموضوع في دماغي بس واديني معاكم منورة ياحجة دة نور الشاشة يافشارة شكرا شكرا دعونا نعمل في صمت سمعوني تصفيق حاد

اية البرباتوز الاول

نعم يابية امضي لا ببصم تمضي ايه وتبصمي ايه

بقوللك الانطباع الاول لا يابية مش شغاله في مطبعة انا بصور ورق بس لطلبة نعم منشورات لا يابية اقبض عليا احسن يا اللي اسمك حروف وانتي مكملتيش حرف الباء ومن غير نقطة كمان بقوللك الانطباع رايك يعني اة طب متقول كدة لازم تعقدوا اهالينا وكلام مكلكع

بص ياباشا انا حقوللك علي رئيس العصابة كان الاخ بلوجاتي ومكسوفه هانم كبارية فيما بعد حببوني فيها واول مدخلت وعملت مدونة بقيت اقعد كتير واكتشف حاجات وحسيت ان التدوين دة عالم واسر وصحاب وانا بحب الجو دة واديني مكمله

اعترفي يابت بدل مقومللك مين شركائك في العصابه حاضر يابية"مين اللي بتحبي تعليقهم"

حاضر يابية حاضر انا قلت حاجة بص يابية كلهم حبايبي وحعترف عليهم اللي موجودين في الفوفريت عندي اة واكترهم اكترهم كانوا معايا وقت السرقه سيرجوو وسوول باشا وسمايل رووز وضد ياضد ياضد وعادل والبت المشمية وche وقلم رصاص ومسدس صغير ورومانسي ودهب واسامه عبدالعال وكريم وسوووووووو

وحاسونة اللي باقله كتير مش بيجي وطبعا طبعا طبعا اللي غلاوتها سكر زيادة خالتو ستيتة

اتعلمتي ايه في عالم الاجرام والتدوين؟

الصبر يابية الصبر اني منزلش بوست بعد تاني علي طول اسيب فترة يتقرا وكمان اني بقا ليا اخوات بنات وولاد بعزهم والله اوي

ايه اللي رفضاه وكرهاة في عالم التدوين؟

الخناقات والمشاكل والكلام اللي بيتقال من دهر الصحاب

عالم الاجرام يابت اثر فيكي ولا لا؟

اثر فيا جدا ووصل اني حسيت اني ادمنت البلوج بقيت بفتح كتير اقرا تعليقات الناس صحابنا وارد عليهم وبعدين قررت اني ارد عليهم في مدونتهم افضل وبكدة اقدر اعرف اخر بوست واعلق بلمرة عليه

كمان اثر فيا ناس كويسين جدا بطبيتهم وشخصيتهم الجميلةوبئا ليا اخوات كتيرة جدا

عندك اقوال اخري يااختي في حد نضيفة لهذا الاستجواب؟

بهدية لخالتو ستية لو تحب وعمروche

ولدهب وسيرجو واية لو يحبوا

والاخوة العرب اللي في المقطم اللي حلوة سابقا بسلم عليهم ههههههههه

ودمتم

سلامووووووووووووز

**************************************************************

المشروب الشعبي

الموقع قهوة مخربشين للمعلم الرايق ونحن نقطن البيت اللي علي اول ناصية بعد الشجرة اللي شبهة النخله

كني في البيت جاله سيكومونس وطاطا وشكولاتة رحب كني اخر ترحيب بوس وسلامات وطيبون واحضان ومن حق كل مواطن يلاقي حضن يضمة

سالهم تضربوا شاي ردوا نضرب يامعلم وضربوا وبعدين تتفرجوا علي اجنبي ولا لبناني لبناني ياريس يامهنينا يامسستتنا يامهشتكنا انت عايزنا نضرب العروبة اننا وحدة عربيه ورقصني علي وحدةونص علي هيفا يابن الحلال ياديك عيني اةةةةةةة

وجينا للجد ان ان ان طش

تضربوا المشروب الشعبي ايون ياكبير وانشالله اللي يشرب لوحدة يزور لا يانشرب كلنا ينموت كلنا ويعيش احنا الكل ينموت موتة فل

