حب مع الصيف

كنت ماشية علي البحر وقت المغربية كدةكنت ماشية في ماية بس برا ماما هناك اهي قاعدة وانا بتمشي ودامها
لقيت شاب جة عليا بصلي وسكت بصراحه كنت عايزة اضحك بس طبعا مضحكتش
افتكرت موضوع حب الصيف ان ناس بتيجي تصيف ويحبوا ويتنسي اول مايوصلوا بلادهم دة كان زمان
دلوقتي بئا في تبادل ثقافات تبادل مسجات ورنات كمان فبصراحة قلت اية العبط دة ومشيت من سكات ومحاولتش افكر
شوية ولقيت ولد صغير بيقولي طنط طنط بصراحه فرحت اوي انا كبرت وبئا يتقالي طنط قلتلة نعم ياحبيبي راح عطاني بتاعه في ايدي وجري طبعا حتقولولي اية بتاعه دية حقولكم ورقة طبعا قلت اية قلة الادب ديه وقطعتها قبل مقراها اكيد رقم تلفون او اي هبل ومشيت لقيت اللي بيقولي لو سمحتي مردتتش قالي كلمة بس مردتتش وفاضلي خطوة وادور واقول ايه قله الادب ديه لقيته بيقول علي فكرة انا مش بعاكس انا بحبك وعايز اخطبك الكلمة استفزتني وقلتلة نعم وحسيت اني غلطت اني رديت قالي والله بتكلم جد انا بقالي شهر متابعك وعارف كل حاجة قلتلة حضرتك بتراقبني بئا طب عن اذنك ومشيت بس حقول ان الفضول ملاني وكنت عايزة افهم اية الموضوع بس مقدرش افضل واقفة كدة كتير اتكلم معاه اتمنيت بصراحه انة يرجع ينادي او بيعت الولد بس محصلش اليوم خلص وروحنا
ورحنا تاني نفس البحر ونفس مكان افتكرت كلمتة انة متابعني حاولت اتلفت حوليا مش لاقياة عملي روشة في دماغي قلت وبعدين بئا قلت تلاقيها طريقة جديدة عشان تعليق البنات ونسيت موضوع وقلت اكمل الاجازة بئا واتفسح مع صحابي وفجاة لقيتة قصادي وعيني جت في عينة ودور وشة ايقنت انه كان هبل وانة لما منفعش معايا دور علي بنت جديدة ضحكت مع صحابي ومسحت موضوع نهائي من مخي روحت البيت قلت اية الهبل دة لية اشغل مخي بحاجة عابرة دة كان فضول مني مش اكتر لانة كمان عرف يدخل صح بطريقه جديدة الصبح لقيت مسج عشان تعرفي اني وياكي في كل لحظة وصدقيني بحبك بجد ومن فترة قلت وكمان رقمي كدة كتير بئا اتصل علي الرقم مقفول قلت لا بئا اتغاظت اوي انا مترقبة يعني ولا ايه رحت نازلة اشتريت خط جديد ورميت تاني ومعطتتش الرقم لحد وافتكرت ان بكدة انتهي الموضوع لقيت الموبايل بيرن الوووووووو قالي انا قلت بحبك مش عايزة تصدقي ليه انا عايز اخطبك قلتلة انت طالع عليك عفريت اسمة بحبك هو انا اعرفك اصلا قالي لا بس كفاية اني اانا عارفك قلتلة انا جبت رقمي منين قالي انا اعمل اي حاجة عشان اوصللك ولقتني بنهي المكالمة
احساس حلو الاهتمام وان الواحد يحس انة مرغوب واحساس احلي انك تحس انك بتتحب افتكر بيكون اثرة احلي كتير من انك تسمعها

هو الواحد يختار مين اللي شارية وبيحبة
ولا يختار اللي قلبة بيحبة

وهو في حب صيف وحب شتا
وهو في حب من اول نظرة

سلاموزززززززززززز كانت معكم حروووووووف اللي بتفكر