وماشية معاك يابا اليومين دول فلوس ومشروب شعبي الله يسهله متبوصليش بعين رضية انا طالع عين امي في السعودية اخرسو حروح اجيب اللفة والكانشا وجة كني مين حيلف ومين كوباية ومين كانشا بص ياريس دة سيكومنس انا صدري واجعني حلف اوك يامان اللي لف لف وعمرولغم علبة السجاير ونزلوا يتفرجوا علي البنات الموزز اوزز وانتي يابت تعالي هنا وياختي عليها واتمخطري ياحلوة يا بطة وربنا عايزة تدبحي رفرفي ياجميل علي الساحة وامشي كدة براحة وجةالواد شيكولاتة بيسال علي طاطا راح فين راح يجيب اززاة

شيكولاتة يقول لا ياعم خمرا استغفر الله العيظم لا حرام

انا بئا اجياقاطع واعمل مقاطعة مع الكورة مع شوبير بليل لو مشفاضي تعالي الصبح وبعد الفاصل واقول نعم ياروح مامو

mum بس فرانسية انتوا عارفني من ايام العيش الفينو عشرة وخدمت في فرنسا سنتين

يعني المشروب الشعبي البانجو والحشيش دة اية مش حرام والبنات اللي بتعاكسهم وممكن تصطادهم والصيد بيعلم الصبر وتقوم في الاخر انت بدور تنظيم المرور وتبئا شبة الريسيفر اية كل دة مش حرام

كانت معكم حروف تنقل لكم مباراة القمة والحكم واقف بيصفر لانتهاءالشوط الاول(ياولاد وربنا نيتي خير بلاش قاذورات لاحسن الديتول يشتغل)

وعلي راي الست خيخة نفهم ايه من الحدوتة بلاش صدرنا يوجعنا ونلف ممكن نقضيها لاحسن تقلب بكرشة نسوان وتلاقي نفسك في ميدان عام

تقوم بدور ظباط المرور وياطبط ياتدلع واهوووووووو استغل الفرصة بشكرر الست نانسي سلام بلقطايف والسكر

********************************************************************

كلاكيت اول مرة بعد كلاكيت تاني مرة

شفتو الدماغ بنزل الجزءالاول بعد الجزء التاني امال اية تخطيط بردوا ايون ياختي تكتيك زي تكتيك بتاع الاهلي ومدرب الخواجة اسمة ابصر اية هاتي يابت قومي ناوليني جوز الجزم ولا اسمة مناول ميكنش كان شغال في الافعي معرفش المهم بيجيب اجوان يااهلي يارسام قسم وهات اجاوان واحد هنا وكمان هناك وانا هنا في الاستاد بهتف وقول ياخواتي علي الجمال

قوم اية رحت طابورالعيش اية زمان امم امم بشر ميتعدوش بيباتوا عشان يحجزو طبعا انا عمري مابحجز ولا اروح عند مدونة واحجز بتاتا وكلا

وقفت شفت ولية سارقة شادر بطيخ في بطنها وحواليها ملجا ايتام ايون وواقفة قالتلي الكلام في سرك بنتاجروا في المشروب الشعبي يادي النيلةهو ورايا ورايا دةكلام في سري قالتلي اصل ابو سريع دماغه طايرة حايرة وعنية مش مركزة وبينادي علي العيال بشقلوب وقالي بقوللك ياولية الرغيفين طاروا من نفوخي فقلت اعمله اصطباحة وبمناسبة العيد القومي للمشروب الشعبي وعيد ميلاد الاستاذالبشمهندس رئيس قسم الحوادث في حارتنا جوزي ابو سريع قلت افرحه واجيب 5 ترغفة مش رغيف وانا ماشية بئا وعليكي خير بكرة اسافر عشان نحتفل اصلي من بورسعيد وسمعوني سلام السمسمية حلوة بس شقية "محدش يفهمني صح"

وجينا بعيون الكاميرا نصور ولاقينا الطابور يالهوي ياخرابي ياخرابي اوةة سيترو سوفاج خالص مش سولاف فواخرجي البت القمر يالهوي مش هي بقول سوفاج يعني عمي وطرش كمان احمدك يارب

وسالنا مواطن شريف عفيف نضيف زي حكومتة بزبط وسالتة بتعمل ايه هنا رد وقال زي متقال انا جي ازور اخويا محسن اصلة هنا من امبارح كنت في القرافةواخدت العيال افسحهم في القرافة وقلت اخليهم يزوروا عمهم في الطابور وعايز اشكر الحكومة علي مجهوداتها في القرافة من تطوير عملت زحاليق للعيال وللميتين كمان الميت ينزل متزحلق في التربة وكمان اللي بيشاور عقله يتزحلق وحينزل في التربة ميت بدون الم او وجع والله ياجدعان ولا الفيف استار

وسالنا مواطن شكله من ايام تحتمس الخماشر اهو تحتمس وخلاص قالي يابنتي ياقمر انتي يا بطة حطة يابطة يادقن القطة زمان الحاجة كانت رخيصة والبنات ايووووووووووووووخ كانت بنات بنات ودلوقتي ياحج بنات علي ماتفرج دية بقت وكسة بالالوان يابنتي ولا البيض اهم حاجة البيض كالسيوم هو واللبن يا لبن ياقشطة كمل ياحج متوهش مني في السكة مفيش مواصلات الله يكرمك ايون ايون حاضر يابنتي السن ياسنان لولي كان 20 بيضة بشلن ياسلام علي الايام ياسلام

ولقيت علي حين غرة وفجعة واتخضيت وبصيت واسمع منادي ينادي في البشر باتنين ونص وتعالي بص واستك يااستك وتعالي قرب قرب قرب ولا الصين ولا تيوان الرغيف بئا بنص لسان قرب قرب دة طاظة وفريش زي المروحة الفريش من امبارح وحياة اديا جايبة ملهوش يوم ياعنيا اقرب الاقي عيش بيهربوا العيش زي الحشيش ياحلاو ة ياولاد واللي ياخد خمسة علي حشيشة هدية عرفت معني الدماغ برغيف بلدي في امريكا والدول المتقدمة بيقدروا الخمرا والنسوان واحنا بنقدر الحشيش ونضرب النسوان يحيا نانسي وهيفا تعيش تعيش تعيش الاخت روبي حبيبة الطلبه

بضرب بعيني الشمال اللي موازية لايدي الشمال اللي مش باكل بيها طبعا لقيت شاب صغنون قلتلة ياعين امه يااخواتي انتي ياجميله انتي يابيضة واقفة هنا ليه انتي تشتغلي سواقه قالي لالاانا طالب في جاامعه وجاي اخد ورقه اعفا اصلي وحيد ياروحي وحيد اةة معلش بس قولي ورقة اعفاء هما طلبوا مني في دامعه "جامعه" ياورق تاديتي خدمة الطابور يااعفاء نهائي ياعين امه يااخواتي اتصدقي ياطنط بقالي 3 ايام بابا وماما يرنوا عليا مش راضي افتح عليهم لغاية مااخد الورق بنادي المسؤلين انهم يستعجلوا الروتين طنطفي عينك اهو لو اخدت الورق حرقت دمي شباب بايظ

ببص تاني بس المرة دية بعيني اليمين الاقي مظاهرة وهتاف وواحوي ياوحواي وواح وواحوح واح سالت طلعوا دول فرقة القناصة مستنين قذف العيش بس الشمس والارض سخنة فموحواحين والارض سخنة الارض سخنة الارض سخنة الارض سخنة

وانا قاعدة لوحدي وحواليا 29 حرف اسمالله عليهم اصلهم بيتكاثروا ذاتيا وكميا وحركات بئا


اكتشفت اكتشاف ايه بئا مش حقولكم اختشاف من الاخر ان طابور العيش من مصر لاسكندرية لية 7 فوايد زي السفر وقال الناس الجاهلة بتشتكي قال يروحوا يتنيلوا دية الحكومة ياجدع بتحل مشكله العنوسة وبعدين الموووز ودام والبط ورا والوز الصغير في النص وعجبي اللي عايز يختار براحتة وكل المقاسات وتوصل لاكس اكس اكس اكس لارج وبتوصيل للمنازل دليجري ورحنا سالنا بعض الشباب اللي يعيني بيقضي حياته في طابور العيش وسالنا شاب روش روش وكفاءة ايون واقف هنا ليه انا لقيت ناس بتقول نانسي نانسي وشفت نانسي لا شفت مانسي منسي مين دة جارنا واية اللي جابة اصله سمعة تقيل عقبال مجاله الخبر بئا وعجبك حد من البنات لا هو في واحدة معظمها عاجبني يعني ممكن اشغلها دبل فيس الصبح ماما وبليل بابا والعصر اتصرف فيها


وسالنا شاب تقريبا هو انا مش قادرة احدد هو شغال الاتنين تقريبا وسالناة اسمك ايه قال انا شاب فافي وموجود هنا كل يوم من 5

من 5 ل5 ونص وانا ياحبيبي بستناك ترررمتررررم

ليه اصلي اختي اتخطبت وانا لا شفتوا الظلم ظلم ظلم ظلم

وسبناة وروحنا للنص الحلو لوانت قاعد في مدرجات الشمال حيبقوا علي ايدك اليمين ولو انت في مدرجات اليمين حتلاقيهم في النص ولو بتتفرج في التلفزيون اللقاء مش مذاع اصلا

ونقول الووووووووو مين معايا رد كائن مجهول المعالم زي شارع صلاح سالم وقالت انا هايفة بذمتك تقولي والعيش والملح اة يعني حكدب وادي البطاقة لالا طبعا مزوراها طيب بصي صوباعي ايه دة قلتلها مش عارفة تقولي بصي كويس ابص مش شايفة قلتلها ايه قالتلي الواوا مش شيفاها قلتلها اةةةةةةةة قالتلي ابئا انا مين قلتلها هيفا ولقيت مظاهرة من بعيد عايزين نقرا ببص لقيت شورت وفنلة وكاب لالالا مش الفيلم ديه اشباة هدوم المهم خير اللهم اجعلة خير كان احمر لا مشاباحة دة لون والفنله هي مش فنلة اوي يعني هو تقريبا حد بيشد من فوق لغاية ما بقت نص فنله وكاب قلت يافرج الله حريم ايون ح-ر-ي-م انا افتكرت الكلمة انقرضت حرررررررريم احمدك وشكرك يارب جة اليوم ياجدي اللي اشوف الحريم بعنيا مش حكاوي يا جدي طول عمري كان نفسي اشوف الكائن اللي بيسموة حريم

واخيرا وجدت ان الحكومة لها نظرة مبعدية ثلاثية في حل مشكله العنوسة اةة انتوا عايزين الناس تموت بعضيها يوم الخميس يعني والضغط اليومين دول بئا لركب اخذا بحكمة الست روبي ولا دينا بوظت نفسية البنات فالحكومة وجدت هذا الحل واحب اشكر الحكومة واشكر نانسي وهذة الفتاة المجهولة لاني شفت حريم قبل مموت

*********************************************************

رساله من ارض الخيال

بحبك مش حقولها تاني

بحبك وانتي عرفاني

بين عيوني شيفاني


وبين ضلوعي وحشاني

لوابئا كحل تكحل بيهم عيونك

لو ابئا نوم يحضن جفونك

لوابئا حلم يداعب خياللك

لو ابئا كلمه تهمس بيهم اجمل شفايف

بحلم بيكي وانا صاحي

بحلم اة بحلم ونفسي اخدك في احضاني

بحلم اة ونفسي اخدك في احضاني

بحلم بيكي بحلم برموشي تكون سياجي وضلوعي اسراكي


بحلم وبحلم وبحلم ونفسي تبقي حلالي

***************************************************

احلي الافلام

حتكلم عن احلي مشاهد السينما اصلي عقبال عندكم صحفية وناقدة سينمائية وتحت الساهي دواهي يوةةةةةةةةة دة انا اينشتين بس انتوا

اللي مش حاسين ام هند بئا

فيلم اشاعة حب ياخرابي بحبة جدا وخصوصا مشهد لما يلاقوا الجواب ويطلعوا يدوروا في اوضتة وكلهم يتلموا ويقولوا ها ها ويجيب وشهم الوان حموت واعرف ياجدعان لقوا ايه بطلوا قله ادب شيفاكم انا بسال سؤال بريء ولا مشهد بحبك ياسونة بعبدك بموت في هواك اموة اموة

فيلم الساحرة الصغيرة لما رشدي اباظة عرف ان سعاد حسنيمشصغيرة وضربها ........وشربت اللبن وصعبت عليه فباسها

فيلم الزوجة13 مشهد بتاع شادية بتغني في العربيه والمقلب لما رقصوة (اصلا فيلم مسخرة)

فيلم مراتي مدير عام لما صلاح ذو الفقار قال لشادية متجوز سيادة المدير وبشنب كمان والقطة لفلها وجرت

فيلم اضواء المدينة ياةةةةةةةة شاديا واغانيها ولما اتنكرتوراحت الحفلا وغنت لاحمد رمزي ومشهد الفيل لاحمدمظهر

وفيلم شادية مع رشدي اباظة دكتور سنان وهي الممرضة ودكتور حسني حسني دكتور

فيلم العزاب التلاتة لما بيقولوة حتطبخ اية قالهم فراخة قالولة مؤنث يا لوح قالهم امال اطبخ ايه قالولة ديك قالهم اجيب كوسة قالولة مؤنث قالهم وطب لو قلنا ارع قال تمنع الكوسة حتي نتعرف علي جنسها

واغنية ابعد عن الحب وغنيلة ومشهدلما سعادحسني سخسخت وشالوها وفاقت هالووووووووو

فيلم ابن حميدو لما اسماعيل ياسين دخل المطبخ ويلفوا ورا بعضهو وحميدة بحبة يااما اماا اية يا حميدة افتح الباب ياحميدو ويدخل الوحش الكاسر انسان الغاب لا يسلم الشرف الرفيع ياريس حنفي الليانكسر يتصلح

نيجي للرومانسية

فيلم افريكانو لما احمد السقا قال لمني زكي اطلبي كدة اي حاجة قالتلة اي حاجه اي حاجه يعني لو قلتلك تنط قالها لو دة حيخليكي تصدقي اني بحبككككككككك ونط بجد مشهد بحبه جدا

ولا لما دخلت وهو بيرسم علي دراع البت الاسد وقالتله كل دة قالها اصلي اول مرةاشوف عندكم بنات جيبة فوق الركبة وشعر مش كاب وزحافي دكر دكر دخلت تلبس وتتمكيج وفي الاخر طلعت متنرفزة مش غير نفسي قالها شكللك كدة حلو مسيبة شعرك وكياج بس مش تقطعية تصبح علي خير يا بدر ست الحبايب ياضنايا انت استني بحبك اخيرا دوختيني

فيلم عن العشق والهوي مني زكي انا زعلانه من الدنيا يافاطمة زعلانه اوي

تيمور وشفيقة اية الليحصل دة البت غمزتللك انشالله موعي طب انشاءلله ها وتدخل والمفاجاة ويخرجوا يتفسحوا ويارتي السنة دية جبتلي عروسة لبسة فستان ابيض وطرحة كان لية مغزي ولا عادي كدة بحلم يا شفيقة بليوم اللي تلبسيلي فية الفستان والطرحة

فيلم مافيا لما بتدربة علي الثبات الانفعالي وتهزمة وتمشي وتفك شعرها ويقولها خالص كنت فاكر ان اونوثتك اتاثرت طلعت متاثرتش خالص

واخر الفيلم لما قالتلة انا اسمي قالها مش عايز اعرف يا دكتورة مريم

فيلم الباشا تلميذ ليه دة انا اتغيرت علشانك ومشهد هو قاعد وبتغير الهدوم عشان تعجبة

فيلم حرامية في تايلاند

حنان ترك ابراهيم انت اتجوزتني ليه استقرار ولا عيال ولا حب كريم اجابة رقم 3 وانتي استقرار ولا حب ولا طمع حنان طمع اة بشمهندس كهربائي اد الدنيا وعربية المصلحة بتدخلي لاوضة النوم يبئا طمع ولا مش طمع لا كنت فكراة بيحبني

ابراهيم لو حاسس انك اتسرعت ممكن ارجع مصر لدرجادي متمسكة بيا تضحي بيا قومي فين فطين فطين مين هو انتي خارجة مع ابن اختك دة انا جوزك

فيلم حب البنات اشرف عبد الباقي اكتشفت ان اي مشكله سببها الحب يابنحب حد مش بيحبنا يامش عارفين نحب اللي بيحبنا يا بنحب نفسنا.....

فيلم احلام عمرنا مصطفي شعبان محدش بينجرح اوي غير لما يحب اوي

فيلم عمر وسلمي

مي عز الدين قلتللك علي اكتر حاجة بتوجعني وعملتلها انت يادوب تتنسي

تامر حسني سلمي تتجوزيني

عمرو وتهز راسها اهم حاجة يا جدعان الموزة الليفي الفرح اللي اتاكلت انشاءلله يزور يارب

.........

رغيف مش للبيع

كلاكيت تاني مرة وصوت

وسعوا عشان متجيش فوش حد

رجعنا تاني لطابور العيش لقينا الحكومة الله يعمر بيتها حفاظا علي الامن والاداب العامة والهرش عملت الرغيف الالكتورني العلم نور امال ايه ورزرع وحسد ونوسونوسو بابا انت احلي بابا واللي يسمع كلام الحكومة نقولوا ايه شاطر شاطر

  رحنا للفرن البلدي لقيت خير اللهم اجعلة خير كشك لا مش كشك سجاير لا كشك زي  
atm
المهم قربت وانا في طبلة بلدي في نافوخي ودينا قايمة بدورشوشو واية فنون شعبية ودام عنيا واقرب اقرب اذا ربما الاقي بتاع ازاز ومحدش يحدف طوب لقيت زرارين 
 ا لاولاني بوس ايدك شعر ودقن واقرا الفاتحة للحكومة وادعي بضمير


الزرار التاني الحق وانت في اخر ايامك 
 قوم انا اتوضيت امال ايه قبل مضغط علي الزر وسميت وصليت وقريت نص القران واستفتحنا لبن وجبنة رومي 
 وان ان ان طش 
لقيت رغيف عيش طلع وانا قلت ياحلولي ياحلولي المكنة طلعت قماش قماش والحلوة اتكلمت لقيت اللي بيقولي حظ موفق المرة اللي جاية يامنيل متجيش هنا تاني


فاذا اتفجع واتخضيت وقطعت الامل لالالالالالالالالالالالالا محدش يقول


خلف انا عايزة اتجوز متوقفوش حالي اللة يكرمكم


وبعدين انا بفكر اعمل مناقصة جواز واللي يقدم احسن عطي نقبلوةة ولا يشترط الخبرة يشترط فقط انه يكون من فصيلة اكس اكس او


انتوا عارفين ابو بلاش كتر منة رحت لقيت علي جمب كرت حطيتة لقيت الرغيف هو هو ياجدعان طالعي وقالي تاني هوانتي ملكيش شغلانة غيري هذة الرساله مسجلة وهذا للفرجة مش للاكل يامنيل وهوب رحت مخبطة بئا ماهو ولابد بئا اخبط طالعلي رغيف فينو قالي باردون ياحببتي اللي جياله اخد اجازة وسوي معاش مبكر وانا اللي مسكت المنطقة من بعدة اي خدمات بس بلاش طلبات كتير مش ناقصين وجع نافوخ عالصبح دة احنا بنستفتح ونقول ياهادي ولا اقوللك ليه حق وتستاهلوا مش وش نعمة واخد وصلة نوم عميقة وقال لازم النعمة تغور من وشكم يالا اتكلي علي الله عايزين نرش ماية
 
كان معكم حروف والعيش والملح وعهد الله والعيش الفينو حروف من امام العيش الالكتروني ماركة ودع ومتقلش لعدوك

مدينة سكاتي

طال سكاتي 
وكترت اهاتي
وكرامتي حته من حياتي

جوايا مدن وبلاد عايشين في ساكتي
لو الف ايد تمد وتحضني
لو الف عين بكت لحزني


 دة عيوني مخلوقة عشان تبكي
  حتي روحي صرخت من كتر همي
جوايا حزن اخد ركن وبيبكي
ودة ركن فية الحزن مش مكفية
ودة ركن من كتر الالم عمرة ما ناسية
 ودة ركن حفر فيه اهات وكتب الف اه ه
دة الحزن بني قصور وحيطان ماتهدتتش


وقفت علي الشط واشتكيت
بصيت للقمرواتهزيت
افتكرت الاله ودعيت
موجة ورا موجة وريح  ورا ريح
شجر بيقع اوراقة وورق ورا ورق
وسنين  بتمر ويام بتفوت
والجرح عمرة ما بيمر
ليةمكتوب عليا الجرح
كنت عارفه ان السعادة كاتي
عمرها ما حتطول

ست بهية والدنيا الجديدة

انهردة فرحي يا جدعان وعايز كلة يبئا تمام وحتجوز حتجوز

باختصار انهردةالفرح وحتنقل من لقب عزباء"عانس"الي لقب زوجة نكدية طبعا

وحنبدا الهيصة ونشغل ماتزوقيني ياماما مع اني رايحة الكوافير بس زي بعضة وحلبس الفستان الابيض الباشا العريس قال ايه مش بيحب الفساتين التوبات عايزها ميبقاش تب كفاية تكون بيرتال(حملات يعني بس فرانسية اصلي ثقافتي فرانسية) كدة حكون محترمة وبيغير عليا قوم اية الفستان حيكون مفاجاة وفجعة لية وهو اصلا مش يوم عشان يتخانق فية بس ياجدعان حنفرح ونزقطط وامي تعيط عشان حسيباها بس بينها وبين روحها ما صدقت تخلص مني ممممم الفرح حنعملوة ونقعدوا نلعبوا عروسة وعريس وناكلوا الجتوة مش حخلي حد من المعازيم ياكل دة فرحي انا لوحدي اللي عايز يحضر يجيب اكلة معاة اةةة خلي في ذوق

تاني يوم صباح الخير ياحبيبي كل سنة وانت عريس ممممممموةةة ححضرللك الفطار لالالا انا اللي حضرة انتي الاميرة شفتوا الهنا

دةقبل الجواز

ان ان ان طخ بعدالجواز

محمود انت جيت اةةة ابوسريع احضرللك تطفح

مليش نفس انشالله اعدمك لازم تاكل طيب مش واكل حتي ابئا خلصت منكم

الله الله الله بئا كدة لية انت فاكر مليش اهل طلقني

يوةةةةةةةةةةة نكد نكد كل يوم نكد انا سايبللك البيت وماشي طخ

تقعد تعيط شفتم ابوكم اخرة العشرة والشقا وعايشة خدامة لية ولولادة حيجي ميلاقنيش تروح بيت اهلها امها ياخيبة تسيبلة البيت يا خيبة روحي علي بيتك هو بئا يتصرف مش كفاية معيشك في فقر شفتي اختك ولا بنت خلتك اهه ياماما اةةة حظ بتك وحش من يومي مليش حظ وتندب حظها

وبعد تفكير عميق انا مش عايزة اكون كدة انا انشالله بحلم ان افرح انا وهو ونكون فرحة بعض ويكون التفاهم اساس حياتنا حتي لو اتخانقنا نحل مشاكلنا بين بعض وبتفاهم وعقلانية ومنغير محد يسمع صوتنا ولا ولادنا يعرفوا لازم نكون لبعض السكن والمودة والرحمة ميمنعش اني اكون حبيبتة وعشيقتة واختة واخوة وصاحبة ومراتة وبنتة

نكون اساسنا الصراحة نحكي لبعض لو علي سبيل الفضفضة لية الست لما بتتضايق من جوزها بتفضفض لصحابها لية متفضفضش لجوزها لية مترحش وتحكيلة كانهم اصحاب لية كل واحد ميطلبش من التاني الحاجة اللي عايزها وبتسعدة لية لما الست او الراجل بيضايقوا من بعض بيفتكروا الوحش لية مش بيفتكروا الحلو لية لما تحصل خنااقة واحد فيهم يعتذر حتي لو مش غلطان علي سبيل فتح مجال للكلام يكون كلام هادي فيه رضا وارتياح وحب لية منستخدمش الزكريات الحلوة اللي بين الزوجين بانهم يقعدوا يفكروا بعض بيها ويحاولوا يرجعوها لحياتهم لية بنندم علي اختيارنا للزوجنا او زوجتنا لية منرضاش بلواقع وندور علي اي خيط حلو نكبرة بينا ونبدا من جديد لية منحبش حياتنا وجوزنا او مراتنا

لية اسئلة كتيرة لية نسب الطلاق زادت انا عن نفسي كفاية الدبلة وخاتم والشبكة في الفرح ومش لازم شبكة غالية ممكن شبكة بسيطة او لومينفعش بلاش الشبكة مش حتكون ضامن ساعدتي الاهم انة يكون زوج صالح ويتقي ربنا ويخاف عليا ويحميني ويحتويني يعني يكون راجل مش متنكر وعامل راجل لالالا راجل بكل ما تعنية الجملة من معاني بجد بحلم اني اكون فرحة زوجي ان شاء الله عايزة اكون حلوة واحلي واحدة علشانة عايزاة يكون احسن واحد وانا جمبة عايزة اتعلم كل حاجة عشان اكون بنسبالة كل حاجة نفسي نسافر انا وهو بس في بيتنا يوم اطبخ اكل ياباني يوم اكل اسباني واني اكون كل نساء العالم مش مهم اني ادي حتي لومكنتش باخد كفاية احس بلشكر والامتنان في نظرة عين او احساس مش كل حاجة ليها مقابل يجب ان نتعلم العطاء بدون انتظار مقابل